الموضوع: موعد تغير سير الكاتينة

سير الكاتينة يفضل تغييره لأن السير بيكون صالح لتركيبه خلال 3-4 سنين من تاريخ انتاجه اما بعدد الكيلومترات فده بيعتمد ع جودة السير و حداثة انتاجه ع سبيل المثال انا جبت سير مكملش معايا 8000 في حين سير الكاتينة الفبريكة ما شاء الله دخل معايا في 70 الف ك و الكتالوج بينصحني اغيره ع 45 الف
فنظرا لأن اغلب السيور الموجودة في السوق تجارية و جودتها مش زي الفبريكة فيفضل انك تغيري السير بعد مرور مدة 2-3 سنين بالكتيير من تاريخ الانتاج او 30 الف ك بالكتيير برده ممكن طبعا السير يقعد اكتر من كده لكن للأسف الموضوع غير مضمون و هيكون مجازفة لأن السير شئ منقدرش نشوفه بدون ما نفك
و متنسيش تغيري بلية الكاتينة مع تغيير سير الكاتينة لأنها لو اخشنت ممكن لا قدر الله تقطع السير في اي لحظة فبيفضل تغييره مع كل تغييرة سير كاتينة

اما النوعيات فيفضل الاصلي من التوكيل و بعدين يتم التفكير في النوعيات النضيفة زي جيتز الانجليزي او كونتيننتال اوروبي او صن ياباني

بخصوص الفلاترطبقا للدليل غالبا بتكون كل 20 الف لفلتر البنزين بس بسبب البنزين هنا ميفضل يعدي المدة ديه و فلتر الهواانا بعتمد ع حالته اكتر يعني لو وبر جامد من مكان دخول الهوا او الريش اتعوجت او الاتنين معا بغيره و ده غالبا مبيحصلش قبل 10-15 الف ك و حتي لو محصلش حاجة مبخليهوش اكتر من 20 الف