مشكلة فى التكييف السخن نيسان تيدا 2013

**masry2011** · 17-02-2013 09:59 AM

السلام عليكم

عندى مشكلة فى التكييف السخن نيسان تيدا 2013

بكون ظابط المكيف على اقل درجة 17 درجة وفاصل الكمبرسور وعايز اشغل مروحة بس من الهواء الخارجى وبيكون التكييف على manual فالاقى الهيتر اشتغل لوحده وبيطلع هوا سخن !!!!

المشكلة دى بتحصل معايا اكتر والعربية واقفة فى زحمة او بتتحرك وسط البلد بسرعة قليلة مش على السريع

ده عيب برمجة ولا ايه ؟؟

**fouady** · 17-02-2013 10:25 AM

أنا معايا 2012 وبرده بيخنقني جدا الموضوع ده إن الكومبرسر بيشتغل اوتوماتيك أول مابشغل التكيف سواء سخن أو بارد

**masry2011** · 17-02-2013 10:42 AM

المشاركة الأصلية كتبت بواسطة fouady

أنا معايا 2012 وبرده بيخنقني جدا الموضوع ده إن الكومبرسر بيشتغل اوتوماتيك أول مابشغل التكيف سواء سخن أو بارد

انا مش بتكلم عن كدة...السخن بيشتغل عندى لوحده حتى وانا مش عايز اشغله وبيكون ال التكييف على ال manual مش automatic

دى بتحصل معاك ؟؟

**BassamHafez** · 17-02-2013 11:46 AM

بص على درجه الحراره الخارجيه عندك في لوحه العدادات لو اقل من 17 يبقى التكييف ها يسخن جو العربيه عشان يبقى 17 ولما توصل درجه الحراره ل 17 ها يفصل وتلاقي الهوا بقى ساقع

الموضوع مالوش دعوة بانك عامل التكييف على اقل حاجه الموضوع ليه علاقه بدرجه الحرارة الخارجيه

وده في اي عربيه حديثه مش في عربيتك بس

**BassamHafez** · 17-02-2013 03:03 PM

المشاركة الأصلية كتبت بواسطة masry2011

النيسان تيدا مفهاش درجة حرارة خارجية فى لوحة العدادات !!!!!

وبعدين المشكلة دى بتظهر بس والعربية واقفة او ماشية بسرعة صغيرة يبقى ده عيب فى سنسور الحرارة ؟؟؟

معلش انا نسيت ان الميكسيكي ما فيهاش درجه الحرارة الخارجيه

ممكن يكون السبب في حرارة الموتور المروحه بتحبها في حاله الوقوف او السرعه القليله عشان ما فيش تبريد كافي لان حضرتك بتقول ان لما بتمشي بسرعه الدنيا بتظبط

وممكن لو حد معاه تيدا ميكسيكي تاني يفيدك في النقطه دي

**Nashaat Rady** · 17-02-2013 03:17 PM

المشاركة الأصلية كتبت بواسطة masry2011

طيب على كلامك المفروض يبقى العكس مفيش تبريد كافى فى السرعة القليلة يبقى الحرارة الخارجية هتبقى عالية واعلى من الحرارة اللى انا ظابطها وطالبها يبقى المفروض الهيتر يقف مش يشتغل فى الحالة دى ولا الهوا السخن ده جاى من حرارة الموتور نفسه !!!!!

أنا عندي نفس السيارة

انت في الغالب معندكشي مشكلة ان شاء الله... بس أنا عايز أسالك سوئالين للتاكيد...

حضرتك بتبقي مشغل تكييف ولا مروحة فقط؟؟

الهواء متجدد من الخارج ولا cycle جوه السيارة و لا الزرارين مطفيين؟؟؟

**BassamHafez** · 17-02-2013 03:59 PM

المشاركة الأصلية كتبت بواسطة masry2011

طيب على كلامك المفروض يبقى العكس مفيش تبريد كافى فى السرعة القليلة يبقى الحرارة الخارجية هتبقى عالية واعلى من الحرارة اللى انا ظابطها وطالبها يبقى المفروض الهيتر يقف مش يشتغل فى الحالة دى ولا الهوا السخن ده جاى من حرارة الموتور نفسه !!!!!

بالظبط انا قصدي ان الحرارة جايه من حراره الموتور نفسه

الموضوع: مشكلة فى التكييف السخن نيسان تيدا 2013

LinkBack

أدوات الموضوع

عرض

-

-

-

المواضيع المتشابهه

مشكلة فى نور الشبورة نيسان تيدا 2013

فى حد لغى السخن من التكييف

هواية التكييف في التابلوه (إتكسرت) نيسان تيدا

مشكلة فى مؤشر البنرين نيسان تيدا 2006

السخن بتاع التكييف

الكلمات الدلالية لهذا الموضوع

المفضلات

المفضلات

ضوابط المشاركة