اجمد و أغلي عده ممكن تجمعها 2

**dr_7ooda** · 19-02-2013 08:24 PM

علي قد ما جربت انا ممكن اقولكوا احسن تركيبه ممكن توصلها ودي اغلي واعلي عده ممكن تتجمع وتديك الاداء اللي انتا بتحلم بيه يعني مش غلو علي الفاضي

ونبتدي بالكاسيت

كاسيت بايونير 6450 bt mix trax

ودي صورته

DEH-P8400BH - CD Receiver with Full-Dot LCD Display, MIXTRAX, Built-In Bluetooth�, and HD Radio™ Tuner | Pioneer Electronics USA

وفيه منه موديل 2013 اسمه 8500 او 8450 ودي صورته

ودي صورته

DEH-X8500BS - NEW! - CD Receiver with Full-Dot LCD Display, MIXTRAX, Bluetooth�, and SiriusXM Ready | Pioneer Electronics USA

ويشتغل عليه اربع سماعات بايونير 6×9 550 الجديده اللي الراق بتاعها الياف كربون

ودي صورتها

TS-A6985R - NEW! - 6" x 9" 4-Way Speaker | Pioneer Electronics USA
ويركبوا علي رف خشب اسباني او mdf مقاسه 20 بوصه والرف ده هنركب عليه 6 سماعات

وانا بفضل في البايونير ال 4 way لان اقل او اكتر بيبقي صوتها يا مسرسع يا مكتوم

وال 4 البايونير ال 6×9 هايبقوا علي الطرفين ونسيب مكان في النص ل سماعتين 7×10 هايركبوا علي جي ام

وده السيستم الاساسي اللي هايفضل شغال علي طوول مالوش دعوه بالجي ام

نيجي بقي لهواه ال sound system expandapility

وفيها هنعوز 2 جي ام

وانا بفضلهم بايونير والاولاني بايونير 760 وات 4 channels وده هياخد واحد rc من الكاسيت والتاني هناخده من الجي ام نفسه من مخرج الrc out فيه بوصله rc وندخلها للمدخل التاني

ودي صورته

GM-6500F - 4-Channel Bridgeable Amplifier with 760 Watts Max. Power | Pioneer Electronics USA

وده هيركب عليه سماعتين كينوود 600 دبل بيييز 7×10 علي قناتين في الجي ام ونركبهم في المكان اللي فاضل في الرف ورا

وهنحاول نعلي الرف ونفتح فتحات صغيره في الصاج علي قد مغناطيسات السماعات

وهنركب علي الجي ام في القناتين اللي فاضلين سماعتين كمبوننت في البيبان واللي موجود هنا في مصر كويسه سوني 260 وبتبقي عباره عن 2 ووفر و2 تويتر و2 كروس أوفر وده وظيفته توزيع التريبلات للتويتر والبيييز للوفر

والووفر بيركب في الباب القداماني والتويتر بيركب في مكان عالي زي المرايه من جوه او علي التابلوه

ودي صورتها

‫‎اوتو ماركت pioneer - xplod‎s Fotos | Facebook‬

وللاسف البايونير منها هنا في مصر ما فيهاش كروس أوفر
ودي صورتها

ودي صورة اللي ما نزلتش هنا

TS-A1605C - NEW! - 6-1/2" Component Speaker Package (6-3/4" Compatible) | Pioneer Electronics USA

الجي ام التاني وده اللي هايغزي الصبات وهياخد 2ار سي من الكاسيت

وانا برشح البايونير ال 820 وات 2 قناه

ودي صورته

GM-5500T - 2-Channel Bridgeable Amplifier with 820 Watts Max. and Bass Boost Volume Control | Pioneer Electronics USA

وهايركب عليه صب وبازوكه لان الاتنين مع بعض صوتهم بيبقي متكامل ومظبوط احسن من 2 صب او 2 بازوكه

والبازوكه jpl 1000 وات 12

والصب بايونير 1200 d2 او jpl 1000 ويتعمله بوكس عموله من غير فتحه مقاسه 40×40 سنتي وعمقه 35 سنتي بخشب اسباني او mdf سمك 20 ميللي

الاهم ان الجي امات دي هتركب علي سلك ريموت الكاسيت عشان تفصل و تأيد معاه لكن كمان هانعملم زرار في التابلوه زي زرار الشبوره كده ونطفيهم لما نحب ويفضل العده الاساسيه شغاله وصوتها كويس جدا برضه

واهم حاجه السلوك المحميه المغطاه عشان الحمايه

ووصلات rc gold plated

وفني يكون بيفهم ونضيف ومخه متفتح ونحاول احنا نجمعله الحاجه وهوا يركب براحته وما نقرصش عليه في الوقت

**dr_7ooda** · 20-02-2013 01:45 AM

واضيف ان فكرة بناء العده دي انها فيها كل مستويات الصوت high low and mid range

وهيا كده 12 سماعه قوة خرجها 1780 وات

**dr_7ooda** · 20-02-2013 12:32 PM

وطبعا اللي عنده اضافه او استفسار احنا تحت الامر

**hamza9** · 20-02-2013 08:14 PM

السلام عليكم
لا يمكن الاتفاق على ما هو الافضل لان لكل انسان ذوق في خاصية السمع تختلف من انسان الي اخر
و انت تلاحظ ان كل المواقع الاجنبية المتخصصة في مجال الصوتيات لا يمكنها الجزم بما هو الافضل
بالنسبة للكاسيت
الافضل هو من ماركة McIntosh و يصل اسعار موديلاتها الي اكثر من 1000$ و ياتي بشكل عادي و بدون اي مميزات و وظائف و لكنه بجودة صوت عالية جدا
بالنسبة للسبيكرات توجد عدة شركات مثل
Focal, Hertz, Rainbow, DynAudio, DLS, CDT,Morel...ect و هذه من اشهر الشركات و يصل اسعار بعض الموديلات من هذه الشركات الي اكثر من 5000$
بالنسبة للامبليفير افضل الشركات هي
Zapco, Audison, Sundown, DLS, Focal هذه بعض الشركات و ليس كلها
السبووفر من بعض اشهر الشركات
ID, Focal, Hertz, RE Audio,Alpine,JL Audio,Morel
بعض الشركات تتفوق في SQLو الاخرى في SPL
قبل اي عملية شراء يحب ان تحدد الاتي
ميزانية الشراء و ما هي نوع الموسيقى المفضلة لديك و هل التركيز على الجودة ام القوة؟

**seat2066** · 21-02-2013 02:13 PM

ياحمزه باشا الراجل بيتكلم علي العدد اللي موجودة في مصر وطبعآ لا تقارن من قريب او بعيد بألاجهزة اللي انت بتقول عليه نهائي اللي بتنزل مصر دية علي قد حالها خالص ولا تخضع لاي معيار عالمية

انت جبت عدة من بره بصراحة كان اختيارك ممتاز فيها وليس عليها اي غبار

انا برضة معايا عدة صوت عبارة صب وامبليفير ومجموعة التوصيل بتاعته وارد امريكا وعايز ابيعها ومش عارف انزلها لان سعرها متجاوز ال4000جنية لاني عارف الاغلبية بتدور علي الثمن قبل اي شئ
شكرا للموضوع والمتابعة

**ABO MALEK** · 21-02-2013 02:51 PM

مشكور على المجهود يا حودة.

**dr_7ooda** · 21-02-2013 03:31 PM

المشاركة الأصلية كتبت بواسطة seat2066

ياحمزه باشا الراجل بيتكلم علي العدد اللي موجودة في مصر وطبعآ لا تقارن من قريب او بعيد بألاجهزة اللي انت بتقول عليه نهائي اللي بتنزل مصر دية علي قد حالها خالص ولا تخضع لاي معيار عالمية

انت جبت عدة من بره بصراحة كان اختيارك ممتاز فيها وليس عليها اي غبار

انا برضة معايا عدة صوت عبارة صب وامبليفير ومجموعة التوصيل بتاعته وارد امريكا وعايز ابيعها ومش عارف انزلها لان سعرها متجاوز ال4000جنية لاني عارف الاغلبية بتدور علي الثمن قبل اي شئ
شكرا للموضوع والمتابعة

+1111111111111111111
مظبوط الكلام . ما باليد حيله

**dr_7ooda** · 21-02-2013 03:35 PM

المشاركة الأصلية كتبت بواسطة ABO MALEK

مشكور على المجهود يا حودة.

متشكر جدا يا فندم

وتم تعديل الموضوع وأضافة الصور والاسعار

بالصور . تقرير عن افضل عده ممكن تجمعها هنا في مصر

http://www.nilemotors.net/Nile/337238-a.html