جبت ماكينة جديدة فيها حاجة غريبة !!

**GALAL mohammed** · 15-02-2013 10:27 PM

السلام عليكم ورحمة الله وبركاته
وحشتوني جدا يا احلي اعضاء بجد الواحد بيتعلم منكم كتير .

انا جبت ماكينه جديدة (استيراد ) ولسه مركبها امبارح ، والنهردة مشيت بالعربيه شويه علشان اجربها ، صوت الماكينة حلو ومفيش صوت غريب ، وسحبها كويس ، ولمة بحط ايدي ورا عند الشكمان واكتم الشكمان بحس انها معرقة معايا وايدي فيها مية ، بس في حاجه شغلاني وهي اني لما خليت واحد يدوس بنزين والعربية واقفة بصيت علي الشكمان لقيتة بيطلع دخنة سوداء ، ولما بجري بالعربية علي سرعات عالية بحس بريحة كبريت ، بيقولو ان الدخنة السوده دي علشان الماتور لسه وسخ وبينضف وبياخد وقت وينضف مطرح الركنة , فانا مش عارف اعمل ايه ، محتاج اعرف رأيكم في الموضوع ده

**hessenp** · 15-02-2013 10:32 PM

ان شاء الله بسيطة و الكلام دة يروح مع المشى
بس انت غيرت طقم السريفيس للماتور الجديد ولا لا؟

**GALAL mohammed** · 15-02-2013 10:37 PM

والله ياباشا هوه الميكانيكي كان بياخد الحاجات اللي محتاجها من الماكينة القديمة مجبتش جديد غير جوان الشكمان ، حتي انا كنت لسه شاري سير كاتينة للمكنة القديمة قلت للميكانيكي يغيرو قال سير الكاتينة اللي في الماكينة الجديدة حلو علي اساس انه بتاعها الاصلي
ملحوظة : استهلاك البنزين كويس

**lanos2004** · 15-02-2013 11:15 PM

شوف الدخنه السودا ممكن يكون حساس الشكمان بايظ او الرشاشات او البوجيهات
وممكن الموبينه ضعيفه او اسلاك البوجيه تعبانه-بس انته امشى شويه وشوف
يعنى حاجه متخوفش نهائى
بعدين انته جرب المكنه وبالكتير قوى 2000 كيلو وغير السير حتى لو كان زيرو وطبعا بليه الكاتينه كمان
ومتنساش تغير الزيت بعد 200 الى 500 كيلو--لان ركن المواتير دى فترات طويله بيكون فيها بواقى زيت وسخ يفضل انك تنزله -وحط زيت تخليقى كامل لو عاوز تحافظ على ماتورك الجديد

**mahmoudysf** · 15-02-2013 11:23 PM

الف مبروك
والمكنة دي 1500 2 كامة بتاعة الموبيرا
جبتها بكام يا باشا

**blazer** · 15-02-2013 11:24 PM

فعلا زى ما قال lanoos 2004 الرشاشات والبوجيهات واسلاك البوجيهات او حساس الشكمان
غير كدا طالما الميه والزيت مش بينقصوا
يبقى مبروك عليك الماكنية الجديده
ومتنساش تغير سيرفيس الكاتينة بال gm هو والبلى

**GALAL mohammed** · 15-02-2013 11:29 PM

االشورت بلوك كوري 2100 جنيه. وكان فيه ادامي ب 2000 جنيه عند كذا واحد بس اوروبي

**darsh_darsh** · 15-02-2013 11:39 PM

المشاركة الأصلية كتبت بواسطة lanos2004

شوف الدخنه السودا ممكن يكون حساس الشكمان بايظ او الرشاشات او البوجيهات
وممكن الموبينه ضعيفه او اسلاك البوجيه تعبانه-بس انته امشى شويه وشوف
يعنى حاجه متخوفش نهائى
بعدين انته جرب المكنه وبالكتير قوى 2000 كيلو وغير السير حتى لو كان زيرو وطبعا بليه الكاتينه كمان
ومتنساش تغير الزيت بعد 200 الى 500 كيلو--لان ركن المواتير دى فترات طويله بيكون فيها بواقى زيت وسخ يفضل انك تنزله -وحط زيت تخليقى كامل لو عاوز تحافظ على ماتورك الجديد

استفسار منك كده هو لو الموبينه ضعيفه اعراضها بتكون ايه وكمان اسلاك البوجيهات لو وحشه او قديمه ايه اعراضها
وهل ممكن تكون الموبينه ضعيفه لكن شغاله

**GALAL mohammed** · 15-02-2013 11:40 PM

الف شكر يا رجاله

**maio_do** · 16-02-2013 11:20 AM

المشاركة الأصلية كتبت بواسطة darsh_darsh

استفسار منك كده هو لو الموبينه ضعيفه اعراضها بتكون ايه وكمان اسلاك البوجيهات لو وحشه او قديمه ايه اعراضها
وهل ممكن تكون الموبينه ضعيفه لكن شغاله

لو الموبينة ضعيفة تبقى العربية بتقطع فى السحب ومتسبحبش كويس

بالنسبة للصاحب الموضوع مبروك ع الماكنة وان شاء الله تكون كويسة

الموضوع: جبت ماكينة جديدة فيها حاجة غريبة !!

LinkBack

أدوات الموضوع

عرض

-

-

-

المواضيع المتشابهه

استلمت الأكسنت سبورت و فيها حاجة غريبة

حاجة غريبةحصل معايا حاجة غريبة جدا...كنت مسافر الاربعاء بالليل و فجاءة طوبة كبيرة عا

سيارة لانسر 2005 فيها حاجة غريبة

المياه فيها حاجة غريبة

العربية فيها حاجة غريبة

الكلمات الدلالية لهذا الموضوع

المفضلات

المفضلات

ضوابط المشاركة