تحذير من التعامل مع منتجات وايت ويل والوكيل شركة مصر للاكترونيات

عايز يا جماعة احذركم من التعامل مع شركة مصر للاكترونيات وكيل وايت ويل شركة فعلا غير محترمة وزبالة

الحكاية باختصار ان اشتريت غسالة اطباق وايت ويل و بعد مدة ظهر صدأ فى ادراج الغسالة ولما كلمت شركة مصر للاكترونيات طبعا تم التهرب بحجج وهمية علشان طبعا يعدى فترة الضمان و ميتغيرش الادراج ببلاش
المهم طبعا مش عارف اوصل لاى مسئول فى الشركة والكول سنتر طيعا يقولك تحت امرك المندوب حيجى و طبعا محدش بيجى
كلمت مدير خدمة العملاء الخميس قالى فورا حيتم التغير يوم السبت و طبعا يوم السبت لغاية الساعة 12 محدش جة لما كلمت الكول سنتر قال مفيش اوردر اساسا
المهم قلت اروح لهم اشوف اية الحكاية وقابلت مدير خدمة العملاء اسمة مصطفى عبيد انسان سافل وقليل الادب و كأنى بكلم مع عربجى فى الشارع مش مدير خدمة عملاء

طبعا كان قليل الادب و انا زعقت جامد و الموضوع كان حيطور اننا نضرب بعض وبعد كدة كلمت مكتب رئيس الشركة علشان اشتكية بس طبعا عارف انة مش حيعملوا حاجة مع العربجى دة
وعلشان كدة قبل شراء اى منتج السوال عن خدمة الصيانة علشان ميحصلش معاكوا موقف زى دة لانهم دلوقتى بيعينوا العربجية فى خدمة العملاء علشان يخوافوا العملاء (مع الاعتذار للعربيجية لان اخلاقهم اكيد احسن من الحيوان اللى اتعاملت معاة)

شكرا على التحذير

طب ووصلت معاهم لايه في النهايه

بكرة المفروض انهم حبغيروا الادراج اللى ماكنتش موجودة و ظهرت طبعا فجأئة بعد الخناقة و حستنى بكرة بس انا دمى محروق جدا من الحيوان دة و مش عارف اعمل اية

جهاز حمايه المستهلك وهو اللى هيجرى وراك

اقتباس:

---

المشاركة الأصلية كتبت بواسطة ashraf122

بكرة المفروض انهم حبغيروا الادراج اللى ماكنتش موجودة و ظهرت طبعا فجأئة بعد الخناقة و حستنى بكرة بس انا دمى محروق جدا من الحيوان دة و مش عارف اعمل اية

---

المهم انك تاخد حقك ويغيرو الادراج
وبعد كده الكائن التاني ده ظبطه زي مانت عايز

أنا اتعاملت مع مركز الصيانه بتاعهم كذا مره قبل كده و كانوا ملتزمين بصراحه و حتى مره فى غساله الأطباق كانت فيها قطعه غيار بايظه و غيروها فى الضمان مع ان كان فاضل يوم واحد و الضمان يخلص و الكلام ده كان من حوالى شهرين تلاته تقريبا و مكنش فى نقاش و غيروها من نفسهم و مره تانيه طلبتهم علشان ما بتغسلش عدل و جه الفنى و شرح لى الاجزاء اللى المفروض تتنظف دوريا و ضروره عمل دوره للغسيل مضاف إليها الخل لتنظيف الاجزاء الداخليه من الدهون و فعلا بعدها اشتغلت كويس و الكلام كان مع بتوع الكول سنتر و الفنى اللى بيجى و ما وصلتش لخدمه العملاء. انا مش عارف ايه اللى أدى لتطور المشكله بالشكل ده مع حضرتك بس حضرتك لابد ان تشتكى مدير خدمه العملاء ده اللى حتى من المسمى الوظيفى بتاعه المفروض يخدم و يريح العملاء مش يقرفهم و يضايقهم بالشكل ده

مشكوررر عالتنبيه ..

انا ممكن افهم شكواك من الوكيل .. بس الغريب تحذيرك من منتجات White Whale اللي اعرفه عنها انها منتجات مستوردة على درجة جيدة جدا من الجودة .. بل بتعتبر الاغلى في فئتها ؟

اقتباس:

---

المشاركة الأصلية كتبت بواسطة forever.leo

انا ممكن افهم شكواك من الوكيل .. بس الغريب تحذيرك من منتجات white whale اللي اعرفه عنها انها منتجات مستوردة على درجة جيدة جدا من الجودة .. بل بتعتبر الاغلى في فئتها ؟

---

انا تحذيرى من الوكيل لان لو حضرتك اشتريت منتج مستورد و غالى بس بدون صيانة يبقى بترمى فلوسك فى الارض

اقتباس:

---

المشاركة الأصلية كتبت بواسطة ashraf122

انا تحذيرى من الوكيل لان لو حضرتك اشتريت منتج مستورد و غالى بس بدون صيانة يبقى بترمى فلوسك فى الارض

---

كلامك مفهوم .. بس ازاي و الوايت ويل لها سمعة طيبة في مصر من سنوات فاتت .. اذا كان وكيلها بالشكل اللي حضرتك حكيت عنه .. انا لا اشكك في كلامك و لكن اراه متعارض مع سمعة هذه الماركة في السوق المصري .

اقتباس:

---

المشاركة الأصلية كتبت بواسطة forever.leo

كلامك مفهوم .. بس ازاي و الوايت ويل لها سمعة طيبة في مصر من سنوات فاتت .. اذا كان وكيلها بالشكل اللي حضرتك حكيت عنه .. انا لا اشكك في كلامك و لكن اراه متعارض مع سمعة هذه الماركة في السوق المصري .

---

انا حكيت اللى حصل معايا علشان احذركم وليس لى مصلحة فى الكذب و انى اقول الكلام دة عن الشركة و هو مش صحيح
للاسف هى سمعة على الفاضى و هو توكيل زبالة

اقتباس:

---

المشاركة الأصلية كتبت بواسطة ashraf122

انا حكيت اللى حصل معايا علشان احذركم وليس لى مصلحة فى الكذب و انى اقول الكلام دة عن الشركة و هو مش صحيح
للاسف هى سمعة على الفاضى و هو توكيل زبالة

---

نسيت اقول لحضرتك ان سبب انهم مش راضين يغيروا الادراج لانها سعرها غالى وخاصة بعد زيادة الدولار تقريبا سعرهم 350 جنية او اكتر يعنى 20% من ثمن الغسالة
ممكن تكون الناس اتعملت معاهم فى حاجات بسيطة ولكن لتغير حاجة نتيجة عيب صناعة ظهروا على حقيقتهم

طب خد الموضوع ده :-))))

http://www.nilemotors.net/Nile/264447-a.html

اقتباس:

---

المشاركة الأصلية كتبت بواسطة Forever.Leo

كلامك مفهوم .. بس ازاي و الوايت ويل لها سمعة طيبة في مصر من سنوات فاتت .. اذا كان وكيلها بالشكل اللي حضرتك حكيت عنه .. انا لا اشكك في كلامك و لكن اراه متعارض مع سمعة هذه الماركة في السوق المصري .

---

انا بعمل مشروع sap في وايت ويل الايام دي. وعرفت 90% من اسرار شغلهم بحكم شغلي. وقبلها كنت في يونيفرسل. سيبك انت الصين هي اللي مشغلة العالم دي!!

عندك حق
أنا عندى غساله أطباق
وفعلا ناس مش محترمين وندمان أنى اشتريتها

اقتباس:

---

المشاركة الأصلية كتبت بواسطة hugan

المهم انك تاخد حقك ويغيرو الادراج
وبعد كده الكائن التاني ده ظبطه زي مانت عايز

---

ان شاء اللة بكرة تيجى الادراج بس مش عارف اعمل اية مع الحيوان دة دمى محروق جدا

لو محلوش المشكلة عليك وعلى حماية المستهلك قبل الضمان ما ينتهي

شكرا على النصيجة
بتهيألى توكيل نوشيبا افضل توكيل فى موضوع الاجهزة المنزليه

معاك حق دمك يتحرق كلة صينى فى صينى و منتج اى كان بدون و كيل محترم لا يساوى شئ
انا فاكلر من سنتين تقريبا كان عندنا فرن كهرباء و فجاة اتكسر الزجاج لوحدة بدون ان يلمسة احد طلبت الصيانة و بعد عزاب جاءوا و قبل التركيب طلبوا تمن الزجاج و مصاريف زيارة غير سعر الزجاج طبعا انا زعقت و قلت لة سوف اتصل بجهاز حماية المستهلك فطلب المهندس الصيانة و قال لى خلاص ياعم سعر الزجاج فقط دة لو توكيل محترم كان عمل كدة ؟

شكوى للشركة الام
وحل المشكلة واوصل لمكتب رئيس مجلس الادارة
مش شرط تكلمه ممكن سكرتيرته

غريبة اوى موضوع الزعيق ده هى الناس فى مصر اخلاقها بقت عاملة كدة ليه ؟
انا عن نفسى لما باشترى اجهزة للبيت باجيب ال جى واريح دماغى لا صيانة لا مشاكل صناعة
اعتقد انضف ماركة فى مصر والواحد موش محتاج يحرق دمه بصراحة
فى يناير كنت فى اجازة فى مصر واشتريت من كارفور شاشة بلازما 51 بوصة ب 4 الاف جنيه ولما روحت البيت لقيتها مكسورة رجعت لكارفور تانى رفضو يغيروها (رجعت بعد ساعة الا ربع لانى ساكن جنبهم اساسا) كتبت رقم تليفونى على الفاتورة ورميتها فى وشهم وقلت لهم لما يجي لكم مزاج تغيروها اتصلوا على ولو موش هتغيروها هاخد حقى منكم يوم القيامة الحقوق موش بتضيع عند ربنا واستعوضت ربنا فى الفلوس
تانى يوم اتصلوا على وقالوا تعالى يا افندم خد شاشة جديدة واحنا اسفين والحمد لله رب العالمين من توكل عليه فهو حسبه
انصحك تشيل من نفسك الرغبة فى الانتقام ده شئ موش كويس وده من عمل الشيطان
تقبل تحياتى

اقتباس:

---

المشاركة الأصلية كتبت بواسطة a.saad

شكوى للشركة الام
وحل المشكلة واوصل لمكتب رئيس مجلس الادارة
مش شرط تكلمه ممكن سكرتيرته

---

انا فعلا كلمت السكرتير امبارح والراجل قالى انا حتصرف و عشر دقائق و اكلمك و طبعا مكلمش لغاية دلوقتى بس انا بعت شكوى مكتوبة الى رئيس مجلس الادارة
بس واضح انهم شركو زبالة و مش حيعملوا حاجة

أسوا معاملة وكيل شركة مصر الالكترونيات

أسوا ضمان وكيل شركة مصر الالكترونيات

أسوا خدمة عملاء وكيل شركة مصر الالكترونيات

أسوا بنى ادمين للرد على العملاء وكيل شركة مصر الالكترونيات

تحذير من التعامل مع أقذر وكيل و أقذر موظفين

حسبي الله و نعم الوكيل فيهم

اقتباس:

---

المشاركة الأصلية كتبت بواسطة mahmoudselim

انا بعمل مشروع sap في وايت ويل الايام دي. وعرفت 90% من اسرار شغلهم بحكم شغلي. وقبلها كنت في يونيفرسل. سيبك انت الصين هي اللي مشغلة العالم دي!!

---

هو حضرتك شغال فى مشروع ساب المحاسبى .... وهل هو مطلوب فعلا فى الشركات لانى فعلا شغال عليه فى شركتى بس مش عارف شركات ايه ال شغاله عليه فى مصر

عليك وعلي جهاز حمايه المستهلك

اقتباس:

---

المشاركة الأصلية كتبت بواسطة احمد المصرى

هو حضرتك شغال فى مشروع ساب المحاسبى .... وهل هو مطلوب فعلا فى الشركات لانى فعلا شغال عليه فى شركتى بس مش عارف شركات ايه ال شغاله عليه فى مصر

---

ال sap مش محاسبة بس دا لكل مجالات واقسام الشركات من محاسبة لانتاج لمبيعات ل hr ل تحطيط ل خدمة عملاء لمالية ....الخ وانا متخصص في موديول sd اختصار ل sales and distribution .
وقصد حضرتك بأية بالشركات اللي شغالة علية, هل تقصد الشركات اللي بتقدم السيستم دا وبتبيعة ولا قصد حضرتك الشركات اللي شغالة علي السيستم دا ؟

جم زى الكلاب غيروا الادراج النهاردة
بس انا برضة لسة دمى محروق من الحيوان اللى اتخانقت معاة اعمل اية افيدونى

اقتباس:

---

المشاركة الأصلية كتبت بواسطة mahmoudselim

ال sap مش محاسبة بس دا لكل مجالات واقسام الشركات من محاسبة لانتاج لمبيعات ل hr ل تحطيط ل خدمة عملاء لمالية ....الخ وانا متخصص في موديول sd اختصار ل sales and distribution .
وقصد حضرتك بأية بالشركات اللي شغالة علية, هل تقصد الشركات اللي بتقدم السيستم دا وبتبيعة ولا قصد حضرتك الشركات اللي شغالة علي السيستم دا ؟

---

انا فعلا شغال حاليا على برنامج الساب وفعلا برنامج ممتاز انا اقصد الشركات ال شغاله على السيستم دا هل مطلوب فى مصر ولا قليل


وشكرا جدا لمجهودك

اقتباس:

---

المشاركة الأصلية كتبت بواسطة احمد المصرى

انا فعلا شغال حاليا على برنامج الساب وفعلا برنامج ممتاز انا اقصد الشركات ال شغاله على السيستم دا هل مطلوب فى مصر ولا قليل


وشكرا جدا لمجهودك

---

مطلوب جدا جدا واكبر الشركات في مصر شغالة بية حاليا, زي شركة العريش للاسمنت التابعة للجيش المصري وكان ليا الشرف اني كنت جزء من المشروع دا, شركة يونفيرسل وعامرجروب والسلاب وufi ووايت ويل ومنصور شيفروليه وشركة امون للادوية وكاما للحديد والصلب ودي كلها مشاريع شركتنا قامت بيها وفيها غيرها كتير جدا سواء كان داخل مصر او خارجها تقدر تقول كل الشركاات والمصانع الكبيرة بتشتغل علي sap وحاليا في اكتر من مشروع بنشتغل فية سواء كان في السعودية او الامارات السودان وقطر وليبيا وغيرهم برضوا. Sap رقم واحد في العالم دلوقتي ياباشا. واي خدمة انا مش هتأخر عنك ان شاء الله. دا السايت بتاع الشركة هيفيدك جدا ان شاء الله لو انت مهتم تعرف اكتر http://www.cic.ae/

اقتباس:

---

المشاركة الأصلية كتبت بواسطة ashraf122

جم زى الكلاب غيروا الادراج النهاردة
بس انا برضة لسة دمى محروق من الحيوان اللى اتخانقت معاة اعمل اية افيدونى

---

فينكم يا جماعة اعمل اية مع الحيوان دة

اقتباس:

---

المشاركة الأصلية كتبت بواسطة mahmoudselim

مطلوب جدا جدا واكبر الشركات في مصر شغالة بية حاليا, زي شركة العريش للاسمنت التابعة للجيش المصري وكان ليا الشرف اني كنت جزء من المشروع دا, شركة يونفيرسل وعامرجروب والسلاب وufi ووايت ويل ومنصور شيفروليه وشركة امون للادوية وكاما للحديد والصلب ودي كلها مشاريع شركتنا قامت بيها وفيها غيرها كتير جدا سواء كان داخل مصر او خارجها تقدر تقول كل الشركاات والمصانع الكبيرة بتشتغل علي sap وحاليا في اكتر من مشروع بنشتغل فية سواء كان في السعودية او الامارات السودان وقطر وليبيا وغيرهم برضوا. Sap رقم واحد في العالم دلوقتي ياباشا. واي خدمة انا مش هتأخر عنك ان شاء الله. دا السايت بتاع الشركة هيفيدك جدا ان شاء الله لو انت مهتم تعرف اكتر CIC

---

جزاك الله كل خير يا باشا انا فعلا شغال بالساب من سنوات بس ارفت من احوال شركتى وبفكر ابحث عن شركه اخرى وعايز شركه شغاله بالساب لانى شغال بيه فعلا واكيد هيكون ليا الاولويه والله اعلم


جزاك الله كل خير

اقتباس:

---

المشاركة الأصلية كتبت بواسطة احمد المصرى

جزاك الله كل خير يا باشا انا فعلا شغال بالساب من سنوات بس ارفت من احوال شركتى وبفكر ابحث عن شركه اخرى وعايز شركه شغاله بالساب لانى شغال بيه فعلا واكيد هيكون ليا الاولويه والله اعلم


جزاك الله كل خير

---

ولا يهمك ياباشا الشركة تعتبر بتاعتي (عمي). انوي انت بس وسيب الباقي علي الله ثم عليا ان شاء الله

منتجات سيئة ...عنجى سخان غاز و مش راضى عن ادائه و منصحش حد بالماركة دى

كان فى موقف مشابه لاحد الاعضاء مش فاكر اسم الشركه
وحماية المستهلك جابله حقه وهو زى الباشا

اقتباس:

---

المشاركة الأصلية كتبت بواسطة ramyhekal

كان فى موقف مشابه لاحد الاعضاء مش فاكر اسم الشركه
وحماية المستهلك جابله حقه وهو زى الباشا

---

العبد لله . :-)

اقتباس:

---

المشاركة الأصلية كتبت بواسطة ashraf122

فينكم يا جماعة اعمل اية مع الحيوان دة

---

كلمه في التليفون

قوله شركتك جت غيرت الادراج

و قوله ابقي خليك محترم مع العملاء عشان الفلوس اللي بندفعها هيه اللي فاتحه بيتك . و متقولش أي ألفاظ خارجه خالص و خليك بارد .

للأسف توكيل وايت ويل ده ضايع و لسه كان ليا تجربة مشابهة ... اشتريت من كارفور ديب فريزر وايت ويل من 10 أيام .. للأسف رميت كارتونة الجهاز أول لما جبته متوقعاً إنه يشتغل عادي .. جيت أشغله تاني يوم لقيته مش بيجمد و اتصلت بالتوكيل و جالي فعلاً المندوب بعدها بيومين و قاللي فيه عيب تصنيع و ممكن نبعتلك عربية الشركة تصلح العيب خلال يومين أو 3 أيام بالكتير و ترجعه لحد البيت. بسبب إني رميت كارتونة الجهاز و صعوبة إعادته لكارفور وافقت .. فضلت أسبوع مستني و لا حد جالي و كل يوم أكلمهم يقولولي خلال 48 ساعة حنكون حلينا المشكلة يا فندم.

آخر ما زهقت طلبت منهم مندوب تاني يجيلي علشان يكتبلي تقرير باللي في الجهاز و أروح كارفور بالجهاز و أوريهم التقرير يغيرولي الجهاز قبل ما 14 يوم يعدوا علي الجهاز و كارفور ما يرضاش يرجع الجهاز، و كنت أنوي لو وافقوا أديهم كارتونة الجهاز الجديد بدل القديم. بقالي كذا يوم بأكلم خدمة عملاء وايت ويل و يقولولي المندوب جاي و ولا حد بييجي .. و مش عارف أعمل إيه .. و فاضل 3 أيام و مدة الـ14 يوم تنتهي.

احذروا فعلاً من شركة مصر للاكترونيات وكيل وايت ويل.

شركه زباله ومقرهم الاساسى كما علمت فى الزقازيق ولهم مكتب صيانه وادارى فى شارع مكرم عبيد.
اشتريت منهم مبرد مياه وهو الحمدلله كورى وجيد وليس به مشكله ولكن بعد الشراء بيوم وجدت ان شهاده الضمان مجرد ورقه فى منتصف الكتالوج وليس بها مسلسل او ختم واتصلت بهم اريد اثبات بدايه التشغيل لان الجهاز ايضا ليس عليه سيريل نمبر ساومونى ان ادفع 40 جنيها من اجل الختم فاتصلت بحهاز حمايه المستهلك فارسلوا لى الفنى الى المنزل وتم ختم الضمان