كلاكيت تانى مرة...عايز شقة فى المعادى

**egyboy** · 16-02-2013 01:47 PM

السلام عليكم

اعضاء المنتدى الكرام انا بشكركم على تواصلكم فى المووضع السابق بتاع حدايق الاهرام

وده اللى شجعنى انى اكتب تانى واخد رايكم لانه يهمنى جدااا

انا حسيتها بعيدة جدا خصوصا لما نزلتها وشايف ان قدامها سنين طويلة علشان تبقى افضل

:::::::

خلاصة الكلام انا عايز مكان فى القاهرة متوسطن شوية ما بين كل الاتجاهات وحسيت ان المعادى افضل مكان متوسطن وقريب من كل حاجة

بس المشكلة معرفش اركز البحث فين بالظبط

المنطقة اللى عند كارفور المعادى حد يعرف نظامها ايه وخدماتهااا او الهضبة الوسطى بيقولوا مميزة ولا المعراج والمعادى الجديدة ولا زهراء المعادى ولا المعادى نفسها

وعلشان ابسط الامور فى ردودكم اللى انا عايزه الاتى:

1- لو شقة كاش اخرى فيها 300 الف معرفش دوول يجيبوا فين فى المعادى
2-لو تقسيط ممكن المقدم يوصل ل 100 الف
3- اهم شىء انا عايز شقة فى مكان مميز لو حبيت ابيعه خلال كام سنة تجيبلى سعر ممتاز

وايه رايكم فى الشركة دى شركة الثريا للمقاولات والإستثمار العقارى

اناشايف اسعارها ومساحتها وموقعها مميز

بس عايز حد يعرف المعادى كويس يقولى المكان بتاع مشروع الشركة نظامه ايه ؟

شركة الثريا للمقاولات والإستثمار العقارى

شركة الثريا للمقاولات والإستثمار العقارى

شركة الثريا للمقاولات والإستثمار العقارى

ولو حد يعرف شركة افضل او موقع افضل انزل ادور فيه يبقى خدمنى جااامد

اشكركم

**egyboy** · 16-02-2013 04:50 PM

اين سكان المعادى الكرام
بالمناسبة انا بدور على مساحات على الاقل 110 متر
شكرا لكم

**ahmedhilmy** · 16-02-2013 08:46 PM

300 الف جنيه صعب يجيب لحضرتك حاجه علي الأقل 110 متر في المعادي تحديدا زهراء المعادي او المعراج بس ممكن تجبلك حاجه كويسه في المعراج السفلي - او الهضبه الوسطي في المقطم او صقر قريش و دي منصحش بيها

**egyboy** · 18-02-2013 02:53 PM

طيب ايه راى حضرتك فى الموقع ده وهو من شركة الثريا

المنطقة راقية جدا تبعد 3 دقائق فقط عن كارفور المعادي ومول دجلة فيو ودقيقتين فقط عن 5 نوادي ( نادي الصيد و نادي المعادي ونادي القطامية ونادي عباد الرحمن ونادي المهندسين ) وتبعد 6 دقائق عن المدرسة الدولية والمدرسة التجريبية الفرنسية ومدرسة اللغات منارة المستقبل ومدرسة البارون للغات ومدرسة اتون الخاصة ومدرسة سما القاهرة للغات وتبعد دقيقتين عن كلية الهندسة وكلية الصيدلة وكلية الاعلام والجامعة الحديثة

المنطقة دى نظامها ايه ؟

وياريت لو اى حد يعرف سمسار او شركة عقارات ؟

**egyboy** · 18-02-2013 03:57 PM

وممكن المبلغ يزيد مفيش مشكلة

المهم استقر على منطقة كويسة ومناسبة

وسعرها هيعلى بعدين

جزاكم الله خيرااا

**Amrgamal1** · 19-02-2013 06:37 AM

روح اسأل في امريكان بيتشو المعادى
دي في أخر زهراء المعادي عند مرور المعادي الجديد كدا
انزل انت اسال و سيبك من السماسرة بيبقو عايزين يلبسو الواحد في اي حاجه عشان ياخد عمولته ومش فارق معاه موقع الشقه عامل ازاي

**egyboy** · 19-02-2013 10:39 AM

انا عملت سيرش كده ع السريع لقيت فى مواضيع كتير بتشتكى من النصب وانهم لم يستملوا شقتهم او انها كانت على عكس العقد

وراى حضرتك صح بخصوص السماسرة علشان كدة انا بسال هنا الناس اللى ساكنة او تعرف المعادى كويس

جزاكم الله خيرااا

**NaderNabil** · 19-02-2013 10:55 AM

انزل بالعربية يوم الجمعة بعد الصلاة و لف على كل المناطق في زهراء المعادي و إختار منها اللي يعجبك و إحصر 3 -4 مناطق تكون إقتنعت بيهم و يناسبوا إحتياجاتك...و بعد كده هاتركن العربية في كل منطقة و تعدي على كل عمارة تسأل البواب بتاعها عندك إيه...انا جبت شقتي بالطريقة دي..بس قعدت أكتر من 9 شهور عقبال ما لاقيت الشقة المناسبة :)

مبدأيا ممكن تشوف بيتشو المراحل الأولى الخلصانة...ممكن تلاقي ناس عارضه شققها للبيع و دي مش عليها مشاكل...و كمدينة بقت ممتازة من حيث الخدمات و النضافة و بقيت عمرانة

بعد كده عندك مجموعة العمارات اللي في شارع ال50 و ما حوله...اللي هو طالع من برج فودافون ...خدماتها ممتازة و قريبة من كل حاجة...يعبها فقط العشوائية في العمارات

ماتتعبش نفسك و تدور في المنطقة اللي حوالين خير زمان الجديد...اللي هو في شارع ال50 بس قدام شوية...كلها مساحات كبيرة جداً و أسعار عالية...

**ahmedkhairy** · 19-02-2013 11:57 AM

أنا عندى مشروع إستثمار عقارى عمارة فى المعادى مميزة جدا بحرى - المعراج السفلى - ناصيتين - ثلاث شوارع .
المعراج منطقة ممتازة - جنب كل الخدمات
الشقة 155 م 2 - متبقى عدد 3 شقق فقط
العمارة جارى أعمال تشطيب الواجهات والمداخل
السعر كاش 385000
السعر قسط 435000 50 % مقدم والباقى على سنتين .
بالنسبة لبيتشو امريكان بلاش خالص .
أى إستفسار تحت أمرك 01223341501

**egyboy** · 19-02-2013 02:03 PM

المشاركة الأصلية كتبت بواسطة nadernabil

انزل بالعربية يوم الجمعة بعد الصلاة و لف على كل المناطق في زهراء المعادي و إختار منها اللي يعجبك و إحصر 3 -4 مناطق تكون إقتنعت بيهم و يناسبوا إحتياجاتك...و بعد كده هاتركن العربية في كل منطقة و تعدي على كل عمارة تسأل البواب بتاعها عندك إيه...انا جبت شقتي بالطريقة دي..بس قعدت أكتر من 9 شهور عقبال ما لاقيت الشقة المناسبة :)

مبدأيا ممكن تشوف بيتشو المراحل الأولى الخلصانة...ممكن تلاقي ناس عارضه شققها للبيع و دي مش عليها مشاكل...و كمدينة بقت ممتازة من حيث الخدمات و النضافة و بقيت عمرانة

بعد كده عندك مجموعة العمارات اللي في شارع ال50 و ما حوله...اللي هو طالع من برج فودافون ...خدماتها ممتازة و قريبة من كل حاجة...يعبها فقط العشوائية في العمارات

ماتتعبش نفسك و تدور في المنطقة اللي حوالين خير زمان الجديد...اللي هو في شارع ال50 بس قدام شوية...كلها مساحات كبيرة جداً و أسعار عالية...

ربنا يكرمك على تواصلك
شارع ال 50 ده فين بالظبط فى قلب المعادى يعنى ولا الزهراء ولا فين
وايه راى حضرتك فى المنطقة اللى عند كارفور المعادى
وانا هحاول اعمل زى ما بتقول وانزل واشوف