تجربت الصيانه في ابو رواش و مشكله ظهرت بعد الصيانه

**Higoodnice** · 15-02-2013 12:45 AM

السلام عليكم
بسم الله

اولا حجزت بالتليفون
رحت يوم الاربعاء الساعه 9:20
اسلمت العربيه وكانت صيانه 60 الف
بعد كده قال ليا اني هستلم العربيه الساعه 3
رحت ماشي وسايب العربيه وطبعا الصيانه عملت 3100 جنيه
وبعد كده اتصل بيا وقال ليا ان العربيه عايز تيل خلفي وامامي 1200 جنيه
رحت قلتله ماشي غيره
المهم رجعت الساعه 3:50
علشان استلم العربيه قال ليا انا فتكرتك مش جاي خزنت العربيه
بعد كده قال ليا ان العربيه محتاج switch في الفتيس علشان المبه وبيتغير في الضمان
بس هو مش موجود عندنا ممكن تغيره في المقطم وقال ليا ان هيبا موجود بعد 20 يوم وقال ليا اتصل بيه
* نقطه مهمه وانا بسلمه العربيه كان في حكه بسيطه في العتب كنت عايز اعملها قال ليا انا السمكره مش موجوده دلواتي في الفرع هتبا موجوده كمان 20 يوم برده
المهم استلمت العربيه
المشاكل
1. العربيه متغسلتش ولا بره ولا جوه ولا حتي المتور مش عارف ليه
2. اكتشفت انا الفرامل بقت خفيفه يعني لازم ادوس علي الدواسه جامد
المهم وانا بدوس مره فرامل فجاه وكنت ماشي علي 50 km لقيت الدواسه زي ما تكون عيزه ترد
رجلي لفوق تاني وفي صوت احتكاك عالي وجامد
*وطبعا دا مكنش بيحصل قبل كده
المهم انا هتصل بالمهندس بكره وهبا اقول قال ليا اه لان قال ليا لو في اي ملشكله اتصل بيه
بس لو حد ممكن يعرف دا سبب اه ممكن يقولي

وشكرا والله المستعان

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداخلات الإدارية
م ع 3

**windofchange** · 15-02-2013 01:11 AM

تغيير التيل ... التيل بياخد يومين كده عقبال مايطبع مع الطمبورة اللي راكب عليها الجنط وبعد كده بتفرمل كويس وتمسك فالارض...دواسة الفرامل بترد لفوق صراحة معرفش ايه العيب ده وبس هو اكيد له علاقة بتغيير تيل الفرامل

**ahmed_hanafi** · 15-02-2013 07:52 AM

متابع باهتمام

**Sh_sunsea** · 15-02-2013 08:59 AM

المفروض المركز يا فتح ويستقبل ناس - يا لسه

ولما يفتح المفرو يقى واخد كفائات من المراكز القديمة - على الاقل في البدابة علشان يشيلوا المركز الجديد بدل مايجربوا في عربيات الناس

**Ahmed Selim** · 15-02-2013 09:55 AM

هو المركز أعلنوا أنه مفتوح جزئياً للصيانات و الحاجات البسيطة.......مفيش إصلاحات كبيرة و مفيش سمكرة.........بس على الأقل الغسيل المفروض يبقى موجود.

بالنسبة لأن الفرامل خفيفية......ده عادي علشان تغيير التيل.........أصبر عليه لما يطبع و لو عاوز تسرع موضوع التطبيع ممكن تشوف مكان فاضي و تمشي فيه بسرعة شوية....80 أو 90 و تفرمل جامد مرتين تلاتة........هتساعد أن الموضوع يبقى أسرع.

هو إجمالاً التيل ممكن ياخد لحد 100 كيلو على ما يطبع.........

موضوع الدواسة عاوزة ترد ده أنا مش فاهمة بصراحة.