الموضوع: خبراء القيادة: ياريت تترجموا الحركات ديه

المشاركة الأصلية كتبت بواسطة shaikh_tamer

انا جديد في السواقة و فيه اشارات معينة فيه عليها خلاف في القيادة و خصوصا اني ساكن في منطقة سياحية شوية في اسكندرية, فلما المصيفيين من القاهرة بيجوا عندنا بحس ان فيه مشكلة في فهم هذه الاشارات

اولا لما حد يضرب كلاكس و انا عايز اعدي, فساعات بيكون يقصد يقول انه هو اللي حيعدي و اني استني و ساعات بيكون المقصود انه يقول عدي انت

ثانيا لما حل يشغل الرعاش و ده غالبا بيقول للشخص عدي انت لو حقطع الطريق لكن لو جاي من ورايا فمعناه اني مجيش علي سكته و اوسع له

ثالثا لما حد يسيب النور العالي فده مفيش خلاف انه بيقول وسعلي السكة

صدقنى ملهاش حل وملهاش رتم معين
يعنى اوقات حد يضرب كلاكس علشان توسعله او انك تعدى او انك تقف
وكذلك النور يا اما تعدى يا اما يعدى ملهاش حل

انا لما حد بيضرب نور عالى بعمى اهله علشان هو شايفنى جاى ولو وقفتله وفضل يرعش بعميه واضرب النور العالى واعدى او افضل مستنى ويجيى يقولى طفيه اقوله ما انتا عميت اهلى اطفى ايه بقى

مش شرط يعني بتوع القاهرة اللى بيشرفوا اسكندرية ،
قال يعني بتوع القاهرة عندهم "قواعد" مختلفة فى السواقة هههه
مرحباً بك فى بلدك العزيزة مصر - العشوائية فى كل مكان وفى السلوكيات قبل المساكن والطرق.



على العموم اول واحدة دي حسب الموقف ، جايز بيقولك عدي وجايز بيقولك مينفعش تعدي.
تاني واحدة ، دة لو واحد بيعدي بيقوله متعديش ، ولو بيعملها لعربية يبقي بيقوله يوسع.
ثالث واحدة ، دة واحد اعمي يا عاوز اللى قدامي يتعمي وملهاش علاقة باي حاجة فى الدينا.

المهم سيبك من كل دة
لو انت ماشي صح ، وفى حارتك وبتغير من حارة لحارة صح ، وفى السرعه القانونية >> اللى وراك يتحرق بجاز
فى الدول النظيفة انت من حقك تحدد سرعة الطريق
يعني مثلا حارة سرعتها 90 - انت من حقك تمشي على 90 والكل يمشي وراك بنفس سرعتك
إنما نظام التخلف اللى هنا دة مينفعش ، لا عارفين امتي يستخدموا الكلاكس "دة مخالفة اصلا" ولا عارفين معني استخدام النور العالي ، لا عارفين حارات ولا عارفين امتي وشروط تغير حارة لحارة ، ولا الفرق بين الخطوط المتقطعة ولا المتصلة و لا عارفين ازاي يلفوا في يو تيرن ، دة لو قرود اتعلموا القيادة هتسوق احسن من ناس كثير.

الواحد بيحاول يسوق بقوانين المرور على قد ما يقدر فى ظل السيرك القومي اللى ماشيين فيه دة.

قوااااااااااااااااااااااا نين قياده في مصر مستحييييييييييييييييييييي يل