الموضوع: أفضل زيت موتور عن تجربة أيه هو

سلام عليكم لصقور النيسان
انا لسة منضم جديد للصقور حاجز إن شاء الله الصنى الجديدة
مع اوتو أيجيبت
كنت متابع الناس إللى فى المنتدى كل واحد بيحط زيت شكل
إلليى يقول ليكوى مولى (اول مرة اسمع عنه)
و إللى يقول فالفولين (برده اول مرة اسمع عنه)
و إللى يقول التوكيل بيحط توتال (مانقصش إلا توتال ده كمان)
و إللى يقول بحط كاسترول (هو كاسترول موجود فمصر انا اسمع أنه نضيف قوى انا عربيتى الفرنا القديمة الكتالوج بيقول حط كاسترول بس التوكيل كان شغال على شل الله ينور)
و أخيرا الولد بتاع المبيعات فى المعرض قال لى أنهم بيحطوا موبيل 1 و ده بعد ما غيرو من زمان كانوا بيحطوا شل
انا بقى تهت و أحتارت أنا عايز زيت كل 10000 مع العلم أن اصلا كل الزيوت التخليقية بتقعد اكتر من 10000 بس كل واحد بيحط زيت يقولى بيحطة من أمتى و عامل معاه ايه و ياريت لو يقولى بكام و التوكيل بيسبيوكوا تحطوا الزيت عادى من غير مشاكل و لا بيعصلجوا