مشتركي TE Data اللي على سنترال المعادي اخبار السرعة ايه معاكم؟؟؟

السلام عليكم ورحمة الله
من ساعة الحريق اللي شب في سنترال المعادي يوم 11 ديسمبر والنت فصل ساعتها يومين رغم اني ساكن في حدائق حلوان والنت رجع ولكن بطيء جدا جدا
انا مشترك على 2 ميجا وبيوصلني بالعافية 512 كيلو
كلمت خدمة العملاء قالولي ان فيه مشكلة في السنترال وجاري اصلاحها وماعندهمشي فكرة هتتصلح امتى
هل فيه حد عنده نفس المشكلة ولا اطلع على حماية المستهلك؟

نفس الجابه من اكتر من شهرين و النت سىء جدا خلاف الانقطاع اللحظي و بعدين رجوعه و عملت بدل الشكوي 100 وودين من طين وودن من عجين الغريب ان بقولهم هو سنترال المعادي ده مفهوش غير te data لان كل جيراني اللي مشتركين في شركات تانيه link او vodafoneمحدش اتاثر و لا الهوي تلاقي مفيش اجابات

انا زي حضرتك بيضبط و تبع سنترال حدائق حلون ومشترك وان ميجا واقصي سرعه بشوفها هي 25 ك/ث يعني شغال بربع السرعه واشتكيت كتير و مفيش فيدة

انا عندي النت عادي و من حدائق حلوان بس سيبك انت انا كنت فاكر اني انا الوحيد اللي من الحدائق :)

طب والحل يا جماعة. انا بالظبط ماشي بربع السرعة. غير الانقطاعات اللحظية زي ما بتقولو
كدة لازم حماية المستهلك بقى

مشترك فى لينك واحد ميجا فى سنترال الحدايق

والسرعة تعبااااااااانة اوى

ربنا يسهل بقى علشان كده بقى كتير

انا مشترك مع tedata فى دار السلام
فعلا بعد موضوع الحريق ده والنت بقى زفت الزفت
لدرجة ان النت فصل عندنا فى المنطقة الاسبوع اللى فات يوم الاحد والاثنين ولما رجع
رجع لناس وناس تانية لا وانا كنت منهم و استمر قاطع ليوم الخميس ومارجعش غير لما عملت اكتر من شكوى
على الويب سيت بتعهم وعلى كل الايميلات اللى هما حطنها وطبعا كلوا دماغى اتصالات بعد مارجع

انا كلمتهم تاني على الشات بتاع الدعم الفني على موقع TEData
وقولتله فقط ان النت بطيء جدا بقاله شهرين
رد وقاللي بسبب ان فيه حريق حصل في السنترال العمومي في المعادي
وجاري حاليا اصلاح العطل في اسرع وقت ممكن. مش عارف ازاي شهرين واسرع وقت ممكن. دي لو عمارة بتتبني كانت خلصت وسكنت
قولتله هتتصلح امتى. قاللي مش عارف بس في اسرع وقت ممكن
قوتله وهتعوضو الناس ازاي عن الموضوع ده. يعني انا دافع تمن 2 ميجا وباخد 512 فقط
قاللي ممكن تكلم قسم المبيعات عن موضوع التعويض
ودي كانت المحادثة اللي لاقدمت ولا اخرت

من ساعه الحريق و فعلا السرعه مش زى الاول بس عندى مش للدرجادى

مشترك فى سنترال المعادى سرعه 1 ميجا و متوسط السرعه 90 كيلو بايت لو الموقع كويس اووووى او تورنت عالى
و من اسبوع كده او اتنين النت فصل يومين بسبب عطل فى السنترال برضه و رجع بطئ جدا برضه

اقتباس:

---

المشاركة الأصلية كتبت بواسطة abdelaziz-waleed

انا كلمتهم تاني على الشات بتاع الدعم الفني على موقع tedata
وقولتله فقط ان النت بطيء جدا بقاله شهرين
رد وقاللي بسبب ان فيه حريق حصل في السنترال العمومي في المعادي
وجاري حاليا اصلاح العطل في اسرع وقت ممكن. مش عارف ازاي شهرين واسرع وقت ممكن. دي لو عمارة بتتبني كانت خلصت وسكنت
قولتله هتتصلح امتى. قاللي مش عارف بس في اسرع وقت ممكن
قوتله وهتعوضو الناس ازاي عن الموضوع ده. يعني انا دافع تمن 2 ميجا وباخد 512 فقط
قاللي ممكن تكلم قسم المبيعات عن موضوع التعويض
ودي كانت المحادثة اللي لاقدمت ولا اخرت

---

نفس القصه بالظبط اكتر من شهرين و الجابه في مشكله بيتم اصلحها و غير معلومم امتي تخلص
و قلتله طيب الفلوس اللي انا بدفعها و متضرر لأني مش مستفيد بيها قللي كلم قسم التعويضات و قدم شكوي و حصل فعلا و كل سنه و انتم طيبين و لا عبروني

انا كنت فاكرر ان انا بس اللى فى حدائق حلوان النت عندى بطى طلع كل اللى مشتركين مع الشركه الفاشله دى كلهم كده انا فعلا ابتديت افكر انى اغيرها وريح دماغى

اقتباس:

---

المشاركة الأصلية كتبت بواسطة ahmedesmat1987

انا كنت فاكرر ان انا بس اللى فى حدائق حلوان النت عندى بطى طلع كل اللى مشتركين مع الشركه الفاشله دى كلهم كده انا فعلا ابتديت افكر انى اغيرها وريح دماغى

---

للاسف يا باشمهندس كل الشركات فاشلة.
اعتقد TEData احسن الوحشين
مش عارف ايه اخبار اتصالات وفودافون. هل خدمتهم كويسة ولا لأ
وموضوع سياسة الاستخدام العادل اخبارها ايه
انا عميل قديم مع TEData. ومش مطبق عليا سياسة الاستخدام العادل علشان العقد

ما هو لما تفترى ربنا هايجازيك بسبب افتراك

2 ميجا لوحدك يا وليد فى الشهر

ليه فاكر نفسك ابو تريكه و انت استعمالك كله شات

مش قادر تبعد عن الـ........ و لا بلاش اقول

يا ريت تشوفلى صرفه , عملنا اللايك و الكلام و مفيش فايده

حبيبى يا وليد , و الله يا ابنى بدعيلك ربنا يثبتك و يزيدك

لسه كنت فى سيرتك مع بكر و قالى وليد بيستحمل انما انا مش قادر علشان كده حدفونى فى العراق :)
ربنا يزيدك كمان و كمان
و يرزقك و يبارك لك فى رزقك

سواء كان 2 ميجا او حتى 512

و خلى بالك لسه فى اخوان لك عايشين هلى الدايل اب

اقتباس:

---

المشاركة الأصلية كتبت بواسطة mtak

ما هو لما تفترى ربنا هايجازيك بسبب افتراك

2 ميجا لوحدك يا وليد فى الشهر

ليه فاكر نفسك ابو تريكه و انت استعمالك كله شات

مش قادر تبعد عن الـ........ و لا بلاش اقول

يا ريت تشوفلى صرفه , عملنا اللايك و الكلام و مفيش فايده

حبيبى يا وليد , و الله يا ابنى بدعيلك ربنا يثبتك و يزيدك

لسه كنت فى سيرتك مع بكر و قالى وليد بيستحمل انما انا مش قادر علشان كده حدفونى فى العراق :)
ربنا يزيدك كمان و كمان
و يرزقك و يبارك لك فى رزقك

سواء كان 2 ميجا او حتى 512

و خلى بالك لسه فى اخوان لك عايشين هلى الدايل اب

---

ابو طه حبيبي.
ربنا يباركلك ويحفظك ويحفظلك اولادك يا صاحبي
لا والله ال 2 ميجا مش لواحدي ياباشا. دانا معايا كام واحد جيراني في الشارع
معقولة يعني هشترك على 2 ميجا لواحدي. دانت عارفني من شبرا يابو طه. ههههههههه

يا مؤمن انا كنت نازل اجازة مصر 40 يوم بدء من 4يناير يومين والحرارة فصلت من التليفون فات اسبوع والتانى ولا فيه فايدة روحت السنترال اشتكيت بدل المرة 3 وفى الاخر شالوا الراجل اللى قاعد فى مدخل سنترال المعادى بيستقبل الشكاوى وبيقول للناس 48 ساعة يا افندم والحرارة ترجع علشان بقت العملية واسعة شوية واتغير الرد الى روح سنترال المعادى 2 اشتكى هناك احنا غلب حمارنا ولما روحت هناك قالوا انه عندنا فى المنطقة كبينة واحد رخم بتاع رخام كسرها وموش هنغيرها الا لما نصلح حريق السنترال الاول ياسلالالالالالالالالالالا لالالالالالالام هو انتم بتصلحوا حاجة واحدة بس ؟
المهم استعنت بالله وعملت شكوى على موقع رئاسة الوزراء وسبحان الله كانت الشكوى سرها باتع فى خلال اسبوع الحرارة جات واكتر من 6 اتصالات فى يوم واحد واعتذارات وتاسفات
جرب كدة زيى وشوف يمكن يكون الحل فى الموضوع ده
تقبل تحياتى

Tedata و الدنيا بايظة بقالها فترة و بيقطع كتير على الرغم أني مش تبع المعادي..

اقتباس:

---

المشاركة الأصلية كتبت بواسطة lonedoctor

يا مؤمن انا كنت نازل اجازة مصر 40 يوم بدء من 4يناير يومين والحرارة فصلت من التليفون فات اسبوع والتانى ولا فيه فايدة روحت السنترال اشتكيت بدل المرة 3 وفى الاخر شالوا الراجل اللى قاعد فى مدخل سنترال المعادى بيستقبل الشكاوى وبيقول للناس 48 ساعة يا افندم والحرارة ترجع علشان بقت العملية واسعة شوية واتغير الرد الى روح سنترال المعادى 2 اشتكى هناك احنا غلب حمارنا ولما روحت هناك قالوا انه عندنا فى المنطقة كبينة واحد رخم بتاع رخام كسرها وموش هنغيرها الا لما نصلح حريق السنترال الاول ياسلالالالالالالالالالالا لالالالالالالام هو انتم بتصلحوا حاجة واحدة بس ؟
المهم استعنت بالله وعملت شكوى على موقع رئاسة الوزراء وسبحان الله كانت الشكوى سرها باتع فى خلال اسبوع الحرارة جات واكتر من 6 اتصالات فى يوم واحد واعتذارات وتاسفات
جرب كدة زيى وشوف يمكن يكون الحل فى الموضوع ده
تقبل تحياتى

---

طب اديني رابط الموقع اللي اعمل عليه الشكوى الله يكرمك.
جزاك الله كل خير

اقتباس:

---

المشاركة الأصلية كتبت بواسطة dede_dodo88

Tedata و الدنيا بايظة بقالها فترة و بيقطع كتير على الرغم أني مش تبع المعادي..

---

للاسف انا برضو مش تبع المعادي. بس الموظف بتاع TEData بيقول السنترال العمومي في المعادي
فا واضح ان سنترال المعادي بيغذي سنترالات كتير بالنت. يعني يعتبر الكابل البحري بتاعنا
ومش عارفين هيصلحوه امتى ده. الواحد زهق من بطئ النت بصراحة والتقطعات اللي تخليك مش عارف تعمل داونلوود لفايل على بعضه

اقتباس:

---

المشاركة الأصلية كتبت بواسطة dede_dodo88

Tedata و الدنيا بايظة بقالها فترة و بيقطع كتير على الرغم أني مش تبع المعادي..

---

للاسف انا برضو مش تبع المعادي. بس الموظف بتاع TEData بيقول السنترال العمومي في المعادي
فا واضح ان سنترال المعادي بيغذي سنترالات كتير بالنت. يعني يعتبر الكابل البحري بتاعنا
ومش عارفين هيصلحوه امتى ده. الواحد زهق من بطئ النت بصراحة والتقطعات اللي تخليك مش عارف تعمل داونلوود لفايل على بعضه

ان كانت اشتراكت معهم على الويب سايت بتاعهم بس لسة لم افعل الخدمة واجدد الاشتراك مع انهم بيرسلوا لى رسائل علشان افعل الخدمة ومش ادفع اى حاجة غير لم انتم تقولوا الخدمة رجعت كويسة

اقتباس:

---

المشاركة الأصلية كتبت بواسطة abdelaziz-waleed

طب اديني رابط الموقع اللي اعمل عليه الشكوى الله يكرمك.
جزاك الله كل خير

---

ده الموقع http://www.complain.idsc.gov.eg/GCP/Default.aspx بس موش عارف ليه موش شغال خالص؟

اقتباس:

---

المشاركة الأصلية كتبت بواسطة lada2010

ان كانت اشتراكت معهم على الويب سايت بتاعهم بس لسة لم افعل الخدمة واجدد الاشتراك مع انهم بيرسلوا لى رسائل علشان افعل الخدمة ومش ادفع اى حاجة غير لم انتم تقولوا الخدمة رجعت كويسة

---

اعتقد المشكلة يا باش مهندس في السنترالات اللي بيغذيها سنترال المعادي بالنت.
انما الباقي اعتقد تمام

اقتباس:

---

المشاركة الأصلية كتبت بواسطة lonedoctor

ده الموقع http://www.complain.idsc.gov.eg/gcp/default.aspx بس موش عارف ليه موش شغال خالص؟

---

فعلا انا حاولت ادخل على اللينك ومش عاوز يفتح.
عموما الف الف شكر يا باش مهندس. جزاك الله كل خير

اقتباس:

---

المشاركة الأصلية كتبت بواسطة abdelaziz-waleed

السلام عليكم ورحمة الله
من ساعة الحريق اللي شب في سنترال المعادي يوم 11 ديسمبر والنت فصل ساعتها يومين رغم اني ساكن في حدائق حلوان والنت رجع ولكن بطيء جدا جدا
انا مشترك على 2 ميجا وبيوصلني بالعافية 512 كيلو
كلمت خدمة العملاء قالولي ان فيه مشكلة في السنترال وجاري اصلاحها وماعندهمشي فكرة هتتصلح امتى
هل فيه حد عنده نفس المشكلة ولا اطلع على حماية المستهلك؟

---

أنا مثل حضرتك تماما - وتبع سنترال حدائق حلوان - والسرعة اقل من الربع بكثير خلاف التقطيع اللحظي المتواصل وذلك منذ الحريق حتي الان - والشكاوي متكررة ولا حياة لمن تنادي - حسبنا الله ونعم الوكيل في هذة الشركة وفي الحكومة ورئيس الجمهورية والكل كليلة

من ساعة حريق السنترال من شهر 12 ولغاية دلوقتي مفيش لانت ولاحرارة

طب بالنسبة للينك فى المعادى نظامها ايه ؟؟

طب دة شئ جميل انة رجع
انا من ساعتها قاطع و كل مكلمهم يقولولي لسة