الموضوع: اريد سعر كورولا ٢٠١٣ الهاي لاين للاهميه ؟

المشاركة الأصلية كتبت بواسطة mashaly

انا كنت عايش في السعودية فترة كبيرة التويوتا مكتسحة وفي الخليج عامة وفي السودان نفس الوضع التيوتا ومن بعدها الامريكي او الكوري وفي السنين الاخيرة بدأ الامريكي في الانقراض في الخليج مش معقولة كل الدول دي مش بتفهم سعادتك او عقليات معينة ومعاهم فلوس يجيبوا الالماني الرخيص هناك بالنسبة للمستعمل ونفس الوضع زي هنا اي حد معاه عربيه الماني بيقعد يدلل عليها عشان يبعها دا اولا ثانيا مين قلك ان الكورولا مفهاش سمارت كي واستارت انجن وحساس مطر و9 اريرباج مراة الصلون بها خاصية التعتيم طارة متعددة الوظائف وبها تحكم في اربع اتجهات مفتاح لفصل الارباج مسند اليد متحرك والكنبه الخلفيه قابلة للطي جنط 16 عداد رحلات ومثبت سرعة ورشاش ماء للانوار الاماميه كل دا ومفهاش تكنولوجيا ايه اللي ناقص تاني ضروري للمستخدم ورغم كل ذلك ولا توجد مشاكل متكرره او معقده واعتماديه
* لي قريب في القاهره معاه bmw الفئة الثالثة وكل مااسئله عليها غير كذا مرة كوعه تقريبا بتاعت دورة التبريد كل شويا تضرب بسبب السخونة غير ان كل شويا في حاجة بتظهر برغم انه بيتحرك بيها في اضيق الحدود واحساسي بيه من كلامه انه مش راضي كل الرضى عنها بالرغم انه مابيسبش حاجه في العربيه الا وغيرها من النوع اللي عنده وسواس ومع موضوع البنزين والكروت الجديده بيفكر انه يبيع دا غير لما كنت فالسعوديه مفيش حد اعرفه جاب عربيه الماني الا انه بعد فتره بيغيرها لياباني كل دا وعقليات معينه سبحان الله ممكن
وعلى فكره اسعار قطع الغيار دا غالي هنا بس عشان النصابين تيوتا اسعارها عاديه فالخليج هوندا فقط هي الغاليه اسعار قطع غير الكورولا فمصر نفس اسعار قطع غيار البي ام وفي الجديد في حجات اغلى كمان بالنسبة للفئة الثالثه 2003
واخيرا زي ماانت بتقول عقليات معينه انا هرد عليك رد ارقى من ردك
هي مش عقليات معينه هي ناس بتشوف قدامها تجارب الاخرين وتحكم عند الاختيار دا غير الارتياح النفسي يعني انا مثلا اكره الصناعات الالمانيه في السيارات فقط وبعشق الياباني ومن بعده الكوري واتمنى اني اكون وضحت لحضرتك

الكرولا اللى سيادتك بتتكلم عليها دى الجنوب افريقى اللى وقف انتاجها وفشلت بسبب عيب صناعه لكن اللى فى السوق حالياً فاضيه زى الاكسنت الكامله كده وفين فى السعوديه الكلام ده؟؟ انا كنت من سنه هناك والكامرى كانت ب75 الف ريال والكامله ب95 والبى ام الفئه الخامسه كانت ب230 الف ريال عرفت ليه تيوتا منتشره عن الالمانى؟؟ والكرولا والياريس بيشتريها الموظفين والشباب الصغير لرخص تمنها مش لكفائتها وارخص المانى من اى فئه يابانى سعرو اغلى 40% على الاقل واى عربيه بتعطل بسبب اهمال صيانه والالمانى لازم صيانه بمواعيدها بسبب التكنولوجيا اللى سيادتك بتستمتع بيها وبتستغلها لكن الكرولا زيرو تكنولوجيا وهتعطل برضو لو معملتش صيانات معينه فكر الفيرنا وال128 بتاع بتمشى منغير صيانات ده مش علمى ولا عملى والامريكانى فى السعوديه قطع غيارو ارخص من اليابانى الموضوع مفيش فى استغلال تجار ولا حاجه والموضوع يتلخص انت سعيد بالكرولا براحتك بس هى بتتباع بسعر ملوش علاقه بقيمتها وانسى الالمانى طيب ماذدا وهوندا ودايهتسو دول يابانى برضو كلهم اعلى من كرولا المصرى والسعر يا مقارب يا ارخص وقارن السيفك وماذدا 3 بكرولا وسريون بالياريس وجربهم وشوف الخاكات الداخليه والامان والتكنولوجيا وقرر انا جربتهم كلهم لكن تتكلم منغير ما تجربهم وتبنى رأى على عربيه ده كلام مش منطقى والله المستعان

المشاركة الأصلية كتبت بواسطة mashaly

انا مش بتكلم على الزيرو انا بتكلم على سعرهم مستعمل وذكرت دا في الرد انا مولود وعشت في جده حي الرويس وحي الحمرا 18 سنة ولو قلتلك على العربيات اللي جربتها غير اللي امتلكتهاانا او امتلكها والدي عايز موضوع لوحده عشان احكي طول ماانت مرتاح في الالماني محدش هيغصبك تركب ياباني بس بلاش تبخس في عربيات ليها تاريخها ومبيعاتها تشهد عليها على مستوى العالم مش في الخليج او مصر دا حتى حرام عندنا في الدين
وامتلاك مش سواقه بس اكيد كنت بتابع صيانتهم سواء توكيل تويوتا مثلا اللي في طريق المدينة
او عند اي مكانيكي
هقولك على كام نوع بس
كرسيدا 80و84و86و94
كورولا2006
سيفك 98
مازدا 929 _93
بيجو504
فورد اكسيبديشن 2000
دودج
دا جزء بس ماكنش في داعي لكل الشرح[gdwl] دا لو حضرتك قلت كلمة طيبه من الاول[/gdwl] وكل واحد حر في اختياره هو المسئول الاول والاخير مفيش حد واصي على حد احنا بنحكي تجاربنا وبس وربنا يصلح حالنا ويصلح حال ديمقراطيتنا
لما [gdwl]عربيه تيجي تبعها بعد سنة وسعرها ينزل النص وعربية تانيه تفضل متمسكه بسعرها لسنين[/gdwl] دا مش جي من الفراغ دا جي من عدم ثقة وعدم اعتمادية وعوامل كتير

كلمه طيبه فى ايه؟؟؟ انت منحاز لشئ معين ودى مشكلتك اسم عريق لكرولا ده اللى بيبيعو بس ده كلو فملوش علاقه بكلامى شوف الكرولا الجنوب افريقى اللى فشلت فى مصر وكم قضايا حماية المستهلك والعربيات المرميه عند الميكانيكيه بيحاولو يشوفو لها اى حل ودى عربيه مفيش فيها نوع من انواع الاعتماديه والموديلات اللى حضرتك كاتبها مش فاهم ايه علاقتها بكلامى انا كلامى واضح [gdwl]رقم 175 الف جنيه يجيب ايه؟؟؟[/gdwl] فورد سيفك ماذدا 3 فورد فوكس اوبل استرا ايلانترا الجديده وكل دول افضل من الكرولا والموضوع مش اسم الموضوع كماليات وسلامه وتكنولوجيا وواى عربيه مبتنزلش النص تقريباً؟؟ خش على كونتكت كارز وانزل السوق هتلاقى كل العربيات نزلت بنفس النسبه موضوع تمسك سعر والكلام ده مش موجود ومره تانيه انزل المصريه هتلاقى عندهم كل العربيات اركبهم كلهم مبدأياً وشوف الفرق والكماليات مع السعر بعد كده لو فى فرصه للتجربه مستحيل هتشترى الكرولا احتمال تيوتا فى مصر تحترم الناس وتنزل عربيه ترضى الجميع زى ال1800 اللى بتنزل فى السعوديه وانت عارف ان دى حتى فى السعوديه هي اللى كامله ال1600 بتنزل اقل كمان من المصرى وكده لو فى مقارنه تكون عادله

المشاركة الأصلية كتبت بواسطة mashaly

بالك طويل ماشاء الله عليك يااستاذي الفاضل انا بتكلم على سعرها مستعمل في السعودية ادخل على مواقع بيع سعوديه وشوف اسعار الالماني مستعمل بكام وحتى في مصر بس مش لدرجة النص قارن بين اسعار العربيات اللي ذكرتها بدون الالنترا بعد سنه سعرهم كام وسعر الكورلا هيبقى بكام
بعدين انت بتقولي حدد [gdwl]الاعطار[/gdwl] وانت ماشاء الله عليك خليت تلات موديلات 2008 و9و10 نرميه في الزبالة وكلهم اعطال عشان سمعت كلام من الناس من غير متابعه او تجربه فعليه الجنوب افريقي افضل من الخليجي الفقيروواخد سمعه كويسه بس اولا و الخلل الفني كان في الفتيس الmmt في 2008و2009 بس ومع ذلك سعرها في المستعمل ماسك نفسه اما موديل 2010 فتيس اوتو عادي والعربية مفهاش اي عيوب تذكر والحمدلله سعرها زاد بعد ماجبتها واكتر عربية من اللي امتلكتهم او جربتهم ارتحت فيها
صحابي كان معاه جيتا 2008 كاملة بفتحت سقف اسعار قطع غيارها برضه اقل من الكورلا وفي كذا صناعة لقطع الغير غير الالماني الاصلى ووقت ماكان عايز يبعها كان بيتحايل عليا عشان اشتريها وسعرها كان اقل ب25الف من عربيتي ومرضتش برضه لان العملية زي ماقلتلك ارتياح نفسي وتجارب انا عشتها مع معظم انواع السيارات مش بتكلم وبس
كلمة طيبه انك تقول 175 الف ليه امال عايز في بلد كل اصحاب التوكيلات حرامية وقانون جمارك كان حاطينه حراميه تكون بكام
لما اول فئة في الكروز ب146 ولاالنترا اول فئة بكام وعشرين مثلا عايز اعلى فئة في الكورولا تكون ببلاش انا مش متحيز لنوع عربية معين لان الانسان هو اللي بيدي قيمة للحاجه اللي بيملكها مش العكس
مرة تاني بقولك انا كلامي مجرد نصيحة لناس مش فرض عليهم اقولهم روحوا اركبوا يباني او كوري انا بقولهم شفوا موديل سنة معينة في الكوري وفي الياباني وفي الالماني وبعد سنتين شوف من اصحاب العربيات دي صرفوا قد ايه على العربية ولما يجيوا يعرضوا للبيع شوف مين اكتر واحد هيكون خسران عشان الناس تستفيد مش تشتري زيروا بالاف وجابت الفلوس بعد تعب وبعد كدا يخسر دم قلبه عشان العربية صناعتها الماني ناس كتير بعد مابتشتري عربية زيروا بتحصلهم ظروف وبيطر يبيع وبسرعة بعد كام شهر ايه ذنبه يخسر مبلغ كبير وكان قدامه يخسر كام الف بس عشان سمع لكلام واحد بس ماسمعش من دا ودا واستخار ربنا وبعدين اتوكل احنا طرقنا مش الطرق المفتوحة قوي عشان كلنا نركب ياباني والماني طرقنا وسلوكنا والحجات الغريبة اللي بنقابلها في الطريق مايستهلوش اساسا عربية زيرو كل واحد لازم يحدد احتياجه من العربية مش يجيب عربية عشان يتفشخر بيها وهوا مش محتاج لاي حاجه من اللي فيها وبعد كدا يقعد يندب حظه ويسب للعربيات وللي راكبينها وكل الخلاف اللي احنا فيه دا بسبب الحراميه برضوا لان احنا بنشتري العربيات بضعف سعرها لو كانت بسعرها الحقيقي وسعر قطع الغير نفس الموضوع مكناش من الاساس قعدنا نقول 175 ولا يحزنون والسعر يفرق في كل حاجه عشان احنا في بلد نسبة الاغنياء لاتتعدى 10% فلازم الواحد يكون دقيق في كلامه مش متحيز عشان محدش يدعي عليه في يوم من الايام
وبالنسبة للاوبل صحبي اللي كان معاه الجيتا كان قبلها معاه اوبل 2001 اوتوصرف عليها خلال تلات سنين 20الف وكان جايبها ب68تقريبا ولما بعاها بالضالين باعاها ب55 جابتله 10الاف دخل من الايجار لناس معينه مش اي حد ومعملش بيها حادثة جامده زي بتاعتي كلها خبطات خفيفة بس رشها كلها
نفس المده تقريبا انا جبت نوبيرا 2003 صرفت عليها اقل من 10الاف وعملت بيها حادثة رشة الرفرفين وغيرت الكبوت واستعدلت الصدر كنت جايبها فبريكه ب51ونص اجرتها لشركه اول ماجبتها ب4ونص دا غير اكتر من خمس الاف من الايجار وبعتها لواحد حبيبي بتاع دكو عربيات ب46 وجاله كذا زبون ب49 ومش راضي يبيع
خلاصة التجربة دي لو واحد عادي عربيته ليه بس كان هيحصل معاه نفس الموضوع يجيب عربية في حدود 70 وبعد تلات سنين خسر فيها 15 الف من تمنها بس غير اللي اتصرف عليها قول في حدود 15الف مجموعهم 30الف يقلوا حاجه بسيطه عشان بيحب الالماني في المقابل الكوري بعد تلات سنين وبعد مارشت وهي كانت فبريكه نزلت 2000 بس ومش هيصرف عليها اكتر من 10 لو كل سنة هيعملها صيانه باكتر من تلات الاف لو بيستهلكها لقصى حد بتعب نفسي ليه واكتب كل دا عشان لما حد يقتنع بكلامي يدعيلي بعد كدا مش يدعي عليا واتمنى تكون وجهة نظري وصلت لاني مش هكتب تاني وشكرا

اختصار الموضوع [gdwl]الكرولا اسواء عربيه يابانى فى سعر 170 الف[/gdwl] وموضوع تداخل اسعار المستعمل فى مصر والسعوديه وصاحبك اللى اشترى عربيه مستعمله وقصة النوبيرا ده ملوش علاقه بوجه نظرى سواء يابانى او كورى او المانى الفضل من الكرولا واعتقد هوندا وماذدا من نفس الدوله المصنعه لتيوتا اللى انت استبعتهم من النقاش مش فاهم ليه قارن سعر ماذدا 3 وهوندا سيفك وهيونداى ايلانترا وكرولا مستعمل موديل 2012 وانت تعرف كرولا فى المستعمل ايه وضعها وقارن جميع الكماليات ...