اول اغسطس والنمر الجديدة!!!!!!!!!!!!!!
اول اغسطس خلاص بعد بكرة والنمر الجديدة نزلت خلاص:ANSmile05:
دلوقتي بقي ايه بقي الاجراءات المتبعة في موضوع النمر الجديدة ده ونروح امتي وهل اجباري ان كل الناس تروح اليومين دول تعلق النمر الجديدة (الدنيا اكيد هاتبقي زحمة موووووووت في المرور) ولا هاياخدوها علي شرايح يعني ويدونا فرصة كام شهر كده زي ماعملوا في موضوع بطاقات الرقم القومي ومتمش الغاء البطاقات القديمة الا بعد 5 سنين او اكتر ياريت حد يفيدنا ويقولنا هانعمل ايه بالضبط ؟ :icon_bs:
انا عربيتي مرور مدينة نصر والمفروض ان صاحبها نقلها مرور السلام ومكتوب في رخصتها تصريح مؤقت لمرور السلام (تقريباً لحد مالملف يوصل يعني) بس هي مترخصة 3 سنين بس التصريح ده عشان موضوع النمر الجديدة تقريباً
والتصريح ده خلص 14 يوليو انا بقي دلوقتي موقفي ايه؟ :confused:
انا بالمناسبة معايا توكيل مكتوب فيه للبيع للنفس وللغير والتعامل مع المرور
ياتري اتصرف ازاي دلوقتي وهل في مشكلة لما امشي بيها دلوقتي ولا تعتبر رخصة منتهية وهاتتسحب مني؟ :sorry:
ولحد مانعلق النمر الجديدة (الله اعلم الحوار ده هاياخد وقت اد ايه؟ :confused: وكمان بيني وبينكم انا مكسلة اوي و نفسي مقفولة اوي :ANSmile23: ومش عايزة اروح مرور السلام المقرف ده بعد تجربتي المريرة فيه :mad: بالذات اليومين دول :ANSmile23:) لحد ماروح المرور بقي هل اتجنب امشي جنب اي كمين ولا استخبي اليومين دول مثلا :smilielol5:ولا اعمل ايه؟ :confused:
مفيش حد في المنتدي هنا ضابط مرور ولا شغال في ادارة المرور حتي يكون عارف الإجراءات ويقولنا ايه النظام؟