مشكلة في مفتاح لانسر 2007

**SAM_605** · 20-02-2013 02:32 PM

السلام عليكم,

أنا معايا لانسر بومة 2007 و مفتاحها اتسرق, واللي سرقه يعرف العنوان. دلوقتي أنا عايز اغير طقم الكوالين و المفتاحين , عايز أعرف مكان يعمل الكلام ده يكون قريب من مدينة نصر. أنا كلمت السعودي جروب و قال لي 2300 غير الضريبة [4 كوالين و مفتاحين ] . يا ريت لو حد عنده معلومة يفيدني بيها في الموضوع ده يقول.

و شكرا

**أبو إياد** · 20-02-2013 03:05 PM

مافيش اختيار غير انك تغير طقم سويتش ( 4 كوالين + مفتاحين )

**محمد أنور** · 20-02-2013 04:01 PM

اطلع عالتوكيل غير الكوالين و المفتاح و اشتري دماغك بدل ما تفضل قلقان عالعربية

**SAM_605** · 21-02-2013 05:50 PM

شكرا على الردود يا شباب, الحمد لله المفتاح التاني رجع النهارده, سواق تاكسي لاقاه و جابهولي . السؤال بقى: هو يقدر يطلع على المفتاح ده نسخة بنفس الشفرة بحيث يقدر يدور العربية ؟ أو حتى يشغل الريموت ؟

و سؤال تاني, هو فيه في الحرفيين مكان أشتري منه طقم كولين و مفاتيح استيراد ؟

و جزاكم الله خيرًا

**manfromegy** · 21-02-2013 05:55 PM

المشاركة الأصلية كتبت بواسطة sam_605

شكرا على الردود يا شباب, الحمد لله المفتاح التاني رجع النهارده, سواق تاكسي لاقاه و جابهولي . السؤال بقى: هو يقدر يطلع على المفتاح ده نسخة بنفس الشفرة بحيث يقدر يدور العربية ؟ أو حتى يشغل الريموت ؟

و سؤال تاني, هو فيه في الحرفيين مكان أشتري منه طقم كولين و مفاتيح استيراد ؟

و جزاكم الله خيرًا

أسف جدا.أغلب الظن إن المفتاح دا إتعمل عليه واحد مشفر و ياريت تسرع بتغيير الكوالين و في داهيه الفلوس.و سؤأل غريب شويه.سوق التاكسي عرف منين إن دا مفتاحك.أنا مستغرب جدا من الموضوع دا ! ! !

**SAM_605** · 21-02-2013 06:19 PM

المشاركة الأصلية كتبت بواسطة manfromegy

أسف جدا.أغلب الظن إن المفتاح دا إتعمل عليه واحد مشفر و ياريت تسرع بتغيير الكوالين و في داهيه الفلوس.و سؤأل غريب شويه.سوق التاكسي عرف منين إن دا مفتاحك.أنا مستغرب جدا من الموضوع دا ! ! !

شكرا لردك يا باشا, المفتاح كان في شنطة اختي اللي اتسرقت, و كان فيها بطاقتها و طبعا فيها العنوان.

**Eng.Peter** · 26-02-2013 05:12 PM

بص يا سيدى
أول شئ مبروك رجوع المفتاح
ثانى شئ شنطة أختك إتسرقت و سواق التاكسى وجد المفتاح و الشنطة - هل هى إتسرقت ولا مجرد نسيت الشنطة فى التاكسى؟

معلش يفرق لانها لو إتسرقت و هو وجد الشنطة طبعا فاضية من الفلوس يبقى لازم تقلق لان كده ممكن اللى سرق الشنطة يكون بيطمنك علشان متغيرش مفتاح العربية
أما لو سواق التاكسى لقى الشنطة فى عربيته و رجعها كامله يبقى راجل أمين و عمل اللى يرضى ضميره و ربه

بالنسبة بقى لقصة عمل مفتاح عليه او معاه نسخة مشفرة
اول شئ هل عربيتك 1300 و لا 1600
ثانى شئ لو هى 1600 هل هى فيها أمبولايزر ام لا

بالنسبة بقى لانه يعمل مفتاح مشفر لازم علشان يعمله يكون معاه رقم شاسيه العربية و ده مظنش يعرفه الا لو الشنطة كان فيها رخصة السيارة

بس فى إحتمال يكون الكربون إتشال من المفتاح لذا لازم تجرب تدور العربية بالمفتاح اللى رجع

زيادة إطمئان فى جميع الحالات لو عربيتك مشفرة و المفتاح اللى رجع الشفرة موجودة فيه
تقدر تروح لاى واحد بتاع مفاتيح محترم و بيفهم يغير لك سنه او سنتين فى المفتاح و الكوالين بتاعت السيارة
وده هيكلفك من 100ج الى 300ج كحد اقصى
و المتوسط بيكون 150ج او 200ج
و بكده انت إطمنت إن محدش يقدر يفتح عربيتك و فى نفس الوقت لو مشفرة يبقى إطمنت كمان إن محدش يقدر يدور العربية
و لو لك اى استفسار كلمنى
01061111108