مرايا شمال تويوتا ياريس 2008

**abomalek** · 18-02-2013 08:27 PM

إذا سمحتم ممكن حد يفيدنى فى تغيير و نركيب مرايا شمال ل تويوتا ياريس 2008 و اذا فى حد قريب فى 6 اكتوبر

**Y a r i s** · 18-02-2013 11:37 PM

اهلاً بيك ياباشا
ده انتا جاري على كده ... دلوقتي انا مفهمتش انتا عاوز تشتري ولا تركب
اذا هتشتري اصلي عندك توكيل ابو رواش وعندك في المصانع تقريباً المتحدة يمكن مركز صيانه وبيبيعوا قطع غيار اصلية

@@@@@@@@@

واذا عاوز تركب ممكن تشتريها وتطلع. على مركز الخطاب جمب المرور يركبوها وانتا واقف
ولو عاوز مرايا ياباني ممكن تجيبها استيراد من الحرفين وعلى فكرة منزل انا موضوع هنا في القسم بكل ارقام بتوع الاستراد

ولو عاوز تشتريها من موزعين معتمدين هتلاقيها في حدود ٨٠٠ جنية الاصلي عند العالمية وارقامهم. كمان منزلها فوق في موضوع مثبت هنا في القسم

ولو عاوز مرايا ياباني او تيواني نص كوم بس فرز اول هتلاقيها في حدود ٣٥٠ جنية. وبالتوفيق انشاء الله

**Y a r i s** · 18-02-2013 11:43 PM

وادي رابط بجميع ارقام تجار الاستيراد في الحرفيين بتوع تويوتا

http://www.nilemotors.net/Nile/334934-a.html

بس سؤال يا فندم حضرتك مشترك من ٢٠٠٨ وعدد مشاركات ٣ مشاركات فقط
ياااه انا بشكر الظروف وبشكر المرايا الي خلتنا نتعرف بحضرتك واتمنا دايماً تشرفنا وتنورنا كده في قسم تويوتا هتلاقي مواضيع كتير. جميلة على كيف كيف لتويوتا يارس وحجات مش هتلاقيها في اي موقع تاني .... وتحياتي

**Ahmod** · 19-02-2013 02:44 AM

اما تجبها تيواني من التوفيقية ودي سعرها 250 جنيه

او تجبها الاصلية من الموزعين المعتمدين وهتلاقيها داخلة في رنج 900 جنيه لانهم بيبيعو كل حاجة لوحدها

المرايا بسعر والكفر الخارجي بسعر تاني والحامل بسعر مش متذكر كل قطعة سعرها كام بس الاجمالي في حدود 900 جنيه

وسواء جبت الاصلية او التيواني لازم ترش الكفر الخارجي بلون العربية لانك هتاخده اسود !!!

وانا انصحك توفر الفلوس وتجبها تيواني

انا جايبها تيواني من حوالي سنتين وزي الفل الحمد لله و مش فارقة عن الاصلية كتير