صوت غريب من تحت الميجان

**hanyfawzy** · 19-02-2013 07:30 PM

السلام عليكم
معاية ميجان2006 وبسمع صوت زى الكركرة اما اجى ادور وبعض اما تسخن شوية الصوت يروح مع العلم انى ساعات بسمعوة وانا ماشي من فضلكم افيدونى

**sherif-harb** · 19-02-2013 07:46 PM

احتمال كبير ترس الديفيزر dephaser لو بيظهر الصبح فقط لمدة صغيرة عند بداية تشغيل الموتور

**medo99_pc** · 20-02-2013 12:01 AM

العازل اللي فوق الشكمان مفكك.

**Hany Saad** · 20-02-2013 10:40 AM

المشاركة الأصلية كتبت بواسطة medo99_pc

العازل اللي فوق الشكمان مفكك.

1111111111111+
تمام كده

**Hany Saad** · 20-02-2013 10:43 AM

نفس الصوت كان عندى و عملته النهارده فى التوكيل و مأخدتش 5 دقايق
العازل الحرارى الفضى بتاع الشكمان من قدام تحت الفتيس تقريبا.....و خصوصا ناحية الشمال عايز يتظبط باليد ليس أكثر و كله بيبقى تمام تانى.....أعمله و طمنا

**Hany Saad** · 20-02-2013 01:43 PM

المشاركة الأصلية كتبت بواسطة MohammedAladel

قصدكم العازل المبطن جسم العربية اللى هو بيلمع عامل زى الورق السلوفان دا ؟

هو فعلا بيتأثر مع المطبات وسهل ممكن يتعدل بالإيد بس محتاج ترفع العربية أو تنزل تحتها لو هو دا ال عيب فعلا يبقى بسيطة جدا إن شاء الله

هو ده فعلا بالظبط.....دى حاجة مشهورة فى الميجان لو كنت من أصحاب الودن الحساسة لصوت العربية و خصوصا لو قافل الزجاج أو فى منطقة هادئه.....
الصوت بيبقى عامل زى الدردة من تحت و كأن حاجة فبر بتلب.....ملهوش أى Pattern معين فى الظهور و لكنه دائماً يظهر و العربية باردة و بعدين هو و مزاجه فى خلال السكه...

لو ودنك حساسه للعربية و عربيتك حالتها كويسه...الصوت ده بيضايق جدا...

حله سهل جدا و هو إنك ترفع العربية و تشوف العزل ده بيلب فين و تستعدله بإيدك لغاية لما يثبت فى مكانه.....

**Ahmed Selim** · 20-02-2013 03:05 PM

و الله ولاد حلال

بقالي يومين بسمع صوت زي فيبر بيخبط كده و مش بيظهر على طول و عادة بيظهر على 3 rpm و مش بسمعه غير لو قافل الازاز و في منطقة هادية...........بس مش بسمعه الصبح خالص.

هبة بصة عليه جايز يكون هو السبب