رعشة بين 80 لحد 102

**salah_86** · 17-02-2013 09:18 PM

السلام عليكم ورحمة الله وبركاته
ازيكم جميعا عاملين إيه يارب تكونوا بخير باختصار من كام يوم والعربية بترعش بعد ال 80 قلت ترصيص رحت رصصت وعملت x للعجل لان ال 4 فرد جداد لسه
المهم العربية ظبطت جدا عن الاول ولكن مازال هناك رعشة من سرعة 80 لحد ما بجيب ال 102 تقريبا وبتختفى تمام ولكنها رعشه خفيفة جدا جدا علما بانه لايوجد اى جنط ملوح ولا فيه رفة ولا حاجة

------- تانى سؤال كاوتش الاستبن الموجود فى العربية هو كاوتش الفابريكة والعربية موديل 2009 باظ ولا لسه منزلتوش غير مرة واحدة حوالى دقيقة ونضفتة وعنته تانى نوعه دانلوب اما باقى العجل كان بريدجستون العربية نازلة كدا
وكنت عاوز اجنط بس يكون 14 برضة بنفس المقاس اللى عندى علشان العفشة انا عارف ان فيه ناس هتقولى ان ينفع اركب ال 15 بس انا حابب اخلى العربية زى ما هيا بوضع بلادها فهجنط بس خفت ان فيه ناس بتتكلم عن ان الجنط لازم يركبلة ديسكات وحوارات كدا انا مش فاهمها ياريت حد يفهمنى

**ابو ندى** · 17-02-2013 10:20 PM

متابع

**rompo10** · 17-02-2013 10:22 PM

كنت هاقولك جنوط لكن كده يبقي حاجه في العفشه

**aldesha989** · 17-02-2013 10:35 PM

الرعشه فى العربيه كلها ولا فى الدركسيون ؟

انا عندى الرعشه بتبدأ من اول 80 برضه وبتكمل لحد ال 100 بس انا ما زودتش عن كده لانى محتاج ترصيص وظبط زوايا وتربيط عفشه واربع فرد كاوتش وطقم مقصات :d انا محتاج عربيه حد عايزه حاجه :d

**salah_86** · 18-02-2013 05:44 PM

لا مفيش رعشة فى الدركسيون
ملحوظة--- فى واحد صاحبى عربية النترا كانت بتعمل معاه كدا ورصص وظبط زوايا ولف وداخ وفى الاخر طلع عندة حاجة فى الكوبلن بتاع العربية مش فاكر يمين ولا شمال راح لحم فيه حاجة كدا والعربية ظبطت معاه مش عارف بقى انا ايه حوارى بس انا ناوى اصبر شوية لحد صيانة ال 80 لما اشترى فلتر البنزين وسير الكاتينة واروح للمتخصصون اغيرهم هقولهم على العيب ده وربنا يستر

**salah_86** · 04-03-2013 10:47 AM

دلوقتى انا روحت عند المتخصصون وكشفولى على العفشة قدام وورا وقالولى ان العفشة سليمة ومفيهاش حاجة والاسطى خالد قالى كدا ترصيص طب مانا لسه مرصص
المهم امبارح رصصت العجل كلة حصان الرعشة زادت جدا والعربية كلها بقت بترجرج من تحت رجلى
وكدا انا حاسس ان الترصيص بتاع امبارح اى كلام وهروح تانى انهاردة عند واحد تانى وارصص ترصيص عادى واجرب

**salah_86** · 05-03-2013 09:52 PM

دلوقتى انا رصصت العربية تانى والرعشة شبة مش موجودة بس موجودة برضة رحت المتخصصون خالد كان مشغول وعندهم عربيات كتير فقالى اروح المصرية بكرة اكشف على الزوايا
هو الرعشة دى ليها علاقة بالزوايا اصلا انا اللى اعرفة ان الرعشة يا جنوط يا عفشة

**aw2100** · 05-03-2013 10:03 PM

ممكن يكون عندك مشكلة فى الكبالن الداخلية تحس برعشة فى جسم العربية وفى عصاية الفتيس وممكن تتاكد منها لو رفعت عجلة واحدة امامى ودورت العربية حتحس ان فية رجة فى العربية وجرب ترفع الجنبين واحد ورا التانى وحتعرف انه جمب اللى فية مشكله وممكن يكون فية اكس معووج يعمل رجة خفيفة فى العربية ومتكونش عيب ترصيص والله اعلم ؟؟؟

**ramyayash** · 31-03-2013 11:49 AM

ده كبلن امامي داخلي.. حصلت معايا وغيرته كامل واختفت الرعشة الى الابد

-

الموضوع: رعشة بين 80 لحد 102

LinkBack

أدوات الموضوع

عرض

رعشة بين 80 لحد 102 - انشر الموضوع فى :

-

-

-

-

-

-

المواضيع المتشابهه

رعشة rpm

رعشة في الدريكسيون

رعشة من 100 الي 110 بس

رعشة عند 100 كم بالضبط

رعشة

الكلمات الدلالية لهذا الموضوع

المفضلات

المفضلات

ضوابط المشاركة