السلام عليكم ورحمه الله
اخواني الاعزاء
حبيت اكتب مشاركة كده
أولا :-
النهارده توجهت صباحا من القاهرة الى إسكندرية
وقطعت مسافة 180 ك بعد التفويلة فنص السكة عند بنزينة شل
والباقي المسافة معظمها داخل البلد على سرعات متفاوته أقصاها 130ك
كنت ملتزم وبقول ياصباح ياعليم يارزاق ياكريم
كلفوني بالظبط لما فولت وانا راجع حوالي 14 لتر
أعتقد ده رقم كويس للحاقدين على الشكل القديم
ثاني حاجة :-
وانا راجع عربيتين نكشوني وعدو جمب ننوسة وحده هيونداي النترا الشكل الجديد
والثانية مسيدس C200
قال إيه معدين على ننوسة وسايبينها ومحسسينها بالضعف
الحمد لله شديت لغايت 170 ك ومكنتش حاسس والله اني قارص
والتغريز بين العربيات ولا أحلى ثبات
لدرجه اني كنت بشوف أصحاب العربيتين بيكلبشو فرامل لما بيعدو وبيخافو يعومو
مع ان المرسيدس خارج النقاش عامة
بس الحمد لله العربية أثبتت كفاءةطوال الطريق وكإن الناس مش مصدقة اني بجري بنيسان

اخر حاجة ليا سؤال
في صوت صفارة بسمعه لما بفتح القزاز مع السرعات تقريبا جايه من ناحية الكاوتشات
تفتكرو الصفارة دي ليه ياشباب
مع ان الفرامل الحمد لله تمام
في إنتظار مقترحاتكم لاني مسافر في الفجر الى الصعيد إن شاء الله
تحياتي

-----------------------------
ممنوع الكتابة باللون الأحمر لانه مخصص للمداخلات الادارية
برجاء مراجعه قواعد المنتدي
مشرف القسم ب5