يا ريت حضرتك تقولنا عملت عند مين التكييف وخصوصا فكرة الشحن والشفط دى مين الصنيعى اللى عملهالك وعنوانه ورقم تليفونه
عرض للطباعة
يا ريت حضرتك تقولنا عملت عند مين التكييف وخصوصا فكرة الشحن والشفط دى مين الصنيعى اللى عملهالك وعنوانه ورقم تليفونه
نفس الموضوع دة حصل معا أخويا بعد لما شحن بكام ساعة مفيش تبريد خالص ورجع للراجل قلة بلف الكباس لازم يتغير ونشحن تانى بس هو لسو معملهاش - أفض نوع فريون موجود تبرجاز علبة لونها فضى كيلو 110 جم من شارع كلوت بيك برمسيس كل الادوات كلها موجودة وفى نوع أسمة رزق الله أرخص شوية اللانوس لو فاضية خالص لا يزيد الكمية المشحون عن 600 جم بالكتير وعن تجربة عدة مرات شحن وهناك فديو فى المنتدى لطريقى الشحن ممتاز أتعلمنا منة نشحن بنفسنا بمنتهى السهولة ياريت الاعضاء يشوفة لانة هام جدا وممكن حضراتكم تشتروا عداد قياس للفريون ب 20 جم تقيسوا الشحن المفروض فى حدود 32 -35 قبل التوجة لبتاع التكييفات لانهم فعلا أكثرهم نصابين .
اضف الى الصنايعية الحرامية والنصابين واحد فى طنطا اسمه محمد الكوارشى دا فى الجملة
غالى جدا ولما قلتله ليه قالى انا مافيش زيى ومش بيحصل اى تسريب بعد ما اشحن ولو حصل انا مسئول وبعد ماشحنت حصل تسريب ورحتله قالى مش غلطتى عندك الكباس هو اللى بيسرب دا على اساس انه بدا تسريب بعد ماشحنه
نصيحة ياريت لو فيه حد من طنطا هنا بلاش يروحله
لو انت من مدينة نصر بص ياسيدى فى واحد بتاع تكيف شاطر جدا ضميرة لسة صاحى بس هتعمل زى ماهقولك الاول هتنزل نجيب الريحانى تجيب كيلو فريون اخوان رزق تمنة من 90 الى 100 جنية واخوان رزق ليهم محل فى نجيب الريحانى بس انزل بدرى عشان بيقفلو الساعة 8 مساء وبعدين هتطلع على الراجل بتاع التكييف هتقلو عايز اكشف على الدورة واشحن اة نسيت اقولك عنوان بتاع التكيف هو امام بوابة الوفاء والامل يعنى تدى ضهرك لبوابة الوفاء والامل هتلاقى بتاع التكيف امامك مفيش بتاع تكيف غيرو بس متخليش الصبيان هى اللى تشتغل فى العربيةو فهمو ان انت معاك الفريون وعايز تكشف وتشحن بس المصنعية تقريبا 30 جنية وطبعا هيتبقى معاك فريون هينفعك بعد كدة لو حبيت تزويد لان سعات بيبقى فى مشاكل فى التسريب ملهاش حل غير انك تزود لان تكلفتها عالية زى مثلا لو خرم صغير فى السربنتينة الداخلية دى حلها فك التبلوة وحوار كدة تكلفتة عالية يبقى الجل هو التزويد كل صيف
السلام عليكم جميعا
انصح الزملاء بالمنتدى بمركز كوول اير بجسر السويس
ممتازين و محترمين و بتعامل معاهم من 12 سنة و الحمد لله
عندهم تكييف - صيانة و تركيب
ميكانيكا و عفشة و بالمناسبة بيستوردوا اغلب قطع الغيار بنفسهم و علشان كده جودتهم مضمونه
اسالو عن مسؤل المركز ا هيثم او م ايمن و بلغووه من طرف نايل موتورز و ان شاء الله تكرموا
26202455
تحياتى لكم .....
حسبنا الله ونعم الوكيل
الصنايعية كلهم ياربنا يتوب عليهم او ياخدهم
الحجات التافهة بيعملو منها شغلانة
احنا لولا الانشغالات بتاعة الدنيا كنا اتعلمنا كل الصنايع
لازم نتعلم نشحن التكييف
دلوقت يا جماعة أنا اشتريت عربيتي آخر الصيف اللي فات والتكييف كان شغال ..تبريد متوسط بالنهار وجيد جدا بالليل... طبعا جه الشتا فما فيش استخدام ... من شهرين كنت راجع من القاهرة فشغلت التكييف لقيت العربية متبرجلة فقفلته ثاني ... وبعدها بكام أسبوع شغلته ثاني فحصل نفس الموضوع ...المهم بعدها العربية سخنت مني وجابت جوان وش سلندر واكتشفت إن المروحة بتاعة التكييف كانت قافشة وما بتتحركش والثرموستات كمان باظ .. وعمل لي المشكلة دي... فالحمد لله على كده ...
شغلت التكييف امبارح في الحر فما فيش غير طراوة كده وفيه صوت فسسسسسسسسسسسسسسسسسسسسس عالي في الثلاجة .... رحت لبتاع تكييف علشان يقفل لي بوابة الهوا لأنها كانت مفتوحة الواير تقريبا كان واقع .فعملها وقالي شغل التكييف كده أما أشوف ...وفتح الكبوت وقال لي العربية عايزة فريون والفريون كده ناقص ولو شغلت التكييف الكومبريسور هيتحرق لأنه مش هيفصل .... وطبعا قال لي العربية هتاخد فريون بس ب90 جنيه .. فأنا مشيت ورحت سألت عند أولاد رزق عندك ربع فريون قال لي آه ب 35 قلت له والنص قال ب55 ... فإعمل إيه دلوقت ... أشتري ربع واروح للواد الكهربائي يشحنهولي وياخد له عشره جنيه ولا حاجة .. وأجرب واشوف ... ولا أروح لبتاع التكييفات ده وأخليه يكشف ويكبس ويشوف والحقيقة أنا مش مستعد لمصاريف عالية دلوقت فميال للحل الأولاني وممكن أجيب نص كيلو مش ربع وأهو يبقى معايا احتياطي ..أرجو المشورة وعذرا للإطالة