الموضوع: رحت اشوف البريليانس ال v5 بديل الbmw x1 وكانت الصدمة

المشاركة الأصلية كتبت بواسطة evo

ليَّ تعليقين صغيرين

أولا على حد علمي برليانس مبقتش تبع بافاريا خلاص بقت حاجة لوحدها و أساسا مكنش ليها علاقة بـ bmw لا من قريب ولا من بعيد . وكلاء توزيع bmw بيوزعوها في مصر وفي الصين لا أكثر والاقل.

ثانيا متخدش وصف أي حد لأي عربية جديدة و تقول امين لأن كل واحد شايف اختياره أعظم شيء في الدنيا و ممكن يكون قبلها يمتلك عربية موديل وتصميم قديم فبالنسبه له دي حتى لو سيئه الصنع في وجهة نظر ناس كتير هي شيء رائع و حتى في وصفه لها هتحس بالإعجاب المبالغ والإقتناع التام بـجودتها وراحتها وثباتها وقوة الموتور الرهيبه و طبعاالتكنولوجيا اللي سابقه عربيات كتير بنفس التمن واللي ممكن يكون بالنسبه لواحد تاني كلام فاضي .

ونرجع ونقول لولا اختلاف الاراء لبارت البرليانس ! والوكيل لو مكنش متأكد إن فيه من هينبهر بهذه ال v5 و خصوصا في مصر مكنش نزلها وبالسعر المتخلف ده .

اخيرا بقى هي الناس مش هتبطل تشتري عربيات بأسعار غير منطقية و مش هيبطلوا يسلموا رقبتهم للتجار علشان يدبحهوم !

+1111111111111111111111111111111111111111111111111 1

المشاركة الأصلية كتبت بواسطة youssef_u

بس انا كيوسف انبسط :d

هههههههههه تعليق منتهى خفه الدم وانا كابويوسف اتبسط

المشاركة الأصلية كتبت بواسطة Evo

ليَّ تعليقين صغيرين

أولا على حد علمي برليانس مبقتش تبع بافاريا خلاص بقت حاجة لوحدها و أساسا مكنش ليها علاقة بـ bmw لا من قريب ولا من بعيد . وكلاء توزيع bmw بيوزعوها في مصر وفي الصين لا أكثر والاقل.

ثانيا متخدش وصف أي حد لأي عربية جديدة و تقول امين لأن كل واحد شايف اختياره أعظم شيء في الدنيا و ممكن يكون قبلها يمتلك عربية موديل وتصميم قديم فبالنسبه له دي حتى لو سيئه الصنع في وجهة نظر ناس كتير هي شيء رائع و حتى في وصفه لها هتحس بالإعجاب المبالغ والإقتناع التام بـجودتها وراحتها وثباتها وقوة الموتور الرهيبه و طبعاالتكنولوجيا اللي سابقه عربيات كتير بنفس التمن واللي ممكن يكون بالنسبه لواحد تاني كلام فاضي .

ونرجع ونقول لولا اختلاف الاراء لبارت البرليانس ! والوكيل لو مكنش متأكد إن فيه من هينبهر بهذه ال V5 و خصوصا في مصر مكنش نزلها وبالسعر المتخلف ده .

اخيرا بقى هي الناس مش هتبطل تشتري عربيات بأسعار غير منطقية و مش هيبطلوا يسلموا رقبتهم للتجار علشان يدبحهوم !

أنا هقول حاجة على كلام حضرتك اللي في الأخر ... التوكيل جاب العربية ديه علشان الناس اللي نفسها تركب x1 و مش قادرة تشتري v5

نفس الكلام زمان مع لاندروك و كومودو لما الناس كانت بتشتريها علشان شكل تويوتا برادو ... ناس في مصر بيحبوا إن يجيبوا عربية فيها كل حاجة و بسعر قليل جداً ... بس طبعاً قليل جداً في مصر اللي عندو ثقافة الجودة و الأمان .. يعني زمان كنت بشوف ناس بتشتري البريليانس سبلندور أو حاجة ذي كدة اللي كانت ب-150,000 ليه هما ماشتروش كورولا مثلاً و ساعتها اسمها عربية ياباني و توكيل أحسن إلخ ....

المشاركة الأصلية كتبت بواسطة SAMEH_FOUAD

160 الف جنية ينهاااااااااااااااااااااا اااااااار

والمشكلة انها منتشرة بالعبيييييييييييط , يعنى فية واحد يدفع 160 الف جنية فى عربية صينى , وبالتقفيل دة لمجرد انها شبهة ال x3 بس

ويقولك الشعب المصرى ماعهوش فلوس , ههههههههههههههههههه

مش بالذمة يدفعهم في كوري أحسن
و تحديدا ألنترا MD

واحشني يا سامح ووحشاني مشاكستك

المشاركة الأصلية كتبت بواسطة amribrahim

بص يا باشا أنا مهندس سيارات و اشتغلت في مصنع جنرال موتورز في الخارج .. لما العربية بتخلص تقفلها و تيجي على آخر خط الإنتاج بيتعملها ديليفري انسبكشن علشان لازم العربية تخرج و كل حاجة فيها شغالة من الألف للياء ...

لما أنا أشوف الصورة ديه عند التوكيل أو معرض يبقى في حاجة غلط ... ازاي أصلاً العربية تخرج من المصنع كدة ... يعني لو دة كان عيب تخزين كنت ممكن أقول إن دة عيب شحن أو حاجة لكن لحام بل شكل ده يبقى ده مصيبة سودة

و كمان اللحام شكلو معمول برة المصنع ده spot welding و مش معمول كويس كمان أصل إستحالة إن المصنع يلحم بلغباء ده بس أرجع و أقول ده منتج صيني في الأول يعني مقدرش أتكلم .. و المصيبة إن ديه المفروض تبقى أجمد حاجة في مصر في العربيات الصيني يعني لما ديه تبقى بريليانس امال byd تبقى عاملة ازاي أو الاسبيرانزا إلخ ....

و ليه ماتقولش أن العربية دي من ضمن عربيات كتير بتكون زيرو و عاملة حادثة أثناء النقل و المعرض بيصلحها في الحرفيين و بعدين يبيعها علي أنها زيرو ؟

فيه معارض كتير أتضح أنها بتعمل كده و هنا في المنتدي حالات كتير و موضوعات عن المعارض دي و ماركات ياباني و كوري و أوروبي

أستحالة فيه مصنع يطلع عربية بالشكل ده