حاجة عجيبة و الله

**dr_abooody** · 31-07-2008 08:44 PM

السلام عليكم

من ساعت ما عرفت ان اللانسر هتنزل بشكل جديد قولت لازم اشتريها
و لما شوفتها على النت انبهرت بشكلها الرياضي و التابلوه الجامد اوي اللي احسن من الشكل القديم مليون مرة
جيت اسأل على سعرها لقيت ان الفاضية من غير كماليات بتعمل حوالي 125 الف و كمان خليجي
؟؟؟؟؟؟؟؟؟؟؟؟؟؟؟؟؟؟؟
طب لية السعر دة
اللي بعرفة ان المفروض ان الموديل الجديد بيكون بنفس سعر القديم او اغلى منه بشوية يعنى 10 الاف بالكتير اويييي
طيب ماشي دة موديل جديد طب بالنسبة للشكل القديم لقيت سعرة غلى اكتر لية ؟؟
لأن الموديل الجديد غالي اويي وخليجي و 1500 سي سي كمان فما حدش هيشتري كتير غير اللي معاه فلوس اكتر
فكلة هيتجة لشراء الشكل القديم و لذللك رفعة سعرة ؟؟؟؟؟؟؟؟
طبعا دة حاجة مش طبيعية خالص المفروض الشكل القديم يتم و قف انتاجة و الجديد ينزل بسعر القديم
او الشكل القديم سعرة ينزل اكير

بس انا اللي شايفة ان في البلد هنا التجار كلهم بيتفقوا مع بعض و في احتكار بشع للسيارات يعني التاجر عايز يكسب 50%
و لو علية يخليها 200%

انا كنت في الخليج مثلا تويوتا كرولا موديل 2003 وعدى عليها سنة و عايز تجيب المودبل القديم تبيعها تخسرلها 1000 ريال عماني=15 الف ج
و هي اصلا ب4000 ريال
و تحط الف ريال تانية على فلوس القديمة و تجيب موديل جديد
كل البلاد فيها كدا الا احنا

**bemocarlo** · 31-07-2008 11:08 PM

يا باشا انت بتتكلم في ايه؟مفيش معايير لاي حاجه في مصر.
bemo,ire

**SAbuhashem** · 31-07-2008 11:21 PM

العربية أصلاً سعرها الأساسي غالي
وبعد الجمارك سعرها بقى فظيع
أنا بصراحة مع اني بحب الماركة لكن مشتريش الانسر ال-Ex بسعرها دة إلا لو كنت EVO
مفيهاش مميزات تتغلب على السعر العالي وتغريني اشتريها إلا شكلها

Thanks
Eng.Sherif Shaker

**Ramy.Gamal** · 01-08-2008 02:24 AM

يا جماعه متقارنوش بين اللانسر الجديده والجديده ابدا لان مفيش مقارنه سواء فى الفخامه الداخليه او الكماليات او الباور اوالفرامل اوالثبات . انما تقارنوا اللانسر الجديده بالسيارات المنافسه زى المازدا 3 والسيفيك والكورولا وبعدين اللى مش عاجبهم سعر اللانسر الجديده يروح يشوف سعر الكورولا اللى مش يابانى وفيها عيب فى الفيتيس يبقى انتم عاوزين اللانسر الجديده تبقى ارخص من الكورولا الجنوب افريقى

**شاهين - بنز** · 01-08-2008 06:51 PM

أنا شايف اللانسر الجديدة مكنش المفروض تتطلع من فئتها السعرية خالص لإنها صعب أوي تخش مقارنة مع السيفك والكورلا لإنها أقل منهم في كل حاجة
متور أضعف منهم بكتيير ودريكسيون مش كهرباء ومقاعد أقل راحة من السيفك والكورلا وأضيقهم مساحة وحتى جودة المواد الداخلية فقيرة مقارنة بالكورلا والسيفيك وغيره وغيره
يعني أنا شايف إن أقصى سعر مناسب للنيو لانسر 125 لأعلى فئة وماتزيدش جنيه واحد

**Ramy.Gamal** · 02-08-2008 03:44 AM

المشاركة الأصلية كتبت بواسطة شاهين - بنز

ودريكسيون مش كهرباء

الباور فى اللانسر الجديده كهرباء وخفيف جدا وناعم وهو ده المهم النعومه والسهوله سواء كهرباء او هيدروليكى وبعدين ككماليات هى اكثر كمالياتا من السيفيك بمراحل واكيد احسن من الكورولا اللى مش يابانى ومفروض اللى لا تقارن بالسيارات اليابانى هى الكورولا لانها مش يابانى مش اللانسر

**mahamedaraby** · 02-08-2008 03:58 AM

ياباشا انت بتقول كورولا (تويوتا) فدى كفايه عندى انى ادفعها فيها 150 الف انا بشترى ماركه مش من بلد دى حاجه

وبشهاده الجميع الانسر اقل من السيفك والكورولا فى الموتور والامكانيات

**Ramy.Gamal** · 02-08-2008 04:17 AM

المشاركة الأصلية كتبت بواسطة mahamedaraby

ياباشا انت بتقول كورولا (تويوتا) فدى كفايه عندى انى ادفعها فيها 150 الف انا بشترى ماركه مش من بلد دى حاجه

وبشهاده الجميع الانسر اقل من السيفك والكورولا فى الموتور والامكانيات

حضرتك سمعت عن مشكله الكورولا الجنوب افريقى فى الفيتيس ولو حضرتك دخلت منتدى تويوتا هتشوف كميه الشكاوى من فيتيسها يبقى يا فرحتى بمحرك جبار مع فيتيس فيه مشاكل وعيوب وبالنسبه للامكانيات ممكن اعرف ايه الامكانيات الزياده فى السيفيك اللى ازيد من اللانسر EX