انا خايف اسوق عربيتى حصلك انت كمان كدا؟

**m_medo** · 15-02-2013 03:10 PM

المشاركة الأصلية كتبت بواسطة bebom

انا كانت بتحصلي لسبب اول لما جيبت العربيه كل لما اركبها لازم اكتشف فيها مشكلة (تسريب مياه -سخونية- فرامل) فكونت بسوق وانا متوتر خايف حاجة تحصل لحد مطمنت علي العربية وعملت كل الي فيها وحفظت ابعادها
والله قبل الانوس كان معايا 128 اول لما اتعلمت السواق مثلا ادخل مكان ديق قبل مفكر العربيه هتعدي ولا لق الاقي العربية نطت ودخلت نص الرفرف وعمرها مكسفتني كنت حافظ ابعدها بالملي عقبال الانوس

والله يا اخى كأنك بتتكلم عنى... اول عربية 128 والله مكنتش بفكر واركن فى اى حتة وادخل ى خرم ابرة... وجبت اللنوس من شهر وخلاص احساس الامان راح مع ال 128

**Dr Kento** · 15-02-2013 09:31 PM

المشاركة الأصلية كتبت بواسطة lanos2004

حضرتك عندك انميا روح حلل

انا طبيب يا باشا ومعنديش انيميا والحمد لله :) والموضوع تقريبا انتهى من عندى وخرجت النهاردة وبقت الامور تمام

**MMamdouh** · 17-02-2013 12:53 PM

المشاركة الأصلية كتبت بواسطة Dr Kento

هو الموضوع دا هيفرق فى حاجة ياباشا ؟
انا اللى اعرفه ان السواقة فن ومهارة مع الخبرة طبعا والمواقف مش مع عدد سنوات السواقة يعنى ممكن واحد فى سنة يمر عليه مواقف مرت على واحد فى عشر سنين ولا ايه رأى حضرتك ؟

بص هى مش قاعدة عامة...

فيه ناس بيبقى عندها قلق فى بداية السواقة نتيجة قلة الخبرة زى ما انت قولت و دول بمرور الوقت و الممارسة القلق دة بيروح مع الوقت و بيتعاملوا عادى خالص... يمكن يتهزوا شوية لما يخبطوا العربية و يكسروا فانوس او يطبقوا رفرف لكن بيقدروا يتخطوا الرهبة دى بسهولة

و فيه ناس بقالها سنين بتسوق و برضة قلبها خفيف و بتخاف و هى ماشية... يعنى مثلا تقلق لما تخش جنب تريللا او متحبش تمشى على الدائرى و ممكن اصلا تتخض لو حد ضرب فرملة جنبهم... غالبا الناس دى بتبقى طبيعتها كدة و هتفضل قلقانة طول حياتها و ملهاش حل

MMamdouh

**memoo305** · 21-02-2013 08:42 PM

انا بقى مريت بخادث صعب جدا واضراره المعنوية ... ربنا مايكتبه على حد . وبعد تصليح العربية تكرر نفس سناريو الحادث الأول بكل تفاصيلة (والله ما ببالغ) ولكن لم يكن له نتائج الحادث الأول الحمد لله .أدى ذلك الى فقدان الثقة بنفسي تماما كسائق ومبقدرش اطلع على طرق سريعة مع اني بسوق من اكثر من15سنة بدون حوادث تذكركلها على طرق سريعة

**semi** · 21-02-2013 08:56 PM

قليل لما بتحصلي الحالة دي بس لما بيجيلي هاجس اني هعمل حادثة
مش بروح البيت الا لما بعمل حادثة

**SAMEH_FOUAD** · 21-02-2013 11:34 PM

بقولك ياباشا حاجة حلوة اوى هتلاقى نفسك زى الفل

اولا تقول الادعية قبل ماتتحرك بالعربية , هتستريح جدا نفسيا

ثانيا : سيبك من اى مخاوف , اللى مكتوبلك هتشوفة مش خوفك او حذرك هو اللى هيمنعة , اهم حاجة اعمل اللى عليك وسيب كل حاجة على ربنا

ثالثا : حاول تحل اى مشاكل او انك تفكر فى حاجة حلوة اوى و انك حتى لو عندك مشاكل مأثرة على حياتك حاول تنساها بوجودك داخل السيارة , شغل قرأن , فى الصباح , وبالليل مثلا شغل موسيقى هادية او الاغانى المفضلة لديك , اسمع برامج على الراديو

رابعا بقى : اعمل حاجة حلوة اوى حاول تفصل مابين مشاكلك ومابين تركيزك , يعنى ماتفكرش فى حاجة وانت سايق يكون بس كل همك الاستمتاع بالقيادة حتى لو الطرق زفت , وانك تنسى كل مشاكلك وتخلى ذهنك صافى فقط للقيادة

وربنا يستر طريقنا كلنا ويكفينا شر الحوادث