إخوانى الأعزاء
زى ما حضراتكو عارفين انى كنت عاوز اجيب مفتاح النور المجهز بالفوج لايت للفيكترا بى
وبناء على توجيهات طنانى باشا وفادى باشا نزلت الحرفيين عشان اجيبه
وبالفعل جبته من عند هانى العايدى وكان عامل ١٠٠ جنيه وعلى اتفاق انه لو فيه حاجه يلزمه
نيجى بقى للتركيب
روحت الحرفيين وواحد صاحبى كان معايا لانى ماعرفش السكه وماعرفش صنايعيه هناك ... وبالفعل روحنا لكهربائى هناك معرفته
هات يا عم الفوجات بتاعتك
انا كنت شارى فوجات صينى من طنطا بتاعه ٩٧ اسمها ديسو (Deso) وكان شكلها كويس ... وانا عندى العربيه مجهزه ومكان الفوجات موجود فى الاكسدام وراكب عليه طبه ( ده شغل الفبريكه بتاعها ) لان اخوانا فى المنتدى قالوا لازم تفتح فى الاكسدام وده ماحصلش الحمد لله
المهم ان الفوجات الصينى طلع مقاسها مش مظبوط ... فارقه مليمترات ... الكهربائى قاللى يا تروح توسع الفتحات شويه يا اما تجيب الديبو لانها بتكون مظبوطه
روحت سألت على الديبو لقيت سعرهم مفاجئه كبيره جداااا وغير ما كل زمايلنا بيقولو
اول ما سألته قاللى موجودين والاتنين ب ٢٠٠ جنيه !!!!!!
من هنا لهنا جبناهم الاتنين ب ١٨٠ جنيه ديبو اصلى مختوم عليهم ... وقلت ارجع الاتنين الصينى احسن
ركبناهم بفضل الله وكانت التكاليف كالآتى
١٨٠ جنيه جوز فوجات ديبو
١٠٠ جنيه مفتاح النور
٣٠ كت اوت للفوجات
٥٠ جنيه مصنعيه تركيب
ولكن للأسف لما روحت البحيره وجدت ان نور الصالون مش شغال من المفتاح ( شغال مع فتح الباب عادى )
انما لما اشد المفتاح عشان اشغله مش بيشتغل
هل ده عيب فى المفتاح بتاع هانى العايدى ولازم نرجعه ؟؟؟ ولا فيوز خاصه انى لقيت فيوز واقع تحت فى الدواسه تحت علبه الفيوزات ممكن يكون وقع منه وهو بيركب ؟؟
ولا حاجه فى المفتاح ممكن نصلحها ؟؟
تحياتى للجميع