سمعت والله أعلم إن من الأخطاء الشديدة إن الإنسان يطفي العربية مباشرة بعد مشوار طويل، وإن ده بيأثر على عمر الموتور، فهل الكلام ده صحيح، وإن كان صحيح فيا ترى إيه هي المدة الكفاية بعد المشوار لإطفاء العربية؟
عرض للطباعة
سمعت والله أعلم إن من الأخطاء الشديدة إن الإنسان يطفي العربية مباشرة بعد مشوار طويل، وإن ده بيأثر على عمر الموتور، فهل الكلام ده صحيح، وإن كان صحيح فيا ترى إيه هي المدة الكفاية بعد المشوار لإطفاء العربية؟
لو بتستعمل زيت تخليقى يبقى مفيش مشكلة
لو بتستعمل زيت معدنى يبقى اصبر على العربية دقيقة فى السلانسية وللا حاجة لو انت كنت قارص لعى العربية و ممرمطها حرق و كدة
غير كدة تعامل عادى
MMamdouh
الموضوع دة فى العربيات الديزل بس
ايوة هوة معروف من زمان انة في العربيات الديزل علشان وش السلندر بتاعها مايفقعش
بس ناس كتير برضة بتنصح ان لو حارق جامد عالعربية قرص و شد ماتطفيهاش مرة واحدة بعدها
سيبها دقيقتين سيلانسية و بعدين اطفيها
لية؟؟
علشان وش السلندر و بالذات الصبابات بتبقى سخنة جدا
و لو طفيتها الزيت حاينزل تحت و الصبابات حاتفضل حرارتها ترتفع
يبقى تسيب العربية دايرة دقيقتين علشان الزيت يفضل يطلع لوش السلندر و الصبابات لغاية مايفقدوا شوية حرارة و يرجعوا لحرارة التشغيل الطبيعية (المعتادة) بتاعتهم سواء كان زيت معدني او تخليقي
الزيوت التخليقية مبحصلش فيها عملية cocking و بالتالى لا خطورة على الزيت من اطفاء محرك العربية و هى ساخنة... عشان كدة دايما ينصح باستخدام زيوت تخليقية فى العربيات التربو عشان تلافى هذه المشكلة
MMamdouh
ممكن توضيح يا محمد لكلامك ده , تقصد ايه بالـ Cooking ,
و كمان أدهم بيقول ان الصبابات بتبقى سخنة و ترك العربية علشان الزيت يقلل من سخونية الصبابات ,
و لو الكلام ده صحيح يبقى لازم العربية تتساب شوية سواء كان مستخدم زيت تخليقى أو معدني علشان يقوم بنفس المهمة ,
cooking
دة بيطلق على عملية احتراق الزيت و تحولة الى رواسب سوداء... شوفت طاسة قلية عند واحد بتاع فول و طعمية و اتفرجت على الرواسب السودة اللى عليها؟؟
دى بتبقى نتيجة احتراق الزيت و نفس القصة بتحصل لما الزيت فى العربية يبقى ملامس لجسم شديد السخونة بس دة مبيحصلش الا فى حالتين
اما انت مركب تربو و بعد ما كنت قارص عل ىالعربية وقفت مرة واحدة و بطلت
و اما الزيت اصلا كان ناقص و بداء يحصل احتكاك معدنى و دة ادى الى رفع درجة حرارة الموتور بشدة و الزيت اتحرق... طبعا ساعتها بيكون الموتور توفى
موضوع الصبابات السخنة و القصص دى مش صح
MMamdouh
في نقطة أخري و هو مايسمي بالطاقة الكامنة
أثناء استخدام المحرك لفترة طويلة تختزن جزء من الطاقة داخل أجزاء الموتور المتعرضة للحرارة العالية و عند توقفه تظهر علي هيئة تزايد في درجة الحرارة
قد يؤدي لتشوه في وش السلندر (يقفع)
هذه الظاهرة أعلي في محركات الديزل و لكنها موجودة بنسبة أقل في محركات البنزين
و يفضل ترك السيارة دائرة للحفاظ علي دورة التبريد لامتصاص الحرارة الكامنة بعد انبعاثها
المسافات الطويلة مثلا 200كم علي سرعه أعلي من 100
يا جماعة والله الواحد استفاد من الكلام الجميل ده والمفيد وبارك الله فيك محمد بيه ممدوح
السلام عليكم و رحمة الله و بركاتة ,
ممكن نعرف انواع الزيوت التخليقية الموجودة فى مصر .
هو فعلا الكلام ده صحيح في المحركات الديزل خاصة ذات القدرات العالية للحفاظ علي الزيت و أجزاء المحرك من التعرض للاجهاد نتيجة التغيرات المفاجئة في درجات الحرارة , لذا يظل المحرك دائرا بدون حمل حتي تنخفض درجات الحرارة (مياه - زيت - عادم)
لكن لو طبقنا هذا الكلام علي محركات البنزين اللي عندنا في السيارات فلا مانع لأنه لن يسبب مشكلة للمحرك و أيضا أذا لم نطبقه لن يسبب ضرر و لكني أفضل الاجراء الاول و هو أن أترك المحرك علي السلانسيه فترة حتي يهدي و هذا الكلام بعد العودة من مشوار سفر طويل و بسرعة عالية كوسيلة للحفاظ علي المحرك و حمايته من التعرض للتغيرات المفاجئة في درجات الحرارة
انا بميل اكتر لتخفيف الضغط عن الموتور قبل ما اوصل لمكان ما حقف ب 200 الى 300 متر
الميزة فى كدة انكمبتحرقش بنزين على الفاضى و انت واقف سلانسية لهد ما المكنة تهدى و كمان تيار الهوا و انت ماشى بيساعد الرادياتير فى تبريد المية اللى جواة بدل الاعتماد على المراوح فقط
MMamdouh
شكرا علي المعلومة الواحد دايما بيستفاد من مشاركاتك وسؤال كمان لو في حرق وجري مسافة سفر 100 كيلو مثلا او اكتر ونظام السواقة فوق ال120 هل من الجيد اثناء الجري اهدي شوية علي الموتور اخليها تريح لحد 80 (تاخد نفسها) كام دقيقه واكمل تاني ولا زي منا عادي مفيش مشكلة
وشكرا لصاحب الموضوع علي طرح السؤال للإفادة
ياااااااااااه معلومة جامدة جداً الف شكر يا اساتذة
تخفيف الضغط علي الموتور زي ما كنت بسأل للسبب دة هو دة نظام سواقتي عموما في اي سفر بحب اهدي كل فترة لحد 80 90 بضغط خفيف علي البنزين لثبات السرعه بهدوء علي الموتور
يعني وانا مسافر امشي شوية 120 وشويه90 او 80 كده احسن للموتور من اني افضل ماشي على 120-150 على طول
فعلا انا بسافر من المنصورة لشرم الشيخ عموما بكون علي سرعة 100 - 110 بس بين الحين والأخر بزهق وبطق فبقرص لحد 150 او 160 لمدة دقيقتين او ثلاثة وبعدين ارجع تاني ل 100 وقبل التوقف بمور الفتيس و اترك السيارة مندفعة لمسافة 500 متر او اكثر ولما بقف بسيبها دقيقتين علي السلانسية لان الحرارة قاتلة في الطرق الصحراويية