صوت فى الماكينة لانوس 1 موديل 2000

**سمسم الخطيب** · 13-02-2013 01:52 AM

السلام عليكم انا عاوز إفادة من أهل الخبرة الاعزاء فى الموقع
انا عندى الموتور مش بيفصل يعنى لما بدوس بنزين والعربية واقفة الماكينة ثابتة ومفيهاش تفصيل ولما أمشي بيها وأجيب أخر الغيار الأول أو التانى بسمع صوت كان فى حاجة مش مربوطة وعاوزة تقع بس مش عارف إية هيا رجت للميكانيكى قالى ان الماكينة بتاكل زيت دا سبب انها مش بتفصل وبتطلع الصورت المزعج وعلاجها انى اعمل عمرة او موتور جديد مع انى تابعت الزيت ولقيتة مش بينقص ولا حاجة ومش عارف اية الحل وأعمل إية يا رب تفيدونى شكرا

**amdd** · 13-02-2013 10:05 AM

متابع بإهتمام شديد

**سمسم الخطيب** · 15-02-2013 01:49 AM

متابـــــــــــــــــــــ ـــــــــــع

**AlGazar2** · 15-02-2013 04:32 AM

الموتور مش بيفصل مش معناها انه عايز عمره ده ميكانيكى بيشتغلك ممكن يكون حاجة فى الكونترول ( العربيه اللانسر عندى مبتفصلش برضه لما اكبس بنزين على الاخر عكس النوبيرا )

لما تجيب اخر الغيار العربيه بتتوقف عن التسارع بتجيب اخرها و تقف عند 6.5 من غير ما تفصل برضه و ده بيحصل معايا فى النوبيرا - الصوت المزعج ده ممكن يكون حاجة مش متربطه فى التابلوه او الصالون - ممكن يكون صوت من الشكمان و علبه تكون فيهم حاجة مكسوره مع الاهتزاز بتاع الماتور بيعملوا صوت عالى و ممكن من سوسته الشكمان

طالما المكنه ما بتاكلش زيت و ما بتدخنش طول ما انت ماشى يبقى ولا تعمر ولا تيجى جمبها و سيبها شغاله و تابعها زيت و صيانات و خلاص على كده