فكرة لتخفيض أسعار الصيانات الدورية

**Egyzizo** · 13-02-2013 04:08 AM

.
.
.

أسعار الصيانات بقت تضلع فعلاً ..

طيب بما ان المفروض ان زيت الـ 10 آلاف فعلياً ممكن يقعد أكتر ، والبوجيهات بتعيش أكتر وفلتر الهوا مالوش عمر افتراضى ..

ايه رأى الجماعة اللى خلصوا الضمان زى حالاتى نمشى كالتالى :
نفترض ان العربية عاملة مثلاً 70 ألف كيلو :

صيانة 70 ----> نعملها عند 75 ألف كيلو
صيانة 80 ----> نعملها عند 90 ألف كيلو
صيانة 90 ----> نعملها عند 105 ألف كيلو
صيانة 100 ----> نعملها عند 120 ألف كيلو

وصيانات الخمسات نعملها وسطيهم

وهكذا

بكده هنوفر تمن صيانتين كل 50 ألف كيلو (يعنى هنوفر 40% من سعر الصيانة) وتبقى الأمور معقولة شوية ونبقى مسكنا العصاية من النص وعملنا صياناتنا فى التوكيل برضه؟؟!!

**amr.elsayed** · 13-02-2013 04:34 AM

انا ضد الموضوع دة خاصتا زيت الماتور والسيور والفلاتر
لان انا مش بثق فى الزيوت اللى موجودة فى مصر والسيور الغلطة فيها بجون لازم تتغير فى ميعادها والفلاتر رخيصة مش مستاهلة (فلتر هواء)
البوجيهات بقى بشيلها من عربيتى فى الصيانة واحطها فى العربية الريتمو بتاعة واحد صاحبى
عايز اقولك العربية الريتمو شغالة لحد دلوقتى بالبوجيهات بتاعة الفبريكة بتاعتى من سنتين وصاحبى بيقولى اول مرة بوجيهات تعيش معاية كدة
...................
الحاجة الحلوة فى الصيانات الدورية انك بتقلل نسبة ان العربية تعطل بيك بدرجة كبيرة لانك بتغير المستهلكات بدرى وبالتالى هى مش دورية بس لكن هى وقائية
وطبعا بيقابل دة اشتغالات التوكيل وجشعه والحل الوحيد من وجه نظرى انك تعمل صياناتك برة التوكيل احسن مليون مرة
وتوفيييييييييييييييييير رهيييييييييييب خاصتا لو بتعمل صيانة كبيرة

**DR/WAFEK** · 13-02-2013 05:05 PM

المشاركة الأصلية كتبت بواسطة amr.elsayed

انا ضد الموضوع دة خاصتا زيت الماتور والسيور والفلاتر
لان انا مش بثق فى الزيوت اللى موجودة فى مصر والسيور الغلطة فيها بجون لازم تتغير فى ميعادها والفلاتر رخيصة مش مستاهلة (فلتر هواء)
البوجيهات بقى بشيلها من عربيتى فى الصيانة واحطها فى العربية الريتمو بتاعة واحد صاحبى
عايز اقولك العربية الريتمو شغالة لحد دلوقتى بالبوجيهات بتاعة الفبريكة بتاعتى من سنتين وصاحبى بيقولى اول مرة بوجيهات تعيش معاية كدة
...................
الحاجة الحلوة فى الصيانات الدورية انك بتقلل نسبة ان العربية تعطل بيك بدرجة كبيرة لانك بتغير المستهلكات بدرى وبالتالى هى مش دورية بس لكن هى وقائية
وطبعا بيقابل دة اشتغالات التوكيل وجشعه والحل الوحيد من وجه نظرى انك تعمل صياناتك برة التوكيل احسن مليون مرة
وتوفيييييييييييييييييير رهيييييييييييب خاصتا لو بتعمل صيانة كبيرة

طيب بالمناسبه يا استاذ عمرو وانت راجل خبره فى اللوجان واكيد عملت صيانة الستين عملتها فين وايه التفاصيل الله يكرمك لانى عايز اعملها بره التوكيل فى مكان مضمون

**Egyzizo** · 14-02-2013 12:23 AM

الموضوع لسه مشعشع فى دماغى ..

البوجيهات عندى بتطلع كل 20 الف بتبرق
وعندى فلترين هوا طالعين من العربية زى الفل
وبالنسبة للزيت أصبح فيه اتجاه عام دلوقتى للتغيير على فترات متباعدة تصل إلى 20 ألف كيلو
زيت المحرك يعمل بكفاءة حتى 20 ألف كيلومتر ..وضرورة تغييره خدعة كبرى - صحيفة المشهد

أنا عايز زقة بس ، وشوية تشجيع وامشى فى السكة دى.

**gebreel** · 14-02-2013 11:45 AM

انا عن نفسي مش هقدر اشجعك على السكة دي لأني في عربية الوالد اما اشتريناها كان اللي بايعها بيتأخر بردو على صياناتها و تعبتنا شوية حلوين على ما شدت حيلها