EQUIVALANT2
عرض للطباعة
الأفضل استخدام تخليقي و التخليقي في شل اسمه شل الترا و علبته لونها اسود او رمادي غامق
و بعد ما تحطه تابع نسبة الزيت ع المقياس دايما لأنك استخدمت معدني لفترة طويلة
و زي مقولت مفيش حاجة اسمها زيت 5000 و زيت 7000 و زيت 10000
الزيت فترته تعتمد ع طريقة السواقة و الجو و حالة الموتور ع سبيل المثال عندي حطيت معدني قعد لحد 8000 و بشهادة الشهود كمان و معانا ناس بيستخدموا تخليقي وصلوا لـ13000 و الزيت يكمل فالموضوع بيعتمد ع الظروف اللي ذكرتها
لكن في جميع الاحوال يفضل التخليقي ميقعدش اكتر من سنة و المعدني مش اكتر من 6 شهور سواء عملت عدد كيلومترات او معملتش
بجانب ان احيانا تلاقي في دليل المالك اللي مع العربية ان ينصح الزيت يتغير كل كام كيلومتر او كام شهر ع سبيل المثل عندي ينصح بالتغيير كل 5000 او 4 شهور مع اضافة زيت تخليقي او عربيات كل 10000 او 8 شهور
مش معني اني عايز اغير الزيت كل 5000 اني احط زيت معدني عشان اسمه زيت 5000 ده كلام غلطالمفروض تحط الزيت اللي يناسب الموتور و الجو المحيط بيه
ماشى انا كدا هحط المرة اللى جاية ان شاء الله شل هيلكس الترا الجركن الرصاصى وهغير الفلتر بس انا خفت من حتة انى المفروض اتابع مقاس الزيت لانة ممكن ينقص علشان انا بحط زيت عادى من اول ما اشتريت العربية
وكدا العربية الجيتز هحطلها شل الاصفر لانى زى ما قلتلكم العربية دى مبتمشيش كتير
تمام اهم حاجة فلتر الزيت يتغير مع كل تغييرة حتي لو هتغير كل 5000 سيبك من اللي يقولك ده فلتر يقعد 10 الاف و فلتر يقعد 5 الاف ديه فتية تانية غير الفلتر مع كل تغيير للمحافظة ع نضافة الموتور و خاصة ان اغلب الفلاتر المنتشرة تجارية و خامتها مش اوي و حاول تشوف نوعية كويسة ياباني او جيب الفلتر من التوكيل و ركب برة
بخصوص المتابعة مضطر تتابع لو الزيت فضل مستواه تمام استمر ع التخليقي
و قولنا الاخبار بعد التغيير و انطباعك
مشكور وانا دايما بجيب الفلتر من التوكيل وبركبة برة سواء للجيتز او للانسر بس مرة فى اللانسر لما كنت فى طنطا جبت فلتر تايلاندى من مجدى موتورز وركبتة وكان تمام على فكرة