النوبيرا الاوتوماتيك بتنطر نطره غريبة اوى؟؟
السلام عليكم
يا جماعة انا لسه جديد فى عالم الاوتوماتيك .. و الحمد لله فلوسى ماجابتليش فى الاوتوماتيك غير نوبيرا .. بس هى اوروبى .. موتور 1500 و الفتيس كهرباء
المهم .. العربية لما بدورها و بتبقى لسه بارده (يعنى سخنتها حوالى دقيقتين مش اكتر) و اجيب الاول او المارش العربية بتنطر لقدام جامد و بتبقى فى رجة جامدة .. لكن لو بعد ما دورت فصلت و دورت تانى بتطلع عادى و تمام التمام من غير ناطرة ولا نيلة ؟؟ .. و الحل البديل لموضوع الفصل و التدوير تانى ده انى اسخن العربية 10 دقايق تقريبا!! .. يا ترى ده من ايه؟؟
حاجة تانية .. بحس ان العربية فطسانة كده و صوت الموتور بعلى عشان تسحب .. سألت الميكانيكى قاللى ده العادى بتاع النوبيرا الاوتو .. الكلام ده صح ؟؟ و لو مش صح ممكن يكون ايه؟؟
و اخيرا لو حبيت اغير زيت الفتيس بتاعها (الكهرباء) اغيره بانهى نوع و فين؟؟ .. و ياريت حد يكون مجرب يقوللى بالضبط
و شكرا