الموضوع: اول اغسطس والنمر الجديدة!!!!!!!!!!!!!!

المشاركة الأصلية كتبت بواسطة Akram

اولاً بالنسبة للنمر الجديدة:
انا مسمعتش انهم هيطبقوا النمر الجديدة مرة واحدة ,
و بالمنطق كده هم لسه بادئين في انتاج النمر و علشان يعملوا 5 مليون نمرة محتاجين وقت كبير ,
دا غير الإزدحام اللي هيكون في كل وحدات المرور ,
اعتقد انهم هيخلوا الإجراء ده في حالة تجديد الرخصة أو عند الفحص و ده معناه انهم هينتهوا من استبدال كل النمر في خلال 3 سنين لأن دي اكبر فترة ممكن تتعمل للرخصة ,

ثانياُ بانسبة للتصريح :
طالما خلص يبقى لو قابلك كمين أو حتى في أي إشارة لو طلبها حد من المرور هتبقى مخالفة ,
و انت تقدري تعملي إجراءات نقل الملكية و الترخيص طالما معاكي توكيل ,

يبقى انت قدامك حلين :
**يا إما تتداري اليومين دول في مكان أمين ,
**يا إما تعصري على نفسك لمونة و تروحي مرور السلام و بعد كده المرور اللي انت تبعة و تعملي إجراءات نقل الملكية ,

و ابقي قوليلنا على موضوع النمر لما تروحي المرور .......
ربنا معاكي ..............

لا حضرتك فهمتني غلط انا برده تبع مرور السلام زي الراجل اللي اشتريتها منه بس هو لما اشتراها كانت مرور مدينة نصر وعمل نقل ملكية وترخيص 3 سنين وكل حاجة بس مرور السلام مكنش لسة الملف جالهم وهو قالي هاتروحي هاتلاقي الملف موجود وكل حاجة مدفوعة لمدة 3 سنين يدوب بس تاخدي تصريح دائم وتعلقي النمر الجديدة ومش هاتدفعي حاجة ومتنقليش ملكية دلوقتي عشان متخسريش الترخيص بتاع ال 3 سنين دول ويروح عليكي

المشاركة الأصلية كتبت بواسطة theking2690

نصيحه لما تروحى مرور السلام د فضى نفسك اليوم ده خالص لأن ده مرور العذاب بعينه

المشكلة اني فعلا عارفة المأساة دي انت هاتقولي انا شفت بعيني محدش قالي روحت يوم مع الراجل عشان يطلع شهادة البيانات قعدنا من الساعة 10 او 11 الصبح لحد الساعة 5 او 6 مساءاً وحسبي الله ونعم الوكيييييييييييل

المشاركة الأصلية كتبت بواسطة Akram

انت لو نقلتي الملكية مش هتخسري ترخيص الـ 3 سنين ولا الضرائب و لا التأمين ,
لكن هتتكلفي قيمة نقل الملكية في الشهر العقاري و دي بتتوقف على سنة الصنع و السعة اللترية و دي غير الزيادة اللي تمت على الضرائب في الفترة الماضية , يعني لو عربيتك 128 فقيمة نقل الملكية هتكون في حدود 100 ج ,

بس خللي بالك بما ان التصريح خلص فلما هتيجي تنقلي الملكية هيطلبوا منك تأكيد رقم الموتور و الشاسيه من الملف في المرور السابق (دا إذا كان الملف غير موجود في السلام) , يعني مشوار تاني لمرور مدينة نصر , :(

يا ريت شوال لمون علشان واحدة ولا اتنين مش هيكفوا ......

ربنا يستر بقي
انا شكلي هالبس في حيطة قريب ربنا يستر
ميرسي على ردك وافادتك ليا ربنا يكرمك

مفيش اي مشكله
روحي المرور و جددي الترخيص
لو ملف عربيتك وصل من مرور مدينه نصر حيطلعوا ليكي رخصه ساريه بباقي التلات سنين بدل الترخيص
لو طبقوا موضوع النمر حيدوكي نمر جديده
انما لو حتجددي الترخيص لازم تدفعي رسوم نقل الملكيه و تجددي باسمك:)

المشاركة الأصلية كتبت بواسطة birdybirdy

:
انا شكلي هالبس في حيطة قريب ربنا يستر

لو كدة يبقى الأحسن تأمني عالعربية ضد الحوادث و تلتزمي بربط الحـــــــزام