شوف حضرتك لو قالولك فى التوكيل لازم تغير تيل يبقى على حساب الضمان مفيش تيل يتغير على حسابك بعد 10000 كم أنا فيه واحد جارى عامل 32000 كم وغيرة بس على حسابة طبعا لكن حضرتك لازم تغيرة فى الضمان وتصمم على كده
عرض للطباعة
شوف حضرتك لو قالولك فى التوكيل لازم تغير تيل يبقى على حساب الضمان مفيش تيل يتغير على حسابك بعد 10000 كم أنا فيه واحد جارى عامل 32000 كم وغيرة بس على حسابة طبعا لكن حضرتك لازم تغيرة فى الضمان وتصمم على كده
انا دلوقتى فى اوتو ايجيبت بكشف على فرامل العربية. بعد ما المهندس كشف على العربيه افاد انها محتاجه تتغير التيل الامامى والطنابير كمان لان التيل اثر على الطنابير ودخلنى معاه الورشه وورانى فعلا التعرجات الموجوده فى الطنابير. بعد كلام وجدال كتر افاد مهندس الصيانة انه مش حيقدر يغيرهم فى الضمان لانهم اصلا بره الضمان وده مفهوم طبعا. يعنى طالما استلمت العربية من المعرض وطلعت بيها يبقى التيل والطنابير مسئوليه صاحب العربية مش الضمان. اللى اقدر اعمله انى اقدم شكوى لنيسان عن المشكله دى ونشوف حيتصرفوا فيها ازاى. انا اتصلت فعلا بنيسان وعملت الشكوى وفى انتظار ردهم.
المشكله بقى مش فى كده المشكله ان المهندس وهو بيكشف على التيل وبعد ما فك الطنابير علشان يغيرها ندهلى وقالى ان فيه حاجه اسمها عمود الكاليبر خاص بتوزيع الضغط على الفرامل. العمود ده معوج مش مسستقيم واكد لى انه اكيد فى مركز الصيانة اللى كنت فيه قبل كده اللى هو مودرن موتورز الدقى اكيد وهما بيفكوا الكاوتش باظ منهم او اتعوج منهم.
وفائده عمود الكاليبر ده انه بيوزع الضغط على الفرامل يعنى ممكن العجله اللى ناحيه العمود البايظ ده ما تمسكش لما ادوس فرامل.... مصيبة طبعا لان العمود ده فى العجلة اللى ناحية السائق.
طيب والحل.... حاخد تقرير من اوتو ايجيبت بالكلام ده وارجع لمودرن موتورز والمفروض انهم يغيروه على حسابهم. وده برضه كان راى شكاوى نيسان بعد ما اتصلوا بيا بعد 5 دقايق من عمل الشكو فى التليفون.
حغير التيل والطنابير واخد التقرير ده واروح لمودرن اشوف حيعموا ايه....... وحقولكم على الاخبار.......
اخدت التقرير من اوتوايجبت ورجعت بيه على مودرن موتورز التقرير مكتوب فيه "السيارة تحتاج كاليبر امامى شمال - مسمار الكاليبر معوج" مهندس مودرن موترز قال ان المسمار ده للتثبيت فقط ومالهوش اى علاقة بتوزيع ضغط الفرامل وهو لتثبيت الغطاء الحديدى اللى بيغطى تيل الفرامل ودخلنى معاه الورشه وفك العجله قدامى بس الغريب ان انا لقيته سليم زى ما يكون فيح استعدله لانه متجلخ. المهم راح مزود له شحم وركبه تانى وقالى ما تقلقش من حاجه. بس بصراحه اهتم جدا وكلم الناس بتوع اوتوايجبت علشان يتاكد من التقرير بتاعهم وانه عمل المطلوب.
بصراحه انا ما اتطمنتش لكلام الاتنين وقولت اشوف طرف تالت محايد اخدت العربيه من بعد ما طلعت من مودرن موتورز وطلعت على الميكانيكى بتاعى القديم ايام ما كانت معايا الهونداى. فك العجله تانى واكد على كلام مودرن موتورز ان مسمار الكاليبر ده للتثبيت فقط. واطمن ان كله تمام.
بالنسبة للتيل فانا غيرته على حسابى هو والطنابير لانهم بره الضمان وده حتى كمان كلام نيسان نفسهم لما اتصلت بيهم اشتكى ازاى التيل والطنابير تتغير بعد 10.000 كيلو بس. هما عملوا الشكوى بس مش عارف حيبقى مصيرها ايه.....
بس خلاص ده اللى حصل التهارده والبهدله اللى اتبهدلتها.
انا حاسس ان نيسان علي شان تخلي سعر العربية قليل من معظم العربيات اللي في نفس الفئة بتقلل من الخامات و قطع الغيار .. يعني انا اصلا مش عارف اخد قرار اشتريها ولا لاء .... ولازم احط علي سعرها دلوقتي وهي زيرو
اني اغير كاوتش و اغير تيل اول ما استلم ,, ده برضه اسمه كلام
معلش يا جماعه أنا أتأخرت فى تكملة بقية الموضوع، كنت مشغول شويه فى الشغل. المهم بالنسبة للموضوع بتاع تيل الفرامل والطنابير. أنا قولت لكم انى عملت شكوى في نيسان. هما اتصلوا بيا بعدها بحوالى يومين كده واخدوا شويه تفاصيل عن الموضوع، وبعدها لقيت الناس بتوع اوتو ايجيبت بيتصلوا بيا وقالوا لى ان نيسان قررت أنهم يرجعوا لى نصف الفلوس اللى انا دفعتها فى تغيير التيل والطنابير. هما بيأكدوا ان القطع دى مستهلكة ولكنهم عملوا كده لأرضاء العميل.
رحت فعلا لأوتو ايجيبت وصرفت الفلوس من عندهم.
وشكــــــــــــرا.
ربنا يكون فى عونك من اللى حصل ده و على العموم انا حاسس بحاجة مش طبيعية فى العربية بتاعتك يا ما المشكلة فى السواقة بس مش ح تبقى للدرجة دى
انا رأييى تثبت مع توكيل واحد و ما تجربش كذا واحد علشان لو حصلت حاجة يبقى معروف من اللى عملها
تيل الفرامل هو بتاع السوزكى السويفت القديمه