السلام عليكم يا اخوانى
انا عايز اسأل هل ينفع اعمل فتحة سقف فى عربيتى اللانوس؟
طيب هتتكلف كام؟ وهتبقى عملية والا اية؟
عرض للطباعة
السلام عليكم يا اخوانى
انا عايز اسأل هل ينفع اعمل فتحة سقف فى عربيتى اللانوس؟
طيب هتتكلف كام؟ وهتبقى عملية والا اية؟
مش عارف يا معلم انا ماشوفتش لانوس قبل كده معملوها فتحه سقف
واكيد هتبقى مكلفة ودا هياثر ع سعرها ولا لا هيزيد ولا هيقل
من الاخر مانصحكش ونشوف راى باقى الاعضاء
ينفع طبعا
تعمل فتحة سقف لكن اسعار انا معرفش- مين اللى بيركب برضة معرفش
وممكن تجيب سقف لانوس بفتحة سقف استيراد وتركبة
لكن انصحك لوجه الله
تكلفة وفلوس هتدفع كتير وفى الاخر لما تيجى تبيع يتخفس بثمن العربية الارض
انا وجهه نظرى فى الموضوع دا انك لو محتاجها اووووى تبيع عربيتك وتجيب عربية تانية بفتحة سقف اصلا
من حيث تنفع تنفع طبعا بس عايزه سمكرى فنان و ايده كويسه
الخطوات هاتجيب قشره سقف لانوس بفتحه سقف كامله بالفرش بتاعها من الحرفيين او الوكاله هتبقى بالقوايم تقريبا بحوالى 1000 جنيه و هتوديها للسمكرى يقص مكان فتحه السقف او يشيل قشره السقف و يركب القشره الجديده و كهربائى كويس يكملك التوصيلات بتاعتها لانها موجوده على حد علمى و ليها مكان فى علبه الفيوزات
الموضوع تقريبا هيتكلف 2000 جنيه و لو اتعمل بنضافه مش هينزل سعرها فى اعاده البيع بس متوقعش يرفعهه اوى برضه و كان فى عضو فى بروتون عامل فى عربيته الجين 2 الموضوع ده و جايب سقف لانوس برضه :)
عم الحج متخليهاش تنونو تاني في دماغي مصدقت اهدي:_Alshmokh11:
عموما هيا تنفع ممكن تجيب قشرة سقف فعلا بتاعه لانوس استيراد بس صدقني صغيره وشكلها مش ظريف
عايز الخلاصه هات بتاعه الاوبل كورسا شكلها جاامد جداا وزي الجديد اعرف اتنين جايبنها وعاملينها في فيرنا بس سعر مش عارف قريب هانزل اسال بنفسي في بورسعيد.
اكيد طبعا ينفع , وفية قدامك اختيارين :
1- انك تجيب قشرة سقف مزودة بفتحة السقف , وتقص وتركب ودية هتدخل فى تكلفة 1500 جنية
بس طبعا هتكون كدة لاعب فى اساسيات العربية
2- انك تروح عند ارابكوم وتركب فتحة سقف ودة عن طريق قص جزء من السقف على قد فتحة السقف يعنى وتركيب المكنة وزرار ليها , وكل دة بتكلفة 3500 جنية , ودية مشكلتها هتكون فى حاجتين , انها هتنزل من تمن العربية شوية + ان مش هيبقى فية مجارى مياة فى القائم زى الاصلية طبعا
نصيحة منى ماتعملهاش
بصراحه هى فكره جامده جدا وتنفع كمانوزى ماقالو سعرها بيتراوح من 2000 ل 3000 جنيه بس المشكله انها هتنزل سعر العربيه ده لو انتا بتفكر تبيع لكن لو مابتفكرش خليها واعملها
يارب يخليكم يا جماعة... انا بصراحة مكنتش اعرف ان الموضوع كبير كدة... والله بشكركم من كل قلبى
اصل انا كان معايا عربية ابن خالى الانترا بفتحة سقف وقعدت معايا اسبوع و بصراحة حسيت انها جميلة جدا بالذات لما تكون قافل الازاز وفاتحها ...بس انا مش بحب العب فى اساسيات العربية