تى داتا ... عايز تفسير ... هاتولى تفسير :)

السلام عليكم

عايز تفسير واحد للى حصل
لما ابقى مشترك فى الخدمة الزفت بتاعة تى داتا لمدة 5 اشهر دلوقتى
اول شهر بصراحة النت كان مستقر و عال العال
و من الشهر الثانى لحد الخامس النت بيجيلى ساعتين و يقطع باقى اليوم
و من ساعتها شغال مكالمات مع خدمة حرق دم العملاء بتاعتهم
و اللى اثبتولى خلال الفترة دى انهم مكينات حافظة و مش فاهمة اى حاجة فى اى حاجة
و بردو المشكلة استمرت

و لما جبت اخرى
قلت خلاص شكرا انا هلغى الخدمة و اريح دماغى
اتصلت بخدمة حرق دم العملاء قالولى هنحولك على قسم الاشتراكات بس كان فيه شكوى منك تحب تتابعها؟ قلتلهم لأ
حولونى على قسم الاشتراكات و حصل التالى

- ايوة يا فندم اتفضل
- عايز الغى الخدمة
- تحب توقف الخدمة مؤقتا لو انتا مسافر مقابل اشتراك شهرى؟
- لأ
- طب عايز توقف الخدمة ليه؟
- هو كدا ... عايز اوقفها
- طب حضرتك هيضيع عليك النقاط اللى على الموقع و اللى ممكن تبدلها بهدايا او خصومات
- مش مشكلة
- طب حضرتك هتدفع 120 جنيه شرط جزائى علشان انتا مشترك فى خدمة نص عليك و نص علينا و مكملتش معانا سنة
- مش مشكلة ... بسيطة
- طب حضرتك مش هينفع ترجع الراوتر لينا لأنك اشتريته
- مش مشكلة ... عاااااادى
- طب حضرتك دافع لحد يوم 11-3-2013 و كدا هيضيع عليك باقى المبلغ لو وقفت الخدمة قبل هذا التاريخ
- مش مشكلة
- طب حضرتك هتتوجه لأى مكتب تى داتا علشان تقدم طلب الغاء الخدمة
- اوك شكرا





المشكلة مش فى دا كله
المشكلة انى بعد ما قفلت المكالمة ب 10 دقائق الخدمة مستقرررررررة تماما و لم تقطع حتى الان اهو لمدة اسبوع و دى عمرها ما حصلت فى خلال اخر 4 شهور

هيا الناس دى بتسرقنا؟
مش ممكن انا نفسى الاقى شركة مصرية محترمة
كدا حرااااااام بجد
هو احنا لازم ناخد بالج... علشان نشتغل
حسبى الله و نعم الوكيل بجد فى كل من لا يراعى ضميره

و على فكرة و اللى انا عرفته ان الناس اللى شغاله فى خدمة العملاء بيدخلوا ياخدوا اى خط بتاع عميل بليل و يعملوا الداونلود التمام و بعد كدا يرجعوا تانى ليه

بجد مفيش غير رد واحد
...

و جابولك تفسير ؟ .... ياخي ما ذنب العملاء ؟

اقتباس:

---

المشاركة الأصلية كتبت بواسطة youssef_u

و جابولك تفسير ؟ .... ياخي ما ذنب العملاء ؟

---

مش فاهم

اقتباس:

---

المشاركة الأصلية كتبت بواسطة alking_2006

و على فكرة و اللى انا عرفته ان الناس اللى شغاله فى خدمة العملاء بيدخلوا ياخدوا اى خط بتاع عميل بليل و يعملوا الداونلود التمام و بعد كدا يرجعوا تانى ليه

---

الكلام ده مش صح

A.Yakout

اقتباس:

---

المشاركة الأصلية كتبت بواسطة nabaster

الكلام ده مش صح

a.yakout

---

مش صح خالص فعلا واللي قالك كده بيقول اي حاجه

طيب انا اللاب بتاعى باظ ومفيش اى كمبيوتر فى البيت وبالتالى مفيش نت يعني هاروح ادفع على ايه شهر والتانى وانا مبدفعش وعادى قلت اول ماهاروح ادفع الاشتراك هترجع الخدمة ويتحسب لى شهر جديد المفاجأة بعد ما استني دورى بعد 20 واحد واروح للموظف يقوللى النقطة بتاعة حضرتك فى السنترال اتاخدت ايه هو فى ايه ازاى قاللى حضرتك بقالك كام شهر مادفعتش وتم سحب النقطة بتاعة حضرتك طيب الحل قاللى قدم طلب جديد والله اعلم الخدمة هتدخلى تانى امتى قلتله يعني ايه مش المفروض انها بتقعد 15 يوم من تاريخ تقديم الطلب قاللى لالالالالالالالالالالالال الالا حضرتك تبع سنترال الرماية والسنترال ده خلاص مفيهوش اماكن وهتستني مع الناس اللى مقدمة طلبات
ده واحد يتعمل فيه ولا شركة يتعمل فيها

نفس الكﻻم حصل معايا .. السرعة كانت بطيئة و قدمت طلب الغاء فى الفرع

تانى يوم كلمونى اعتذرو و السرعة زادت ......فعﻻ نصابين

بص حضرتك مفيش شركة فى مصر محترمة سواء نت او موبايل

"ناس تخاف ماتختشيش"

بس ايه موضوع النقاط ده ؟؟ هو تى داتا عندها البرنامج ده ؟؟

خدمه سيئه جدا

اسلوب اعمل عبيط ده اللى انا اتبعته معاهم

النت كان زباله فتره
روحت مشترك مع جار ليا على خطه علما انى كنت مأجر الروتر من تى زفت دى وعملت فيها من بنها ولا سألت فيهم لحد ماهما اتصلوا وقولتلهم بالنص انى مسافر ومش عايز خدمتكوا الزباله دى واعلى مافخيلكوا اركبوه لسه هيكمل كلام روحت قافل السكه فوشه ...... بلاقرف ووجع دماغ

اقتباس:

---

المشاركة الأصلية كتبت بواسطة hossam_elwani

"ناس تخاف ماتختشيش"

بس ايه موضوع النقاط ده ؟؟ هو تى داتا عندها البرنامج ده ؟؟

---

اه النظام دا جديد و مشروح على الموقع بتاعهم

اقتباس:

---

المشاركة الأصلية كتبت بواسطة nabaster

الكلام ده مش صح

a.yakout

---

على فكرة اللى قالى الكلام دا واحد صاحبى كان شغال خدمة عملاء جوا
يعنى انا مش هجيب اى كلام
و شكرا على المشاركة

اقتباس:

---

المشاركة الأصلية كتبت بواسطة alking_2006

على فكرة اللى قالى الكلام دا واحد صاحبى كان شغال خدمة عملاء جوا
يعنى انا مش هجيب اى كلام
و شكرا على المشاركة

---

بيشتغلك

A.Yakout

انا لسه مشترك من اسبوعين وحتي الان الخدمه ممتازه وكنت مستغرب لاني سمعت كلام وحش وفي نفس الوقت اللي حصل معايا حتي الان ممتاز

يعني الخط مش باسمي ومع ذلك قدمت اونلاين ودفعت اونلاين وبعدها مفيش 5 دقايق لقيت خدمة العمله بتكلمني عشان تاكد اني عملت اشتراك وبعدها بيوممين بعتولي رساله فيها اسم المستخدم وكلمة السر والدنيا اشتغلت تمام وكلموني مرتين تاني عشان يطمنو ان الدنيا اشتغلت تمام

مش عارف هل اتوقع من الشهر الجي الدنيا تقلب ولا ايه ؟

اقتباس:

---

المشاركة الأصلية كتبت بواسطة nabaster

بيشتغلك

a.yakout

---

شكرا لذوقك يا جميل

اقتباس:

---

المشاركة الأصلية كتبت بواسطة alking_2006

و على فكرة و اللى انا عرفته ان الناس اللى شغاله فى خدمة العملاء بيدخلوا ياخدوا اى خط بتاع عميل بليل و يعملوا الداونلود التمام و بعد كدا يرجعوا تانى ليه
...

---

انا اصحابى بيشتغلوا هناك فخدمه العملاء تكنيكال سابورت عالفكرة مفيش حاجه اسمها كده

اقتباس:

---

المشاركة الأصلية كتبت بواسطة shaddadfalcon1

انا لسه مشترك من اسبوعين وحتي الان الخدمه ممتازه وكنت مستغرب لاني سمعت كلام وحش وفي نفس الوقت اللي حصل معايا حتي الان ممتاز

يعني الخط مش باسمي ومع ذلك قدمت اونلاين ودفعت اونلاين وبعدها مفيش 5 دقايق لقيت خدمة العمله بتكلمني عشان تاكد اني عملت اشتراك وبعدها بيوممين بعتولي رساله فيها اسم المستخدم وكلمة السر والدنيا اشتغلت تمام وكلموني مرتين تاني عشان يطمنو ان الدنيا اشتغلت تمام

مش عارف هل اتوقع من الشهر الجي الدنيا تقلب ولا ايه ؟

---

بيظبطو العملاء الجدد والقدام اللى زينا ولا بيعبرونا

اقتباس:

---

المشاركة الأصلية كتبت بواسطة المنسي

بيظبطو العملاء الجدد والقدام اللى زينا ولا بيعبرونا

---

لحد ما يجروا رجلك :)))

اقتباس:

---

المشاركة الأصلية كتبت بواسطة alking_2006

على فكرة اللى قالى الكلام دا واحد صاحبى كان شغال خدمة عملاء جوا
يعنى انا مش هجيب اى كلام
و شكرا على المشاركة

---

صاحبك بيقول لك اي كلام في عبسلام

ماهما شغالين في الشركة و قاعدين عالماسورة الام اساسا يعني ايه يسحب خط يعمل بيه داونلود


ما تصدقش اي حاجة تتقال لك

والله نفس اللى حصل معايا النت كل يوم يقطع عندى و مرجعش الا لما كلمتهم و إشتكيت ،، و الناس اللى فى تيكنيكال سبورت مش كلهم فاهمين ،،فى منهم ناس حافظ مش فاهم بإمتياز

تي اي داتا كنت مشتركة معاهم لحد ما اتخنقت منهم، نقريباً كنت بكلم بنوع خدمة العملا اكتر ما بكلم والدتي !! المهم رحت لينك لحد دلوقتي هما تمام.. بس تي اي داتا عاملة عرض دلوقتي فهاكلم لينك اقولهم اني عايزة الغي عشان يحولوني على الريتينشن و يدوني سبيشيال اوفر"نياهاهاهاهاع.. ضحكات شريرة"

و على فكرة، واحد زميلي شغال في تي اي داتا و قالي انهم بيحفظهوهم سكريبت بيمشوا عليه حتى لو عارفين حل المشكلة.. ده نظام الشركة للأسف..

بقالي 7 سنين مع te data و الخدمه لم تنقطع الا حوالي 3 الي 4 مرات , بس وقت الفجر

اقتباس:

---

المشاركة الأصلية كتبت بواسطة magic girl

و على فكرة، واحد زميلي شغال في تي اي داتا و قالي انهم بيحفظهوهم سكريبت بيمشوا عليه حتى لو عارفين حل المشكلة.. ده نظام الشركة للأسف..

---

ده كلام صحيح و طبيعى فاى شركه ليها بروسس عشان محدش يقلك حاجه تتصلى تانى يوم واحد يقلك حاجه تانية

انا قدمت طلب اشتراك فيها من فتره و قالولى استنى اسبوعين استنيت وعدى 3 اسابيع اتصلت قلتلهم انا عايز الغى الاشتراك مش عايز الخدمه انت كنتم قايلين اسبوعين قالولى الخدمه فى الطريق تانى يوم انبعتلى رساله بالكودات و اشتغل النت
اول ما شغتله زى الصاروخ شهر و بعد الشهر النت يفضل 5 دقايق و ييجى دقيقه اتخنقت وكلمتهم فعلا متخلفين و حافظين يقولى اعمل رستارت للراوتر لا السيتينج لا مش عارف ايه قلتله يا عم انا عندى خط تانى و شغال كويس جدااا مفيش مشاكل فى الراوتر مفيش فايده قلتله ما يمكن معلق من عندكم ولا النسترال مفيش فايده
قمت قايله مع السلامه ومش عايز الخدمه دى وما دفعتش تانى وفصلوا الخدمه علطول بعد الشهر التانى
بيتهيالى مفيش بلد فى العالم بتدفع فيها فلوس مقابل خدمه وبتبقى خايف لتطلع مش مظبوطه زى مصر

اقتباس:

---

المشاركة الأصلية كتبت بواسطة midooo_119

ده كلام صحيح و طبيعى فاى شركه ليها بروسس عشان محدش يقلك حاجه تتصلى تانى يوم واحد يقلك حاجه تانية

---

طب دا كلام جميل
طب ما الشركة بقى توفر المرتبات بتاعة خدمة العملاء و يبدلوها بنظام رد ألى و يريحوا دماغهم
طالما انا هتعامل مع حبة ناس حافظة مش فاهمة يبقى اكنى بتعامل مع ماكينات مش بتفهم حاجة و هو دا الوضع فعلا يعنى لازم يتشتموا و تصعد الموضوع علشان الدنيا تشتغل كما هيا عادة المصريين مش بيشتغلوا الا لما ياخدوا بالج...
و لما اسألهم على اى حاجة برا الموضوع مبيردش عليا
بل على العكس بيقوم مسمعنى الاسطوانة اللى هما حافظينها تانى من اول و جديد

حسبى الله و نعم الوكيل بجد

للامانه انا معاهم بقالى 4 سنين وممتازين جدااااا

وتحليلى الواقعى ان القصه كلها تنحصر فى السنترالات ومدى جودتها فى العمل

اقتباس:

---

المشاركة الأصلية كتبت بواسطة hossam_elwani

للامانه انا معاهم بقالى 4 سنين وممتازين جدااااا

وتحليلى الواقعى ان القصه كلها تنحصر فى السنترالات ومدى جودتها فى العمل

---

بالضبط كده انا معاهم برضه من 5 سنين مفيش اى مشكله الناس فاكرة ان تى اى داتا هى المشكله مش فاهمين انه سيرفيس بروفيدر يعنى بيقدم خدمه لكن عن طريق اجهزة السنترال و اسلاك التليفونات الى هى اصلا مالوش تحكم فيها و متهالكه و عفا عليها الزمن و اكبر دليل ان هتلاقى مشتركين يقلولك النت من تى اى داتا زى الفل و برضه ناس تانيه هيقلولك زى الزفت الموضوع كله سنترالات و اسلاك مش اكتر

اقتباس:

---

المشاركة الأصلية كتبت بواسطة alking_2006

و على فكرة و اللى انا عرفته ان الناس اللى شغاله فى خدمة العملاء بيدخلوا ياخدوا اى خط بتاع عميل بليل و يعملوا الداونلود التمام و بعد كدا يرجعوا تانى ليه

...

---

هههههههه .. يا باشا و هما هيداونلود من الخط بتاعك ليه و هما عندهم الماسوره كلها.

أنا لو قلت لك الداونلود جوه الشركه بيوصل لكام مش هتصدق.

لو عندك مشكلة ابعت لي على الخاص .. و ان شاء الله هحاول أساعدك على أد ما أقدر.

اقتباس:

---

مش ممكن انا نفسى الاقى شركة مصرية محترمة

---

انسى, احنا شعب استهلاكي ومش بيفكر ومش عارفين حقوقنا ولو قلت لحد عايزين كللنا نكانسل عقد معين هيقوللك انا مالي + مافيش رقابه

اقتباس:

---

هو احنا لازم ناخد بالج... علشان نشتغل

---

ايوه للاسف :(

اقتباس:

---

المشاركة الأصلية كتبت بواسطة alking_2006

على فكرة اللى قالى الكلام دا واحد صاحبى كان شغال خدمة عملاء جوا
يعنى انا مش هجيب اى كلام
و شكرا على المشاركة

---

لأ هو المعروف ان الشركات كللها بتعمل utilization عشان هما مقسمين الخطوط لأكتر مما تتحمل
يعني الديسلام اللي في السنترال يشيل 10 الاف مشترك بقدرة قادر تلاقيهم مدخلين 50 الف
والمهم الارباح
انا عن نفسي ماباخدش السرعه كامله الا من بعد 4 الفجر لحد 12 الظهر
فكرت احول لشركه تانيه بس هو هو نفس الكلام للاسف
ولا عزاء للمستهلك

يعني نقدر نقول انه بيعتمد علي السنترال وده بيعتمد علي المنطقه يعني اللي عايش في مكان هاي شويه معظم الناس عندها نت هيبقي زي الزفت واللي عايش في مكان شعبي شويه والسنترال لسه بحالته زي حالاتي كده يبقي النت هيبقي 100%

لاني جربته في البلد كان طلقه لحد مالسنترال ابتدي يودع وكل شويه الخط يتسرق ويبوظ
وفي سيدي بشر برده النت حلو قوي

اقتباس:

---

المشاركة الأصلية كتبت بواسطة abdulkhaleq

لأ هو المعروف ان الشركات كللها بتعمل utilization عشان هما مقسمين الخطوط لأكتر مما تتحمل
يعني الديسلام اللي في السنترال يشيل 10 الاف مشترك بقدرة قادر تلاقيهم مدخلين 50 الف
والمهم الارباح
انا عن نفسي ماباخدش السرعه كامله الا من بعد 4 الفجر لحد 12 الظهر
فكرت احول لشركه تانيه بس هو هو نفس الكلام للاسف
ولا عزاء للمستهلك

---

ازاي يعني بيشغلوا الديسلام أكتر من قدرته .. الديسلام مثلا 2000 بورت .. هيوصل عليه أكتر من 2000 عميل ازاي؟ :d

اقتباس:

---

المشاركة الأصلية كتبت بواسطة kar!m

ازاي يعني بيشغلوا الديسلام أكتر من قدرته .. الديسلام مثلا 2000 بورت .. هيوصل عليه أكتر من 2000 عميل ازاي؟ :d

---

انا فعلا سمعت قبل كدا انهم بيحملوا الخطوط فوق طاقتها
يعنى مثلا اللى مدخل ا ميجا مش بيجيلوا ال
bandwidth
كامل لكن بتحس انه متوزع على ناس تانيه
و الكلام دا حصل مع زمايلى و عمرهم ما بيوصلوا للسرعة كامله

بلاش الدفاع عن شركة مصرية "غير محترمة" بدون وقائع ملموسة

اقتباس:

---

المشاركة الأصلية كتبت بواسطة kar!m

ازاي يعني بيشغلوا الديسلام أكتر من قدرته .. الديسلام مثلا 2000 بورت .. هيوصل عليه أكتر من 2000 عميل ازاي؟ :d

---

شوف عشان ماحورش عليك انا ماعرفش الطريقه بالخطوات ازاي
بس صدقني هي كده
طيب ما بتاع القهوه بيشترك في الجزيره وبيطلع من عنده مشترك فيه 500 سلك لأهل الحته كللهم وبيلم قد اللي دفع 50 مره :) يعني جت على دول ؟!!! :) :)

وبعدين والله انا لاحظتها ولو ليك حد في السنترال هيقوللك الكلام ده واهه كلله بيقلب الزبون (اللي هو احنا) وصباح الفهلوه

تقدر تقوللي انا مش باخد سرعتي كامله ليه غير من بعد الساعه 4 الفجر ؟؟!!! لحد 12 الظهر يعني لو عايز اقعد عالنت اقعد وانا نايم
ياراجل ده انا عشان اتفرج على اليوتيوب في اوقات اليوم الطبيعيه لازم اعمل الفيديو على 240p واقعد جمبه اتحايل عليه يحمل :)

(موضوع السرعه من بعد 4 الفجر ده كل يوم بانتظام من ساعة ما اخدت الخط)
يعني انا دافع فلوس حاجه مش باخدها كللها
يبقى ده اسمه ايه؟؟؟
وليه تفسير غير انهم مش بيدو العميل السرعه بتاعته اللي متعاقد عليها ؟؟؟؟

اقتباس:

---

المشاركة الأصلية كتبت بواسطة alking_2006

انا فعلا سمعت قبل كدا انهم بيحملوا الخطوط فوق طاقتها
يعنى مثلا اللى مدخل ا ميجا مش بيجيلوا ال
bandwidth
كامل لكن بتحس انه متوزع على ناس تانيه
و الكلام دا حصل مع زمايلى و عمرهم ما بيوصلوا للسرعة كامله

بلاش الدفاع عن شركة مصرية "غير محترمة" بدون وقائع ملموسة

---

علشان مفيش اي حاجه في مصر بتحدد العلاقه بين العميل (دافع فلوس مش لاقيها في الشارع)
ومقدم الخدمه (اللي شغال لم فلوس وبس)
حتى لو اشتكيت ل NTRA هتخلص على ولا حاجه
ويافندم سرعتك accepted وكل حاجه زي الفل !!
انا كنت زمان خدمة عملاء لبريطانيا
وعايز اقوللك والله ان العميل كان بياخد حقه
وببقشيش مننا كمان
والله العظيم كان مديري يقوللي لو فيه مشكله اديله كريدت (مثلا)
وانا اللي كنت احلف ماهو واخد مليم مش حقه

اعقتد الفكره مش في عدد الخطوط لكن ممكن تكون قدرة الديسلان نفسه كام

انا معرفش Networking قوي بس ممكن يكون البتاع ده مثلا 100 خط وقدرته مثلا انه يشيل 100 ميجا فلو كل الناس موصله ل 1 ميجا يبقي كله هياخد الشير بتاعه لكن لو حد ذود الأشتراك بتاعه يبقي هياخد من غيره

وعلي حد فهمي ان في فرق بين ال DSL وال ADSL
اللي اعرفه ان ال ADSL ده بيبقي فيه شير يعني مش معني انك 1 ميجا انك هتاخدها كله لكن ال DSL ده بيبقي فعلا بتاعك لوحدك
ده فهمي وممكن يحتمل الخطأ

اقتباس:

---

المشاركة الأصلية كتبت بواسطة kar!m

ازاي يعني بيشغلوا الديسلام أكتر من قدرته .. الديسلام مثلا 2000 بورت .. هيوصل عليه أكتر من 2000 عميل ازاي؟ :d

---

اقتباس:

---

المشاركة الأصلية كتبت بواسطة shaddadfalcon1

اعقتد الفكره مش في عدد الخطوط لكن ممكن تكون قدرة الديسلان نفسه كام

انا معرفش Networking قوي بس ممكن يكون البتاع ده مثلا 100 خط وقدرته مثلا انه يشيل 100 ميجا فلو كل الناس موصله ل 1 ميجا يبقي كله هياخد الشير بتاعه لكن لو حد ذود الأشتراك بتاعه يبقي هياخد من غيره

وعلي حد فهمي ان في فرق بين ال DSL وال ADSL
اللي اعرفه ان ال ADSL ده بيبقي فيه شير يعني مش معني انك 1 ميجا انك هتاخدها كله لكن ال DSL ده بيبقي فعلا بتاعك لوحدك
ده فهمي وممكن يحتمل الخطأ

---

بظبط

القصه مش قصه ديسلام كام بورت

القصه كلها في الباندويدث الي نازله علي السنترال وهل هيا مساويه لحجم الاشتراكات الي عليه ولالا

وده نظام كل الشركات في جمهورية مصر العربيه ... الباندويدث بتبقي شير بين المشتركين في السنترال

الا بعض خدمات الـ leased line الي بتبقي السرعه بتاعتك استخدمتها كان بها مستخدمتهاش محدش بيسحبها منك

A.Yakout