السلام عليكم ورحمة الله وبركاتة

ازيكم يا شباب طبعآ والحمد لله انا عملت حادثه من شهر بسبب ان العربيه اتزحلقت منى ولبستنى فى حيط

المهم دلوقتى انا بقيت بعمل برجلى زى ال abs يعنى ادوس فرامل واسيب ادوس واسيب

بس طبعآ الموضوع ده مرهق ومش على طول بفتكره

بس بحاول اعمل كده علشان العربيه ما تزحلقش

معقوله ده هيكون الحل معايا طول عمرى علشان العربيه ما تتزحلقش ؟؟

هل نوع الكاوتش او النقشه اللى عليه تفرق ؟

طب لو كده ايه افضل نوع نقشه مع العلم انى لسه ما غيرتش الكاوتش اللى خلى العربيه تتزحلق وناوى اغيره لما ربنا يفرجها من عنده وهغير الاربع فرد بكاوتش

13/185/70
واللى راكب عندى
13/175/70
انا عايز اعمل كده علشان سمعت ان الثبات هيزيد وانا شايف ان العربيه محتاجه ثبات زياده وطبعآ انا متأكد ان الكاوتش والجنوط الحاليه مافيهاش ريحة الترصيص والعربيه عايزه ظبط زوايا طبعآ انا فاهم ان كل ده بيزيد ثبات العربيه

بس النهارده الحمد لله كنت فى الصحراوى وجبت 100 طبعآ كانت تقيله شويه بسبب الكربراتير مش نضيف وعندى بك مسدود بيخليها تنتش معايا اوقات كتير وان شاء الله هنضف واشوف البك واجيب بوجيهات nkg 16 واظبط ثغرتها

بس الحمد لله جابت ال 100 بس ثباتها مش وحش بس مش جميل فاهمين اقصد ايه يعنى يعتبر متوسط طبعآ ما زودتش عن كده لان الطريق كان مطباته مش حلوه وانا كنت راجع دولى دخلت صحراوى يعنى ما طولتش فى الصحراوى حوالى 10 كيلو بس
وكانت هتجيب اكتر من كده بس مع الثبات ده ما عجبنيش انى ازود
وعندى بوش فى بيض المقصات فبدور على مقصات وهغيرها برضه ان شاء الله طبعآ ده كمان هيزود من الثبات صح ؟

المهم انا عايز اتاكد من موضوع الثبات وموضوع الزحقله ده الله يباركلكم