الطريق من السويس للمنصوره

**walikoo** · 15-02-2013 01:40 PM

عايز اعرف اروح المنصوره ازاي من السويس بعربيتي

**mohamed_selim** · 15-02-2013 10:12 PM

ممكن سويس اسماعيليه للزقازيق و منها للمنصوره
او سويس القاهره و عند الشروق تخش منها لطريق الاسماعيليه و تكمل فى اتجاه القاهره شويه وتاخد بلبيس الصحراوى و من بلبيس للمنصوره
و ممكن تكمل فى طريق السويس و تطلع الدائرى. اول مطلع يمين و تكمل طوالى و تنزل نفق السلام و طوالى لحد اسكندريه الزراعى و منه لبنها و تكمل للمنصوره من هناك

**azwoz65** · 17-02-2013 10:16 PM

أنشاء الله هوصفلك أفضل الطرق اللى أنا رحت بيها من الاسماعيلية للمنصورة
من السويس الى الأسماعيلية
وأقبل متوصل الأسماعيلية هاتبلك ( نفيشه) تاخد يمينك علشان تدخل على طريق القاهرة بورسعيد الصحراوى
أول ماتوصل طريق القاهرة بورسعيد الصحراوى هايقابلك الكبرى العلوى تطلعة ويمين طوالى لحد ماتقبلك يفطة كبيرة مكتوب عليها الى طريق بورسعيد وهو هيبقى على أيدك الشمال
وبعد كدة طوووووووووووالى هتعدى كارتة بورسعيد طووووووووووووالى وقبل بورسعيد ( بحوالى تقريباً 7 أو 10 كيلو مش فاكر) هتلاقى مدخل دمياط على شمالك تعمل ريترن وتدخله طووووووووووالى الى دمياط ومن الى المنصورة
وتوصل بالسلامة وده لعلمك أفضل الطرق ليك لأن طريق الزقازيق كله مطبات وطريق واحد مش زوجى