بنزين ني موتور m40

**ashourashour** · 16-02-2013 07:06 PM

رجاله بي ام

موتور m40 مش مسجل اي اكواد و حساس حراره الميه قرايته كويسه

المشكله ان العربيه فيها ريحه بنزين ني جامده اوي و خاصه فى الصالون من جوه !!!

دا ممكن يكون اه ؟ لو الموضوع دا شائع او بيتكرر كتير ؟؟؟

ملحوظه مفيش حساس اكسجين راكب ؟؟ العربيه دي بتنزل بحساس اكسجين اصلا ؟؟؟

ارجو الافاده و شكرا مقدما

**AlGazar2** · 16-02-2013 07:46 PM

ممكن يكون من طلمبه البنزين طالما الريحه جوه الصالون او من الخراطيم بتاعه البنزين - فك الكنبه الخلفيه لو التانك تحتها و شوف جوان الطلمبه

**ashourashour** · 16-02-2013 08:04 PM

المشاركة الأصلية كتبت بواسطة AlGazar2

ممكن يكون من طلمبه البنزين طالما الريحه جوه الصالون او من الخراطيم بتاعه البنزين - فك الكنبه الخلفيه لو التانك تحتها و شوف جوان الطلمبه

شكرا بس هي مش ريحه بنزين متحرقش .. لا دا too rich mixture

**sheko_2000eg** · 17-02-2013 04:45 PM

بلوف
او رشاشات
الريحة بتدخل جوة الصالون يباه في تسريب من الشكمان

**holomvw** · 18-02-2013 01:19 AM

السلام عليكم.انا كان معايا m40 318 mo 1989 وكان فى ريحه عادم داخل الصالون.الميكانيكيه قالو اما كاوتش الشنطه غير محكم او الافوميتر مش مظبوط وهذا وارد فى حالات.الحل اللآخر وهو ان كاوتشه الفتيس تكون غير محكمه. وده غالبا يكون فى العربيات اللى كانت اصلا اوتوماتيك وتم تغيير الفتيس لمانيوال.وده بسبب ان الفتحه اللى بتكون فى العربيات الاوتوماتيك بتبقى اكبر من اللى فى المانيوال .العيب لو من السبب الاخير هتلاقى انك لو فكيت الجلد اللي تحت عصايه الفتيس هتلاقى ان فى فراغ ممكن تشوف منه الاسفلت اللى تحت العربيه. فى الحاله دى حاول تقفل الفرق ده . وان شاءالله مش هتشم الريحه دى تانى.

**profzizo** · 18-02-2013 04:54 PM

المشاركة الأصلية كتبت بواسطة ashourashour

موتور m40
ملحوظه مفيش حساس اكسجين راكب ؟؟ العربيه دي بتنزل بحساس اكسجين اصلا ؟؟؟
ارجو الافاده و شكرا مقدما

أنا كمان على فكرة معايا E36 1993 M40 ومش موجود فيها (Oxygen Sensor) ومش عارف هل هو ملغى من المالك اللى قبلى ولا هى بتنزل كدة ستوك؟
ياريت لو حد يقدر يدلنا على الخلاصة..... متابع