الموضوع: العربية راكبها عفريت .. عطل غريب جدا

ما افتكرش انه ليه دعوة بالحرارة لان العشر دقايق اللى بيسيبها ويدور العربية مش فترة كبيرة عشان العربية تبرد فيها . عامة انا وانا فى الكلية كان ليا بحث عن بوابات الانجكشن بس كنت بادرس فى عربية نيسان هيتاتشى وعيوب زى دى ممكن تكون فى حساس الtps خصوصا ان السيلكتور بتاعه بيكون نحاس والنحاس من الفلزات جيدة التوصيل للحرارة والكهرباء وبتفقد الحرارة بسرعة وبالتالى من الوارد ان يكون السيلكتور حصل فيه تأكل بنسبة بسيطة جدا وبالتالى مع الحرارة بيتمدد بنسبة بسيطة جدا ومع شريط النحاس اللى على الطرف التانى فى الحساس بيحصل تجاذب وبالتالى بينجح التوصيل ومع تبريد العربية اسرع جزء لفقدان الحرارة هو الحساس دا وبالتالى تبدأ المعاناة من جديد .
لازم طبعا العربية تدخل على جهاز فحص او تجريب حساس تانى وللمناسبة فى الجو اللى احنا فيها دا لازم تسخن العربية 30 ثانية بعد الدوارة عشان دورة الزيت وخصوصا فى الفتيس عشان تأكل التروس بيكون سريع جدا

المشاركة الأصلية كتبت بواسطة هيثم الدسوقى

ما افتكرش انه ليه دعوة بالحرارة لان العشر دقايق اللى بيسيبها ويدور العربية مش فترة كبيرة عشان العربية تبرد فيها . عامة انا وانا فى الكلية كان ليا بحث عن بوابات الانجكشن بس كنت بادرس فى عربية نيسان هيتاتشى وعيوب زى دى ممكن تكون فى حساس الtps خصوصا ان السيلكتور بتاعه بيكون نحاس والنحاس من الفلزات جيدة التوصيل للحرارة والكهرباء وبتفقد الحرارة بسرعة وبالتالى من الوارد ان يكون السيلكتور حصل فيه تأكل بنسبة بسيطة جدا وبالتالى مع الحرارة بيتمدد بنسبة بسيطة جدا ومع شريط النحاس اللى على الطرف التانى فى الحساس بيحصل تجاذب وبالتالى بينجح التوصيل ومع تبريد العربية اسرع جزء لفقدان الحرارة هو الحساس دا وبالتالى تبدأ المعاناة من جديد .
لازم طبعا العربية تدخل على جهاز فحص او تجريب حساس تانى وللمناسبة فى الجو اللى احنا فيها دا لازم تسخن العربية 30 ثانية بعد الدوارة عشان دورة الزيت وخصوصا فى الفتيس عشان تأكل التروس بيكون سريع جدا

شكرا جزيلا على الرد والمعلومات القيمة

هوا أنا فعلا بأسيب العربية بتاع دقيقة كده وبعدين أمشي عشان دورة الزيت

بالنسبة للحساس ده لو تعرف اسمه ايه بالبلدي "حساس الهوا،حساس عامود الكامة، حساس ؟؟؟؟" عشان الميكانيكي يفهم واحاول اجيب واحد استيراد اغيره واشوف الدنيا فيها إيه وربنا يسهل :)

شاكر ليك جدا

خلي التسخين خصوصا في الصبح لحد مالعداد يوصل الربع وبعدين امشي عشان الايام دي الجو برد جدا والزيت اللي في الفتيس بيكون بارد ودا غلط جدا واكيد انت عارف كدا تانيا غيرت اخر مرة زيت الفتيس امتى ولو ليه فتره غيره واعمل كشف على العربية عن حد فاهم عشان لما يقرا يكون فاهم مش عنده الجهاز يشبكه بس في العربية ومش فاهم حاجه وإن شاء الله تكون حاجه بسيطه غالبا حساس زي ماذكر الاخوة

المشاركة الأصلية كتبت بواسطة mashaly

خلي التسخين خصوصا في الصبح لحد مالعداد يوصل الربع وبعدين امشي عشان الايام دي الجو برد جدا والزيت اللي في الفتيس بيكون بارد ودا غلط جدا واكيد انت عارف كدا تانيا غيرت اخر مرة زيت الفتيس امتى ولو ليه فتره غيره واعمل كشف على العربية عن حد فاهم عشان لما يقرا يكون فاهم مش عنده الجهاز يشبكه بس في العربية ومش فاهم حاجه وإن شاء الله تكون حاجه بسيطه غالبا حساس زي ماذكر الاخوة

زيت الفتيس جديد لم يكمل 2000 كيلو :) ... والصراحة أنا بأسخن دقيقة كده وبعدين أمشي على الهادي خالص لحد ما المؤشر يرفع شرطتين وبعد كده أدوس براحتي :)

والحمد لله الموضوع اتحل وهأكتب في مشاركة منفصلة إيه اللي حصل

إمبارح رحت للميكانيكي نكمل المشوار لإكتشاف العطل

رحت بدأنا بالبوابة ... جبنا واحدة كاملة إستيراد من عند واحد بأتعامل معاه بيدينا الحاجة نجرب لحد ما نشوف العطل فين

فك يا عم البوابة وشيل الخراطيم وعمة الهوا والفيش وركب البوابة الجديدة ورجع كل حاجة مكانها تاني

دور يا دوكطور " هههههه هما بيقولوها كده :)"

أدور وألاقيلك العربية مهنجة زي كمبيوتر بنتيوم ثري شغال بقاله 4 أيام

بطل العربية يا دوكطور :) .... شيل يابني البوابة وحط القديمة .... بس المرة دي حصل شئ جميل جدا وهو ده اللي عرفنا العطل جاي منين

اللي حصل إن لمبة الصيانة نورت " ماكنتش منورة خالص وأنا رايح ولا نورت قبل كده نهائي"

شيل يابني كبل البطارية عشر دقايق عشان الكنترولر يمسح الايرور ونشوف

نركب البطارية اللمبة لسه منورة

ببببببببس .... جبنا الجهاز ووصل يابني الجهاز .... والمفاجأة ....

حساس الايرماس باااااااااااااااااااااااا ااايظ وهوا اللي كان مبرجل العربية ومطلع عينا بقاله اسبوع

وللأسف ماكنش باين خالص على الجهاز قبل كده "اللمبة ماكنتش منورة خالص"

هوبا هات يابني حساس استيراد بـ 250 جنيه وركب

دور يا دكطووووووووور ... فوووووووووووووووم ... العربية رجعت زيروووووووووووو

الحمد لله سحب زي ماكانت لسه زيرو بشكل غريب ... لدرجة إني أخدت يوم كامل على ما قدرت احسب الفرق في الفرملة على الوضع الجديد "بقت 1600 سي سي :) "

والحمد لله الدنيا تمام وزي الفل ... بس استهلاك البنزين عالي وعاوز اروح اظبط الموتور والعادم عند حد فلو حد يعرف واحد كويس يبقى تمام ويشكر :)

وأحب أشكر كل اللي ردوا على الموضوع وحاولوا يساعدوا :)

شكرا جزيلا ولا أراكم الله مكروها في سيارة لديكم :)