للأسف يا جماعه أنا رحت أستلم العربيه النهارده بعد المغرب والراجل قاللي تمام وانا جربتها بنفسي وتمام واداني ورقه كفاله لمده شهر.
وراح الصبي شغلي العربيه عبال ما الراجل يكتبلي ورقة ضمان وقعدنا نرغي شويه وبعدين جت المفاجأه:أول مادخلت العربيه وبصيت علي العدادات لقيت لمبة الموتور منوره_يا نهار.........._
رحت للراجل لعب شويه في العربيه واللمبه اختفت وقاللي لو جت تاني ابقي تعالالي بس لازم تروح تغيرلها الزيت والفلتر.
وانا ماشي بالعربيه حسيت انها تقيله ولازم أضغط جامد في الطلعه علشان مابتستجيبش بسرعه ورحت اشتريت الزيت الأصلي بتاع تويوتا وكان تقريبا بـ150 جنيه مصري وفلتر أصلي كان ب35 جنيه تقريبا.
ومافيش عشر دقايق ولقيت لمبة الموتور نورت تاني.
لفيت ورحتله علي طول وحط جهاز في كمبيوتر العربيه وقاللي" فيها الحاجات دي بس انا مش عارف ايه دول بصراحه" :
1- Evaporative emissions
2- Control system Valve
3- Purge
طبعا ترجمتهوملو وقولتلتو ان الموتور فيه تبخير وبلف وعايزه تنضيف(اسمها بالكويتي تصفيه)
وقعد يلعبلي فيها شويه كده ونضفلي البلف ده وقاللي عموما امشي بيها يومين كده ولا حاجه ولو ماظبتتش معاك ابقي تعالي وأنا هاظبطهالك.