هل يمكن منع فتح الشنطه من الداخل ؟

**Dragon78** · 14-02-2013 01:07 PM

عندي استفسار ياجماعه ومش عارف اذا كان ده المكان المناسب ليه ولا لأ

طبعا كلنا عارفين ان معظم أو كل العربيات الجديده فيها زرار من الداخل لفتح شنطة العربيه

أنا من حوالي شهر كده حصلي عملية سرقه بس كان حرامي محظوظ بصراحه .. لأن العربيه من جوه ماكانش فيها أي شيء يستحق السرقه .. اللي حصل انه كسر الزجاج الخلفي وفتح الشنطه وكنت شايل فيها اللاب توب بتاعي .. وانا متأكد ان مافيش حد كان مراقبني ولا حاجه .. وكمان اتسرقت في مكان حيوي أوي , المهم بغض النظر عن موضوع السرقه ( قدر الله وماشاء فعل) ,

أنا من ساعة الموضوع ده وانا طالع في دماغي أعمل لوك للشنطه .. بس مش عارف ازاي !!!
يعني مثلا عربيتي القديمه (شاهين) الشنطه بتاعتها كان ليها لوك انك لو حركت المفتاح للشمال بدل اليمين عشان الفتح , الشنطه ماتفتحش غير لما ترجع اللوك تاني يمين .

سؤالي بقى .. هل ممكن أعمل حاجه زي كده في عربيتي بحيث لما أحب أقفلها وانا سايبها في أي مكان ماحدش يقدر يفتحها من جوه ؟

لأن أنا كمان عندي جنوط سبور والاستبن بتاعي جنط سبور برضه .. فخايف انه يتسرق بنفس الطريقه

آسف على الإطاله وياريت اللي عنده فكره يفيدني

وآسف مره تانيه للمشرفين عن المنتدى لو موضوعي ده ماجاش في محله الصحيح وبرجاء نقله لمكانه الأصح .. وشكرا

تحيــــاتي للجميع

**haysam2000** · 14-02-2013 01:21 PM

على كلامك كده ان الموضوع مرتبط ب الطبله نفسها لآنى مسمعتش عن انذار بيعمل لوك للشنطه انها متتفتحش من جوه يعنى لوشديت الدراع و انت جوه العربيه و قافل بالريموت هتفتح عادى

**jankiez** · 14-02-2013 10:13 PM

بتهئ لي ممكن تلاقي لوك جوة الشنطة ورا القفل بيبقى زرار صغير لو حركته لفوق بيعمل لوك ما تتفتحش الشنطة الا بالمفتاح الأصلي بس..
هو موجود عندي في النيسان معرفش ممكن يكون في اللانسر ولا لأ

**s0144862631** · 14-02-2013 10:54 PM

المشاركة الأصلية كتبت بواسطة jankiez

بتهئ لي ممكن تلاقي لوك جوة الشنطة ورا القفل بيبقى زرار صغير لو حركته لفوق بيعمل لوك ما تتفتحش الشنطة الا بالمفتاح الأصلي بس..
هو موجود عندي في النيسان معرفش ممكن يكون في اللانسر ولا لأ

تمام فعلا موجود في الصني و ده حتى ما بتفتحش غير بالمفتاح الاسود فقط اما المفتاح الاحتياطي لونه بي ما بيفتحش الشنطه

**Dragon78** · 17-02-2013 10:08 AM

المشاركة الأصلية كتبت بواسطة haysam2000

على كلامك كده ان الموضوع مرتبط ب الطبله نفسها لآنى مسمعتش عن انذار بيعمل لوك للشنطه انها متتفتحش من جوه يعنى لوشديت الدراع و انت جوه العربيه و قافل بالريموت هتفتح عادى

إنت كده فهمتني غلط ياباشا .. أنا مااقصدش الإنذار هو اللي بيعمل لوك للشنطه .. أنا باتكلم عن المفتاح نفسه .. أكيد اللي معاه عربيه شاهين عارف أنا أقصد ايه

**Dragon78** · 17-02-2013 10:19 AM

المشاركة الأصلية كتبت بواسطة malibu

اغلب العربيات اللى فيها فتح الشنطه من الداخل

بيبقى فيها زرار لوك على كالون الشنطه من جوه
عامل زى زرار اللوك بتاع الاطفال فى البابين الى ورا

معلومه مهمه جدا ياباشا .. بس يارب تطلع موجوده عندي دي

أما لو طلعت موجوده فعلا تبقى انت خدمتني خدمه كبيره أوي

على أي حال .. ألف شكر على المعلومه الغاليه

تحيـــــــــــــاتي

**Dragon78** · 17-02-2013 10:22 AM

المشاركة الأصلية كتبت بواسطة jankiez

بتهئ لي ممكن تلاقي لوك جوة الشنطة ورا القفل بيبقى زرار صغير لو حركته لفوق بيعمل لوك ما تتفتحش الشنطة الا بالمفتاح الأصلي بس..
هو موجود عندي في النيسان معرفش ممكن يكون في اللانسر ولا لأ

ياريت الناس أصحاب اللانسر يأكدولنا المعلومه دي .. هل موجوده أو لأ ؟

أنا هابقى اشوف عندي الأول وابقى اقولكم

**akmm** · 17-02-2013 12:33 PM

فعلا معلومه جديده ولكن موجوده ياترى فى كل العربيات اللى بتتفتح الشنطه بتاعتها من الداخل ولا لأ ... حشوف كمان عندى واقول .

**sonybony** · 17-02-2013 06:08 PM

ماهو ممكن يفتح الكنبه ويدخل لو ظهر الكنبه متحرك ويبقيمعملتش حاجه ربنا يسترها علي الجميع

-

الموضوع: هل يمكن منع فتح الشنطه من الداخل ؟

LinkBack

أدوات الموضوع

عرض

هل يمكن منع فتح الشنطه من الداخل ؟ - انشر الموضوع فى :

-

-

-

-

-

-

المواضيع المتشابهه

هل يمكن لصق زجاج نيو صني الفاميه و هل هذا يمكن اثباته عند النرخيص

فتح الشنطه بالريموت

فيديو للكعبة الشريفة (من الداخل ) .... أجمل ما يمكن ان ترى عيناك

فتح الشنطه من الداخل

عفوا هل يمكن ان اعرف نوع بنزين السيراتو واين يمكن ان اقرأه في السيارة

الكلمات الدلالية لهذا الموضوع

المفضلات

المفضلات

ضوابط المشاركة