الموضوع: استشارة فى شقة فى العبور

المشاركة الأصلية كتبت بواسطة mastr_n

بعد أزن صاحب الموضوع ياريت حضرتك تقولى اسعار التجمع الثالث عامل اية دلوقتى واية النظام لو اشتريت حاجة استسمار يعنى الاسعار دلوقتى غليت ولا لسة وياريت لو فى شركات محترمة عاملة مشاريع هناك وانظمة التقسيط اية مشكور

بالنسبة للتجمع الثالث عندك مساحتين

70 متر: حجرتين و صالة و دى بتبدأ من 130 كاش و انتا طالع حسب الموقع بتاع الشقة و قسط شهرى 70 جنيه لمدة معينة مش بتزيد عن 20 سنة و دى بتسأل عنها فى الجهاز

100 متر: حجرتين و صالة و دى بتبدأ من 230 كاش و انتا طالع حسب الموقع بتاع الشقة و قسط شهرى مش عارفه بالظبط لكن مش هيفرق كتير عن ال 70 متر

يعنى فى المتوسط المتر عامل 2000 جنيه ممكن يزيد حاجة بسيطة حسب الموقع بتاع الشقة.

على فكرة المساحات اللى انا بقولها دى "الصافى" بتاع الشقة يعنى مش هتلاقى الشقة فى الاخر ال 70 متر صفت على 50 زى الشركات الاستثمارية لكن على العكس علشان دا شغل حكومة فالمساحة "صااافى" و مستغلة كويس جوا الشقة.

بالنسبة لفرصة الاستثمار فأنا عايز اقولك ان الاسعار فى التجمع عمالة تولع كل شوية
لكن لو فكرت فى الاستثمار يبقى مش تفكر فى البيع قبل 10 سنين علشان تلاقى السعر فرق فعلا

بالنسبة للشركات ممكن تنزل التجمع فى اى يوم هتلاقى شركات العقارات مفيش اكتر منها و تسأل فى اكتر من مكان و لو استقريت على شقة تروح تسأل على ورقها فى الجهاز طبعا.

و بالتوفيق

المشاركة الأصلية كتبت بواسطة walidzakzok

مع احترامي للفلاحين والصنايعية ....ف العبور مليانة من الطايفة دي بس اللي معاهم فلوس(بعضهم محدث نعمة) بنوا وسكنوا فى العبور لانها قريبة من القليوبية والشرقية وتخيل الناس دي هاتتعامل معاك ازاي فى الشارع وفي البيع والشراء والفاظهم السوقية النقطة التانية موقف العاشر مبوظ الطريق للعبور لانه يعتبر الطريق الوحيد ليها مع القاهرة يا اما هاتخش تخرم من السلام والنهضة
نقطة اخيرة ان العبور فيها منطقة صناعية بعكس الشروق والتجمع ودة ليه عيوب كتير

بصراحة أنا ما أعرفش الهجوم على العبور ده مش منطقى
أولا كل المدن الجديدة تقريبا بها مناطق صناعية ( أكتوبر - التجمع - العبور )
ثانيا يوجد عدد ثلاث مداخل ومخارج من العبور / القاهرة
1- مصر - إسماعيلية الصحراوى 2- الصحراوى داخل مدينة السلام
3- الوصلة الجديدة على الدائرى قوية جدا
ثالثا أنا ساكن فى العبور فى حى فيلات
المدينة كويسة جدا
توجد بعض العيوب نتمنى تعديلها وده طبيعى وخاصة العيوب دى موجودة فى كل بقعة فى مصر بعد 25 يناير للأسف التوك توك متواجد بالمهندسين .

المشاركة الأصلية كتبت بواسطة ahmedkhairy

بصراحة أنا ما أعرفش الهجوم على العبور ده مش منطقى
أولا كل المدن الجديدة تقريبا بها مناطق صناعية ( أكتوبر - التجمع - العبور )
ثانيا يوجد عدد ثلاث مداخل ومخارج من العبور / القاهرة
1- مصر - إسماعيلية الصحراوى 2- الصحراوى داخل مدينة السلام
3- الوصلة الجديدة على الدائرى قوية جدا
ثالثا أنا ساكن فى العبور فى حى فيلات
المدينة كويسة جدا
توجد بعض العيوب نتمنى تعديلها وده طبيعى وخاصة العيوب دى موجودة فى كل بقعة فى مصر بعد 25 يناير للأسف التوك توك متواجد بالمهندسين .

انا بس حابب اتأكد من معلومة ان فيه منطقة صناعية فى التجمع
عايز اعرف بس فين فى التجمع

و شكرا

وجهة نظري ان الفروقات في المدن الجديدة بسيطة بوجه عام هي افضل من زحام الكتير في القاهرة طيب هتعمل التي

1- هتشوف امكانياتك المادية تنفع مع اي مدينة.
2- هتشوف انهي منطقة جديدة اقرب الي عملك الحالي والمستقبلي المتوقع تقديريا.
3- هتدور كويس جوه المدينة اللي اختارتها علشان بتختلف من منطقة لاخري (وده اللي بيخلي ناس تشكر وناس تذم في نفس المدينة).

مع احترامى لجميع اراء الشباب احب ان اضيف حاجه لتصحيح المعلومات المشاكل اللى كل الناس بتتكلم عنها دى موجودة فى الحى الاول والثانى اللى فيه اسكان الشباب واسكان الحكومه ودة اللى فيه المحلات بكل انواعها انا كنت ساكن فى مصر الجيديدة ونقلت للعبور من اسبوعين فى الحى الخامس فعلا فرق كفايه نقاء الهواء والهدوء وكفايه انك تركن قدام بيتك ولا صوت كلاكس ولا تهريج شباب وكفايه انك تنزل تروح تجيب حاجتك وانت مرتاح وتلاقى مليون ركنه قدام المحل اللى انت رايح تشترى منه وطبيعى اى مدينه جديدة نظرا لقله الكثافة السكانيه فحتلاقى حاجات ناقصه كتير بمرور الوقت الدنيا بتكبر وتزيد واعتقد اننا كلنا فاكرين مدينه نصر زمان كانت عامله ازاى ودلوقيتى بقيت عامله ازاى انا من وجه نظرى مدينه كويسه متخططه كويس وكفايه الهدوء ونظافه الهواء انت لو كل يوم تتفرج على السحابه السودة اللى مغطيه القاهرة ساعتها تعرف قيمه العبور

كلمة السر فى المدن الجديدة ....سعر وهدوء ومكان راقى.....مدينة الشروق وعلى فكرة أرخص من العبوررر بكتيير
عندى شقتين هناك تبع الجهاز وإحتمال أبيع واحدة منهم...راسلنى على الخاص لو مهتم