لما ابنى كمل سنتين ونص قولت انزله الحضانة وخاصة لما لاقيت ان فى اولاد اصغر منه وبينزلوا..الميس شكاوى لا نهائية منه وانه ما بيركزش معاها والامر غير طبيعي ومحتاج دكتور سلوكيات :120146bطبعا اتخضينا انا ووالدته وعرضناه على دكتور ..الدكتور شايف ان الموضوع طبيعي وانه مش محتاج جلسات تخاطب لانها ممكن اصلا تاخره.. المهم قالولنا طب شوفوا ودنه ..فعلا طلعت ملتهبة وعملنا عملية اللوز واللحمية وانابيب فى الاذن ودى بصراحة كانت ملحوظة مفيدة منهم :tumb:
وقالولنا بعديها انه اتحسن ..شوية ولسة فى ملاحظات وشوية انه عدوانى وشوية اقل من الاطفال فى سنه
المشكلة التانية لما جينا نقدمله في مدرسة "بيبي كلاس" تناكة لا متناهية من المدارس وانترفيوهات واختبارات مستواها عالى :eek:..قولتلهم ازاى تطلبوا من ولد ما كملش 3 سنين يركب buzzle.. طبعا الرد المفحم في اولاد فى سنه وبيركبوها
ومدرسة تقولنا وتنج ليست ومدرسة تقولنا اتفاوضوا مع الادارة ودى انا فهمتها مبلغ تبرع:049:وقررنا ناجله سنة ورجعنا قدمنا تانى السنة دى فى كي جي 1 والحمد لله قبل وطبعا الحضانة ما كنش فى داعى تقدمولوا كى جى 1 السنة دى علشان ما يحسش انه اقل من زمايله ..دى بقى انا فهمتها من سؤ ظنى انهم عايزين يستفيدوا بوجوده فى الحضانة اطول فترة ممكنة
الملاحظتين اللى عندى
1- ان الحضانة بحس انها بتعمل كده مع كل اولياء الامور وان ولادهم عندهم مشكلة
2- الانترفيوهات والامتحانات بحس انها تناكة زيادة وكل ما يتنكوا على اولياء الامور الاقي فى اولياء امور مصدقين قوى وان ده علشان المدرسة تحافظ على مستوى معين وانا شايف ان كل مدرسة بتحاول تعمل صورة لنفسها بالطريقة دى
طبعا المدام مصدقة قوى واننا لازم نعمله اختبار ذكاء وجلسات تخاطب وكل ما تروح انترفيو ولا تتكلم مع الميس فى الحضانة ترجع موهومة ..وبصراحة انا شايف ان دى اصول الصنعة من المدارس والحضانات ..اهو منهم قال يعني بيتبعوا مستوى الولد مع اولياء الامور ومنه يبقى العيب على الطفل ويتقوا الشكاوى
انا حاولت اشارككوا تجربتى وياريت لو اسمع منكم ملاحظتكوا