زهقت من توكيل الامل والاحسن يبقى توكيل الفشل

**zooma448** · 15-02-2013 07:37 PM

انا زهقت من التوكيل الفاشل دة مع انى من اوائل اللى اشترى BYD المصرى لكن التوكيل زهقنى منها و اخر حاجة انى كل ما اروح اعمل صيانة دورية اسأل عن تيل الفرامل علشان مكتوب انة بيتغير وعم جمال يقول لا خسارة لسة فية لحم كتير لحد ما وصلت ل60 الف وتاكل واكل الطنابير و غيرتهم الاثنين ودة بسبب اهمل التوكيل ولما اتركب التيل الجديد بدأ يصفر رحت فى صيانة 70 الف و طلبت الكشف علية لانة يصفر من الاول فقالوا لى ان تيل الفرامل وحش لانك غيرتة برة التوكيل ولما شافوا الفاتورة وتأكدوا انى مغيرة فى التوكيل قالوا علشان انت اخت النوع الصينى الرخيص مش الالمانى فقولت انا لم اختار حاجة انتوا اللى حطيطوا دة فكان الرد ان دة النوع الوحيد اللى كان موجود شوفتوا كذب اكتر من كدة
عاوز اعرف نوع تيل فرامل كويس ومكان محترم اعمل فية صيانة العربية
وحسنا الله ونعم الوكيل

**engaass** · 15-02-2013 08:16 PM

للاسف كل التوكيلات بتعمل الحركات دى انا برضه مع توكيل منصور ركبلى تيل صينى واضطريت اغيره بعد 5000 كم بس
حسبنا الله ونعم الوكيل

**hugan** · 15-02-2013 08:19 PM

الشغل بره التوكيل افضل
قطع الغيار النضيفه والاصليه موجوده

**lonedoctor** · 15-02-2013 11:40 PM

ياراجل يا طيب 70 الف ولسة بتروح التوكيل ؟
التوكيلات بشكل عام اكذوبة كبيرة فى حالة السيارات الشعبية زى اللى معانا وكل الناس بتفهم فيها
خلى التوكيل ده للبى ام والمرسيدس والباسات
رديت على سعادتك فى المنتدى التانى انه احلى تيل كورى او تايوانى ب 85 جنيه اساسا
تقبل تحياتى

**S O P H O S** · 19-02-2013 11:05 AM

توكيلات مصر كده ..

**ابوجنى2112** · 20-02-2013 10:02 PM

من الآخر أنا سيبة ولسه ما كملتش 30000كم...رييييييح دماغك...

**elmanahry** · 20-02-2013 11:24 PM

موضوعك قفشة ظريفة فكرنى بمريض ذهب للدكتور يشتكى من الدواء الفلانى فقال له الطبيب مين الدكتور الحمار اللى كتبلك الدوا ده رد المريض ده سيادتك يادكتور
هل تعلم سيادتك انى غيرت تيل الفرامل مرتين خلال ال 20000 وغيرت الطنابير الامامية بسبب المطبات الصناعية التى احيانا لا اخذ بالى لها والتيل الكورى الامامى ممتاز وب 85 جنيها ولكن العقده في التيل الخلفى لتويتا كامرى اريد ان اعرف كم ثمنهم كورى او يابانى ولتويتا كامرى موديل سنة كام ياريت اللى يعرف يقول

**ehabpopo** · 21-02-2013 09:07 AM

الناس دى جابتلك من الاخر ... اتوكل على الله ... انت عامل 70000 كم ... واللى يسأل ما يتوهش ... هاتلاقى ميكانيكية محترمين ان شاء الله... وكمان الكهربائى عم حمدى اللى الزملاء هنا ( بيتر وهانى ) اتكلمو عنة كلام طيب متخصص فى العربية دى ...