نقص زيت مع دخان أسود عند القرص في السلانسيه

**Hamroosh** · 12-02-2013 03:50 PM

سلام عليكم يا جماعة

اشتريت عربية فليشيا 95 كاربراتير من شهرين حطيت لها زيت شل الاصفر ال5000 كيلو،، بعد مامشيت حوالي 1800 كيلو منهم 1000 سفر للسويس وطنطا وكنت باقرص على العربية في السفر ، اكتشفت ان الزيت نقص حوالي كيلو،، روحت للميكانيكي قاللي جرب الصبح وشوف فيه دخان مع الدوارة ولا لا،، شوفت تاني يوم الصبح مافيش دخان مع السلانسية بس لما ادوس جامد يطلع دخان اسود وبيروح لما مادوسش،،، ولما بلغت الميكانيكي قاللي كده المكنة على وش تفويت وانها هي اللي بتاكل الزيت.. فهل كلامه ده صحيح ؟؟؟ مع العلم ان الشكمان بيجيب بخار مياه في الصبح ومياة الردياتير مش بتنقص ومافيش تسريب للزيت على جسم الموتور ومافيش دخان ابيض وصوت الموتور هادي وطبيعي وسحبها كويس.

هل ممكن حد يفسرلي اللي بيحصل،،، ولو فيه مشكلة يقوللي حلها؟؟؟ وجزاكم الله خيرا

**amr elsisi** · 12-02-2013 08:51 PM

نصيحة لله وانا ماشي علي الموضوع دة
هات علبة ابرو 15ج +جركن موبيل دلفاك ام اكس 3(5لتر) 105ج
واضف النسبة الموصي بها في محركك

اضغط هنا لمشاهدة الصورة بالحجم الطبيعي.