الحمد لله ثبت الستائر على الرخصة

**hatemmohsen** · 24-02-2013 11:16 AM

طب كويس والله ده فى ناس متعاونه اهو

**Honda_lover** · 24-02-2013 04:27 PM

المشاركة الأصلية كتبت بواسطة smsm_nabawy

أولاً مبرووك :)

ثانياً...

بلد ماشية بالعرض والله!! :(

منهم لله حكومة رجعية... يعني ليه الزينون حلال لعربيات معينة و حرام لعربيات تانية؟؟؟

ببساطة عشان الزينون الاصلي اللي بينزل فالعربية ستوك بيكون ليه عدسة وبيون محدد علي الطريق بعكس المضروب الصيني اللي بيكون مشتت في جميع الاتجاهات وبيعمي كل الناس

ليه الفاميه الخلفي حلال لعربيات معينة و حرام لعربيات تانية ....

ببساطة برضه لان الفاميه الستوك بيكون درجة خفيفة اسمه برايف سي مش غامق زي اللي الناس بتركبه وتلاقي العربية اصبحت غرفة نوم

منهم لله!! مش حقدر أقول حاجة غير حسبي الله هو نعم الوكيل فيهم

و أحييك على مثابرتك في الموضوع ده !!! و مبروك ليييييييييييييـــــــــك!! :)

**Sehsss** · 24-02-2013 04:35 PM

مبروووووك

**nos502000** · 01-03-2013 11:20 AM

انا متهيالى ان لو الواحد عنده وسطة حتى وكيل نيابة بس ممكن يكلمك وكيل نيابة المرور ويضفلك الفاميه على الرخصة لانها بالنسبالهم حاجة تافهة

انا فى واحد صاحبى كان معاه بولو 2001 وكان ليه واحد معرفة كده فالنيابة كلملو رئيس نيابة المرور بالتليفون
راح رخص عادى كدا وجه بالرخصة ( فاميه فابريكا)
وادى حال البلد

انا معايا كيا سيراتو كوبيه مثبوت على الرخصة ( زجاج ملون فابريكا) بس انا اشتريتها كده فمش عارف هى اصلا بتبقى نازلة كده ولا اللى انا اشتريتها منه هو اللى عمل الحوار ده

**smsm_nabawy** · 01-03-2013 04:46 PM

@ الأخ Honda Lover!!

و مين قال أني بعترف أساساً بالفاميه الدارك أو الزينون الي من غير عدسات!!

مع العلم.. السيراتو نازلة زينون من غير عدسات... في الفوجات.. و بيعمي الناس بردو!!! و عربيات تانية مش فاكرها...

و بردو لما الواحد يمشي بزينون بعدسات!! او فاميه خفيف لتخفيف حدة الشمس بيتاخد مخالفة!!

يا سيدي الفاضل أحنا تقريبا!! من ضمن عدد قليل جداً من الدول المتخلفة الي بتمنع الزينون!!!

برا في مخالفة لو ممشتش بنور أبتدءاً من وقت معين... و مكنش النور واضح و يوضح الطريق....

و ده حرصاً على سلامة الناس الي في العربيات و الطريق... يعني فيها أيه لما يكون القانون بتاع المرور بيتيح التفيم بدرجة تسمح الرؤية؟؟
لكن للأسف هذا ممنوووووووع!!
فيها أيه لما يتيح الزينون بعدسات .. لكن للأسف بردوا بنص القانون الطريف بتاعنا.. هذا ممنوع!!

و من حق الظابط لو وقفك في لجنة او في اوقات الفحص... يسحب منك الرخص علشان تشيلهم!! =))))

**gaaz** · 19-03-2013 01:53 PM

احب ادلو بدلوي في هذا الموضوع
سيدي الفاضل احنا في بلد يعمل اكتر من تلاتين في الميه من شبابها بالبلطجة
حتقولي يعني ايه بلطجة ؟ يعني اي سواق مشروع بيزعق لراكب عشان اختلف معاه على الاجرة دي بلطجة ؟؟
حقولك لأ طبعا ابسليوتلي
لو حضرتكم متعرفوش في نسبه كبيرة من الشباب شغالين بلطجية .. دي شغلته ! بينزل يشوف حيهدد مين لصالح مين وحياخد كم .. وحيسرق عربية مين ويوديها لمين ويقبض منه كام !
دي حقيقة ده مجتمعنا !
وانتو جاين تقولولي نفيم !
نفيم ايه يا جماعه ! صلو علي النبي .. قال نفيم قال
اوعي تكونو فاكرين ان المجتمع بره في الشارع هو انا وانت والمهندس والتاجر والعامل والصنايعي والناس المحترمه بس !
لأ ده في حيوانات في المجتمع ان اديتهم فرصة يفيمو حتلاقيهم قلبو العربيات دي مش بس اوض نو م لأ كمان غرزة و ملاجء للمجرمين والمهربين والبلطجية
قال نفيم قال !
التفييم ده نبقي نعمله لما نوصل حد البطاله والبلطجة عل اقل لأقل من عشرة في الميه بعد كده نبقي نشوف نفيم ولا لأ
بلد خربانه كلها من اولها لأخرها من مرورها لناسها هيييييه دنيا