هتيجى من الصحراوى و تخش على السندباد و تلف مع سور الكليه الحربيه و تمشى صلاح سالم طوالى لحد ما تطلع كوبرى اللى عند نادى الجلاء .. اول ما تنزل تخش اول يمين فى يمين فى شمال (الشارع اللى هتخش فيه شمال فيه جزيره فى النص عشان متخشش عكسى) .. هتمشى حوالى 500-600 متر هتلاقى ميدان الاسماعيليه
من هناك لمصطفى النحاس محتاجه انك تكون عارف شويه فى مصر الجديده و مدينة نصر .... هتطلع من ميدان الاسماعيليه فى اتجاه ميدان سفير (اسال هناك على سفير) هتوصل الميدان هتكون مجبر تخش يمين .. خليك ماشى مع الشارع هتوصل تحت الكوبرى بتاع نادى الجلاء و الشارع هيلف بيك يمين بسيط (متخشش يمين قوى عشان متدخلش صلاح سالم) كده انت فى شارع النزهه تمسكه طوالى و هتطلع كوبرى و طوالى هتعدى على الرقابه الاداريه و دار الدفاع الجوى و هتوصل الاوتوستراد تخش يمين و ترجع من اول يوترن ... هيكون عندك حلين اما تخش يمين (تول يمين بعد اليوترن) و ده عباس العقاد او من تانى يمين و ده مكرم عبيد ... الشارع اللى هتخشه تكمله للاخر هتوصل مصطفى النحاس (مصطفى النحاس لازم تخش يمين و تعمل يوترن فهتعرفه) ... نصيحتى خليك فى مكرم عبيد لانه هينزلك نص مصطفى النحاس فتكون قريب من عنوانك
تيجى بالسلامه
المفضلات