النوبيرا الاوتوماتيك بتنطر نطره غريبة اوى؟؟

**ahmed.zahra** · 19-02-2013 12:27 PM

ا/ بليزر و ا/ صاحب الموضوع يفضل زيت موبيل 320 سعر اللتر 50 جنيه و ده الأفضل للفتيس الكهرباء و فعلا في زيت اللتر ب 175 جنيه بس ده مش لفتيس النوبيرا ده للأوكتافيا و الجولف و الكلام ده

**3ateef** · 19-02-2013 01:23 PM

ده مقياس الزيت

اعمل مشوار 10 او 15 كيلو, و اركن على ارض مستوية والفتيس على ال P والعربية دايرة و شوف مستوى الزيت.
لو كان معدى الشرطة اللى فوق روح بنزينة وفى نفس الوضع السابق (العربية دايرة وعلى ارض مستوية والفتيس على ال P)
اشفط الزيادة, ومتسمعش كلام الحمار اللى فى البنزينة انك تجيب الفتيس على ال R.

ولو مكنتش غيرت الزيت من ساعة ما اشتريت العربية, يفضل انك تغيره هو والفلتر وكابل الكيك داون عند اى واحد كويس.
الزيت موبيل 320 (فى البنزينة بيقولوا عليه زيت باور, لأنه هو هو), اخر مرة اشتريته كان ب 45 جنية.

ومتأخرش فى الموضوع ده عشان فتيس النوبيرا بيتلكك.

تعديل: لو الفتيس الكهرباء ملوش كابل كيك داون, غير الباقى.

بالتوفيق.

**hamdyy010** · 19-02-2013 03:06 PM

على فكرة انا عندي نفس المشكلة ونفس العربية
الفتيس دة مالوش ولا كابل ولا مقياس نهائي غير من الطبة اللى في الكارتيرة
المشكلة فيه بقى ان الفلتر بتاعة عشان يتفك لازم تنزل الفتيس
والزيت هو موبيل 320 فعلا ده للكهربا
انا لما غيرت حطيت فالفولين وخد 3 كيلو وسعرة 50 جنيه ومركز الصيانة قلي لو عملت كدة تاني هنزل الفتيس
بس انا مش فاضي لتنزيل الفتيس والمرمطة دى وبحاول اسايسها
وربنا يكرمك ويكرمني ونلاقي حد يحل المشكلة وابقى قولنا عملت ايه

**mtc_46** · 19-02-2013 06:26 PM

المشاركة الأصلية كتبت بواسطة hamdyy010

على فكرة انا عندي نفس المشكلة ونفس العربية
الفتيس دة مالوش ولا كابل ولا مقياس نهائي غير من الطبة اللى في الكارتيرة
المشكلة فيه بقى ان الفلتر بتاعة عشان يتفك لازم تنزل الفتيس
والزيت هو موبيل 320 فعلا ده للكهربا
انا لما غيرت حطيت فالفولين وخد 3 كيلو وسعرة 50 جنيه ومركز الصيانة قلي لو عملت كدة تاني هنزل الفتيس
بس انا مش فاضي لتنزيل الفتيس والمرمطة دى وبحاول اسايسها
وربنا يكرمك ويكرمني ونلاقي حد يحل المشكلة وابقى قولنا عملت ايه

يعنى افهم من كلام حضرتك:
1- الفتيس بيتغيرله زيت موبيل 320.
2- الفلتر مش بينفع يتغير غير لو الفتيس كله اتحل خالص.
3- حضرتك بتتعامل معع مركز صيانة فاهم للفتيس بتاعها .. ممكن اعرف اسمه و رقمه و مكانه (لو فى القاهرة)

**aliyosef** · 20-02-2013 12:10 AM

المشاركة الأصلية كتبت بواسطة blazer

ما ايه نوع الزيت الابيض ابو 175 جنيه دا ؟
يعنى عشان تجيب 5 لتر زيت فتيس تكون دفعت 1000 جنيه تمن الفتيس استيراد؟
مفيش اصلا زيت فتيس بالسعر دا ياباشا
ومن كتالوج النوبيرا الاوربى الانواع الى قلتها لحضرتك هى التوافقه مع الفتيس المزود بتحكم كهربائى dexron iii

الزيت ده موجود وبيحطوه اصحاب العربيات الاوربى الحديثه مثال الفولكس فاجن والاسكودا
واكثر من شخص كان نصح بيه للفتيس الكهرباء بتاع النوبيرا
والله المستعان

**mtc_46** · 20-02-2013 12:58 PM

المشاركة الأصلية كتبت بواسطة aliyosef

الزيت ده موجود وبيحطوه اصحاب العربيات الاوربى الحديثه مثال الفولكس فاجن والاسكودا
واكثر من شخص كان نصح بيه للفتيس الكهرباء بتاع النوبيرا
والله المستعان

فعلا .. الراجل بتاع الفتيسات قاللى كده ... قاللى دى بيتحطلها ابو 175 جنيه زى الاوكتافيا بالضبط
انا معنديش مشكله اغيره .. بس عايز صنايعى شاطر يحل الفلتر و ينظفه او يغيره (مش بفهم)كمان و يغير الزيت
و الاهم من كده .. عايز اعرف حد عنده جهاز بيكشف على كهربة الفتيس عشان لو العيب من خساس او حاجة اكتشفه
هل من مغيث

**hamdyy010** · 20-02-2013 09:53 PM

حضرتك فهمتني صح انا فعلا قصدي كده وده اللي اتقالي
انا بتعامل مع مركز صيانة اسمة المركز الكوري في صقر قريش وعندهم السوفت وير بتاع الكشف اللي عالفتيس
وناس بصراحة محترمين جدا فاهمين
ولما توصل لاى نتيجة ابقى عرفنا

**mtc_46** · 20-02-2013 10:26 PM

المشاركة الأصلية كتبت بواسطة hamdyy010

حضرتك فهمتني صح انا فعلا قصدي كده وده اللي اتقالي
انا بتعامل مع مركز صيانة اسمة المركز الكوري في صقر قريش وعندهم السوفت وير بتاع الكشف اللي عالفتيس
وناس بصراحة محترمين جدا فاهمين
ولما توصل لاى نتيجة ابقى عرفنا

ممكن اعرف فين فى صقر .... انا عارف صقر شوية لو حضرتك توصفهولى تبقى عملت فيا جميل اعدى عليهم بكرة ان شاء الله ... هما مركز فتيس اوتوماتيك بس ولا فتيس و ميكانيكا؟
وهل حضرتك كشفت على الفتيس بالجهاز و مطلعش فيه حاجة؟؟

**hamdyy010** · 21-02-2013 06:04 PM

بصراحة انا مش هعرف اوصفهولك كويس هو من ناحية يافطة تيوتا يمين وده رقمة هو ممكن يديلك العنوان بالظبط
هما مركز متكامل ميكانيكا وفتيس 01225365634 وربنا يوفقك ان شاء الله وطمنا

**mtc_46** · 24-02-2013 06:53 PM

المشاركة الأصلية كتبت بواسطة hamdyy010

بصراحة انا مش هعرف اوصفهولك كويس هو من ناحية يافطة تيوتا يمين وده رقمة هو ممكن يديلك العنوان بالظبط
هما مركز متكامل ميكانيكا وفتيس 01225365634 وربنا يوفقك ان شاء الله وطمنا

انا متشكر جدا لحضرتك
انا رحت بالفعل .. وهناك واحد اسمه عبده كشف عليها بالجهاز و لقى فيهاا شوية حاجات ضبطها و قاللى انى لما بافصل و ادور تانى الايرور بيتمسح من الكمبيوتر و لازم لما العربية تنطر اروحله بيها زى ماهى من غير ما ابطل و ادور تانى عشان يعرف يطلع الايرور بالجهاز
ده غير انى رايحله تانى ان شاء الله بكره يظبطلى العفشة
ان شاء الله يطلع مكان كويس و استريح معاه
فى ملحوظة معينة تحب حضرتك تقولهالى قبل ما اتعامل معاهم؟؟