الموضوع: مطلوب ميجان موديل 2009 أو أجدد ، كم قليل ، أوتوماتيك هاى لاين

المشاركة الأصلية كتبت بواسطة تامر.محمد

على ما باسمع ....... بلاش

ليه كدة؟ عشان كمبيوتر و كدة؟

المشاركة الأصلية كتبت بواسطة dedo_ryo

بص انا لو بصيت في بياناتي هتلاقي اني كانت معايا 307 sw موديل 2007 ال facelift
و يوم ما بعتها عملت فرح ......... اكبر عيب فيها انها من بره تلاقيها اسد واقف بس من جوه اجارك الله
انا من كتر فتي الصنايعيه و غير غير غير غير اللي دفعتني انا و الحاج دم قلبنا جبت كابل الاعطال بتاع بيجو سيتروين علشان اوصل لعيوبها و اللي فيها و اترحم من فتي الميكانيكيه فيها و غير ان بيجو نفسها اعترفت ان الفتيس بتاع معظم عربياتها كان معيوب حتي 2008 لانه كان بيصنع خارج مصانعها يعني انت حاطط في دماغك حوالي 7000---8000 احطياطي فتيس لو فيص في اي وقت هتكع انا عملتله عمره قبل ما ابيع و قولت للي اشتراها هو اعتبرها ميزه بس و فيها عيب في الكهربا مشهور بيه معظم الفرنساوي و هي علبه الفيوزات و زياده عليها الدينامو علي طول بيضرب و دور بقي يا معلم عند بتوع الاستيراد و يقولك فيشه بني ولا سوده و الطاره معرفش ايه طيب خد ده عالتجربه كده لو جاب معاك .................. كفايه كده و فكك من ال307 دي خااااااااالص خليك لو عايز يا رينو يا تقلب الماني

يعني الميجان أحسن منها؟ عشان كان فيه ناس برده تقولك كمبيوتر و حوارات كدة

المشاركة الأصلية كتبت بواسطة تامر.محمد

كلام اغلب الملاك بيقول ان الميجان طالما جايبها حالتها كويسة و بتصينها تمام يبقى مافيش مشاكل غير زي اي عربية تانية

طب ما فيه ناس بتقول برده لو عاملت البيجو كويس حتبقى عربية محترمة جدا و لا انت إيه رأيك؟

اوافق تماما الاستاذ محمد انا معايا 2005 وتعبت جدا فى الاول ولكن بعد ما عرفت ميكانيكى قريب منى فى الهرم وعنده ضمير اصبحت العربيه مريحه جدا ومشاكلها كلها عاديه وقطع الغيار ليست غاليه نظرا لانها معمره واى عربيه تحترمها تحترمك والآن ان مستنى اى فرصه واغيرها بموديل حديث او زيرو وربنا هو المستعان

يا جدعان الشركه ( بيجو ) اعترفت ان الفتيس كان معيوب لان مش هي اللي كانت بتصنعه حتي 2008 كانت بتجيبه تركبه علي ماكيناتها و عيب الفتيس في 406 و 307 عايزين ايه تاني من عربيه الجيربوكس في التوكيل ب 44 الف غير شامل التركيب و بالرغم ان الشركه اعترفت بالعيب ده مغيروش الجير للسيارات المتضرره من عيب الصناعه ده