انا خايف اسوق عربيتى حصلك انت كمان كدا؟

بقالى يجى 5 ايام مش مركز المهم انى امبارح كنت هعمل حادثة و النهاردة كنت هعمل اربعه وختمت بخبطه فى الاكصدام الامامى وكسرت منه حته انا مش زعلان على الخبطه المهم ربنا سترها بس مستغرب قوى انا خايف اسوق عربيتى والاغرب ان ايدى بتعرق على الدركسيون بسرعة جدا ودا جديد عليه دا انا جيت اخد غرزه الدركسيون كان هيهرب منى وكنت هضيع ومش مركز خالص خالص بجد...انا بحب السواقة وبستمتع بيها بس دلوقتى خايف اسوق العربية بجد اصلى مش عارف اركز ومحدش يقلى نظر انا مشتكتش من اى حاجة بالنسبة للنظر انا بشتكى ان ردود افعالى وتركيزى بقى وحش جدا ايه رأيكم فى الكلام دا

زيك بالظبط

بتحصل احيانا
بس حاول متركزش في الموضوع ده وشيلة من دماغك

ثبت علميا ان اانسان يستطيع جذب الافكار اليه بمعنى انك لو فكرت انك خوفت انك حتعمل حادثه فبالتالي حتعمل حادثه
و بالبلدي كده اللي يخاف من العفريت يطلعلواااا

حصلتلى النهارده بس روحت ركنت
مع انى بحب السواقه جدآ ولما ببعد يوم عن العربيه بكون مضايق انى ما روحتش بيها مشاوير النهارده

بس اوقات بتبقى انك مكتئب او مخنوق او بتفكر فى حاجات كتير وبتحس انك خايف من السواقه وانك مش عارف تركز واوقات تبص للطريق كأنك اول مره تبصله وتقول اانا جيت هنا ازاى :d

بس بتروح معايا لما بروح مشاوير كتير وبطنش الاحساس ده
وبحس الاحساس ده اكتر وانا لوحدى علشان مش بيكون معايا حد يشغلنى عن نفسى

لا تاخذ ادوية نزلات البرد ولا ادويه للحساسيه قبل ان تقود السياره

سعات بتحصل معايا

بس غالبا لما بتكون لوحدك

بس بتبقي خايف انك تعمل حادثة لاقدر الله فبتبقي مركز لدرجت ان دماغك من ورا توجعك

( ضغط نفسي ) يعني لو انت سايق و انت رايق و فرحان ومش شايل هم انك هاتعمل حادثة هتبقي مستمتع بالسواقة

و انت بتكون في فرح او مع صحابك في العربية بتحس انك عايز تأفل عداد و انت سايق

اقتباس:

---

المشاركة الأصلية كتبت بواسطة Dr Kento

بقالى يجى 5 ايام مش مركز المهم انى امبارح كنت هعمل حادثة و النهاردة كنت هعمل اربعه وختمت بخبطه فى الاكصدام الامامى وكسرت منه حته انا مش زعلان على الخبطه المهم ربنا سترها بس مستغرب قوى انا خايف اسوق عربيتى والاغرب ان ايدى بتعرق على الدركسيون بسرعة جدا ودا جديد عليه دا انا جيت اخد غرزه الدركسيون كان هيهرب منى وكنت هضيع ومش مركز خالص خالص بجد...انا بحب السواقة وبستمتع بيها بس دلوقتى خايف اسوق العربية بجد اصلى مش عارف اركز ومحدش يقلى نظر انا مشتكتش من اى حاجة بالنسبة للنظر انا بشتكى ان ردود افعالى وتركيزى بقى وحش جدا ايه رأيكم فى الكلام دا

---

بقالك كام سنة بتسوق؟

MMamdouh

I have the same thing these days.probably this is due to stress and too much work.The moment you feel that you gonna lose it take a break and relax.

بتحصل عادى... اهم حاجة تنفض خالص للعربية... و طالما انت بعيد عن العربية ( فى البيت او الشغل مثلا) متفكرش فيها خالص.. ولما تركب العربية فكر فى المكان اللى انت رايحة والمصلحة اللى رايح تقضيها (بعيدا عن السرحان) المهم انك متفكرش فى العربية خالص.. وأهم حاجة متصدقش اللى يقولك ابعد عن السواقة شوية.. لأن ده هيزود الموضوع مش هيعالجه

بتحصل احيانا اكيد في مواضيع في البيت او الشغل موتراك و شغله حيز كبير من تفكيرك ده بالأضافه ان ممكن تكون بتاخد اي ادويه ليها اعراض جانبيه

آه حصلي أنا كمان كدة كتير
وبتكون لأحد الأسباب :-
1) توتر
2) إرهاق
3) أدوية
4) ذهن مشغول
5) عدم ثقة مؤقت
6) مشكلة عارضة
7) هروب من شئ
8) خوف على حد أو من حد
بس أهم شئ عدم التركيز لأي سبب من الأسباب بإستثناء الأدوية ، وسوق عادي وشغل كاسيت ( لو معتاد على تشغيله ) .
وربنا يستر علي الجميع من كآبة المنظر وسوء المنقلب

حصل لى موقف شبيه - كنت ماشى على الدائرى - كنت باخد يمينى علشان انزل واحد صاحبى - وفجأه لاقيت عربيات بتكسر فى بعض وعربيه اوبترا ماشيه بعرض الطريق زى ما تكون بتخمس وهاتلبس فيه من ورا وكان فيه كشك بتاع تحصيل كارته كان فيه راجل قاعد قدامه - قرصت على العربيه جدا وطلعت بيها علشان ميلبسش فيه من ورا - وطبعا الاوبترا دمر رجل الراجل اللى كان قاعد - لاقيت واحد دخل قدامى بالعرض وطبعا وقفنى ولبس فى السور بتاع الدائرى اللى على اليمين
عربيتى محصلش فيها ولا حاجه
روحت فى اليوم ده ماشى على 40 بالعافيه وخايف أجيب التالت
قعدت بعدها فتره طويله ركبى سايبه ومش عارف امشى على رجلى - مش أسوق - ولغاية وقتنا هذا بخاف ابص على الكشك ده حتى وانا ماشى
ربنا يسترها علينا

انا مصمم انى اتغلب على الموضوع دا وطيعا النهاردة طلعت بيها برضو والوضع كان افضل الحمد لله بس لسه شوية ونرجع تمام ان شاء الله وربنا يسترها علينا جميعا وعلى فكرة انا مبتعطاش اى ادوية بس يمكن هو توتر او ضغط شغل وربك هيسهل وهتعدى وانا الحمد لله متعودتش انى اخاف من حاجه ومكنتش خايف بمعنى الخوف انا كنت فاقد التركيز تماما ومازلت فى مرحلة التعافى بس برضو هسووووووووووق طول ما فيه صحه هسوق ان شاء الله

اقتباس:

---

المشاركة الأصلية كتبت بواسطة mmamdouh

بقالك كام سنة بتسوق؟

mmamdouh

---

هو الموضوع دا هيفرق فى حاجة ياباشا ؟
انا اللى اعرفه ان السواقة فن ومهارة مع الخبرة طبعا والمواقف مش مع عدد سنوات السواقة يعنى ممكن واحد فى سنة يمر عليه مواقف مرت على واحد فى عشر سنين ولا ايه رأى حضرتك ؟

0معنتش بعرف اسوق خالص ودخلت فى حاجة اسمعا فوبيا وبتعالج منه حاليا والحل انت ﻻتحط الموضوع دة فى دماغك ومتزودتش عن 90 وامشى هادى وﻻزم تشغل عقلك بحاجات تانية يعنى تركز مع اغنية وانت سايق متخليش الموضوع يسيطر على عقلك واﻻ هيكبر جدا ﻻزم تغير طريقة تفكيرك وانت سايق متركز مع الحادثة خالص

بتحصل معايا بس بيبقى day off يعنى يوم و بيعدى مش بتستمر يعنى

بتحصل ساعات بس بتبقى من غير سبب و فى ايام منها ببقى نازل و حاسس انى هتخبط فى حته مثلا او حلمت بالموضوع و فعلا بتخبط فى اليوم ده لدرجه انى بطلت احلم تقريبا بس الغريبه انى لما بتخبط بسوق بعدها عادى و ارجع العربيه على البيت :) و بحس ان حاله العربيه اتحسنت شويه و بقت اهدى بس بتبقى كلها خبطات رخمه لازم العربيه تتصلح بعدها و ربنا يستر طريقنا

انا كانت بتحصلي لسبب اول لما جيبت العربيه كل لما اركبها لازم اكتشف فيها مشكلة (تسريب مياه -سخونية- فرامل) فكونت بسوق وانا متوتر خايف حاجة تحصل لحد مطمنت علي العربية وعملت كل الي فيها وحفظت ابعادها
والله قبل الانوس كان معايا 128 اول لما اتعلمت السواق مثلا ادخل مكان ديق قبل مفكر العربيه هتعدي ولا لق الاقي العربية نطت ودخلت نص الرفرف وعمرها مكسفتني كنت حافظ ابعدها بالملي عقبال الانوس

حضرتك عندك انميا روح حلل

اقتباس:

---

المشاركة الأصلية كتبت بواسطة bebom

انا كانت بتحصلي لسبب اول لما جيبت العربيه كل لما اركبها لازم اكتشف فيها مشكلة (تسريب مياه -سخونية- فرامل) فكونت بسوق وانا متوتر خايف حاجة تحصل لحد مطمنت علي العربية وعملت كل الي فيها وحفظت ابعادها
والله قبل الانوس كان معايا 128 اول لما اتعلمت السواق مثلا ادخل مكان ديق قبل مفكر العربيه هتعدي ولا لق الاقي العربية نطت ودخلت نص الرفرف وعمرها مكسفتني كنت حافظ ابعدها بالملي عقبال الانوس

---

والله يا اخى كأنك بتتكلم عنى... اول عربية 128 والله مكنتش بفكر واركن فى اى حتة وادخل ى خرم ابرة... وجبت اللنوس من شهر وخلاص احساس الامان راح مع ال 128

اقتباس:

---

المشاركة الأصلية كتبت بواسطة lanos2004

حضرتك عندك انميا روح حلل

---

انا طبيب يا باشا ومعنديش انيميا والحمد لله :) والموضوع تقريبا انتهى من عندى وخرجت النهاردة وبقت الامور تمام

اقتباس:

---

المشاركة الأصلية كتبت بواسطة Dr Kento

هو الموضوع دا هيفرق فى حاجة ياباشا ؟
انا اللى اعرفه ان السواقة فن ومهارة مع الخبرة طبعا والمواقف مش مع عدد سنوات السواقة يعنى ممكن واحد فى سنة يمر عليه مواقف مرت على واحد فى عشر سنين ولا ايه رأى حضرتك ؟

---

بص هى مش قاعدة عامة...

فيه ناس بيبقى عندها قلق فى بداية السواقة نتيجة قلة الخبرة زى ما انت قولت و دول بمرور الوقت و الممارسة القلق دة بيروح مع الوقت و بيتعاملوا عادى خالص... يمكن يتهزوا شوية لما يخبطوا العربية و يكسروا فانوس او يطبقوا رفرف لكن بيقدروا يتخطوا الرهبة دى بسهولة

و فيه ناس بقالها سنين بتسوق و برضة قلبها خفيف و بتخاف و هى ماشية... يعنى مثلا تقلق لما تخش جنب تريللا او متحبش تمشى على الدائرى و ممكن اصلا تتخض لو حد ضرب فرملة جنبهم... غالبا الناس دى بتبقى طبيعتها كدة و هتفضل قلقانة طول حياتها و ملهاش حل

MMamdouh

انا بقا جاتلي حاجة جديدة بردو من ساعة ماشتريت الانسر وانا خايف انزل بيها بفكر اني لما انزل حد هيخبطني معرفش بقا الاحساس دا مسيطر عليا اوي لدرجة انها بقت تقف اكتر ماتمشي والعربية مبقالهاش الا 3شهور وكان نفسي فيها اووووووي لاكن خايف عليها لدرجة اني بفرح ان اي مشوار يتلغي عشان تبقي مركونة ومخرجش بيها هوة دا يبقي اية؟

انا بقى مريت بخادث صعب جدا واضراره المعنوية ... ربنا مايكتبه على حد . وبعد تصليح العربية تكرر نفس سناريو الحادث الأول بكل تفاصيلة (والله ما ببالغ) ولكن لم يكن له نتائج الحادث الأول الحمد لله .أدى ذلك الى فقدان الثقة بنفسي تماما كسائق ومبقدرش اطلع على طرق سريعة مع اني بسوق من اكثر من15سنة بدون حوادث تذكركلها على طرق سريعة

قليل لما بتحصلي الحالة دي بس لما بيجيلي هاجس اني هعمل حادثة
مش بروح البيت الا لما بعمل حادثة

بقولك ياباشا حاجة حلوة اوى هتلاقى نفسك زى الفل

اولا تقول الادعية قبل ماتتحرك بالعربية , هتستريح جدا نفسيا

ثانيا : سيبك من اى مخاوف , اللى مكتوبلك هتشوفة مش خوفك او حذرك هو اللى هيمنعة , اهم حاجة اعمل اللى عليك وسيب كل حاجة على ربنا

ثالثا : حاول تحل اى مشاكل او انك تفكر فى حاجة حلوة اوى و انك حتى لو عندك مشاكل مأثرة على حياتك حاول تنساها بوجودك داخل السيارة , شغل قرأن , فى الصباح , وبالليل مثلا شغل موسيقى هادية او الاغانى المفضلة لديك , اسمع برامج على الراديو

رابعا بقى : اعمل حاجة حلوة اوى حاول تفصل مابين مشاكلك ومابين تركيزك , يعنى ماتفكرش فى حاجة وانت سايق يكون بس كل همك الاستمتاع بالقيادة حتى لو الطرق زفت , وانك تنسى كل مشاكلك وتخلى ذهنك صافى فقط للقيادة

وربنا يستر طريقنا كلنا ويكفينا شر الحوادث

انا بجد اسف اني بحط الفديو دا بس حقيقي حاجة تخوووووف الواحد ممكن يكرة العربيات بسبب الفديو دا بجد ويكرة السواقة مش يتوتر بس ‫حادث شنيع وقع اثناء التصوير والله كأنك راكب معهم‬‎ - YouTube

اقتباس:

---

المشاركة الأصلية كتبت بواسطة lanos2004

حضرتك عندك انميا روح حلل

---

سوري بس هو ايه العلاقة؟؟ الواحد لو عنده انيميا ممكن يجيله هبوط, و ممكن يدوخ مثلاً أو اطرافه تبرد.. انما ايه علاقة الاعراض الجسمانية بالخوف المعنوي؟؟؟

عادي بتحصل، وما تديش الموضوع أي اهتمام

يوه انا من ساعت ما اشتريت العربية وحاسس انها عايزة تتخطبط
واخرها كان امبارح يوم الخميس عربية سزوكي ربع نقل لقيتها مرة وحده طلعت من ملف بسرعه عالية سبحان الله انا ازاي عرفت افديها معرفش والله لو اقولك انا دوست علي الفرامل لي اخرها وكسرت الدركسيون علي النحيةالمعاكسة والله ربنا سترها عايز اقولك اني لوكنت دخلت فيها كانت هتسمع جوه ستر من ربنا اني اقدر اتحكم في الدركسيون والعربية مش فرامل ابي اس ولا الكلام ده
ومرة تانية مكنتش مركز خالص ومسافر ومرة وحده عربية ن نقل وقفت وانا ماشي بسرعة اتفجئت بيها ضربت فرامل العربية زحفت وكنت خلاص هتلبس بس ربنا كرمني ولميت الدركسيون وجيت جمبة بدل ما كنت لبست فيه من الخلف

اقتباس:

---

المشاركة الأصلية كتبت بواسطة MMamdouh

بص هى مش قاعدة عامة...

فيه ناس بيبقى عندها قلق فى بداية السواقة نتيجة قلة الخبرة زى ما انت قولت و دول بمرور الوقت و الممارسة القلق دة بيروح مع الوقت و بيتعاملوا عادى خالص... يمكن يتهزوا شوية لما يخبطوا العربية و يكسروا فانوس او يطبقوا رفرف لكن بيقدروا يتخطوا الرهبة دى بسهولة

و فيه ناس بقالها سنين بتسوق و برضة قلبها خفيف و بتخاف و هى ماشية... يعنى مثلا تقلق لما تخش جنب تريللا او متحبش تمشى على الدائرى و ممكن اصلا تتخض لو حد ضرب فرملة جنبهم... غالبا الناس دى بتبقى طبيعتها كدة و هتفضل قلقانة طول حياتها و ملهاش حل

MMamdouh

---

:049:يعنى انا بسوق عربيتى فى كل حته الا الدائرى مع انا كل يوم بروح الشغل وارجع دائرى بسب عربية المصنع و السواقين بتعها فى السواقه على الدائرى :120146b

متفكرش فالموضوع كتير

حل سبب المشكلة و هو الموضوع اللى شاغل تفكيرك هترجع طبيعى فى السواقة

قرب من ربنااا
هو مفرج الكرب والهم .

ساعات بيحصلي الموضوع دا
لدرجه اني بشيل هم اي مشوار اروحه بالعربيه وفي الاخر ممكن ماخروجش
مرة كنت رايح مشوار مهم يادوب طلعت علي الطريق روحت واخد أول يوتيرن و راجع البيت و ماروحتش المشوار
مع اني الحمدلله بسوق كويس
بس بالزات بالليل اكتر وقت ممكن يحصلي فيه الموضوع دا
يمكن عشان انا بالليل بحب امشي براحتي وفي نص الطريق عشان مالبسش في اي بلدورة مش شايفها جامب الرصيف
وبلاقي الناس كلها طايرة من جامبي ف بتخنق وتجيلي الحاله دي