استفسار ضرورى بشأن مصنعية

**na3m977** · 20-02-2013 04:44 PM

انا سيارتى فيات 128 موديل 1980 عند تزويدها بزيت للفتيس لاحظت انة بيقع وبينقص تانى ورحت للمكانيكى قاللى ان الكوتشيتين اللى هما من ناحية الاكس والثانية اللى فى الكوبلن الشمال بايظين ومسربين الزيت وعلشان كدة الزيت بينقص ودة طبعا غلط على تروس الفتيس وقاللى اشترى كوتشيتين وهركبهم ولما سئلت على المصنعية قاللى 50 جنية فك وتركيب وكمان هيشحم الكبالن طالما كدة كدة هيفكوهم هل المصنعية كدة تمام ولا اشتغالة لانى اول مرة اتعامل معاة وشكرا

**houras1010** · 20-02-2013 07:44 PM

اهم من الفلوس الصنعه الجيده ولو فك القديم وركب الجداد هتبقى فين الأشتغاله

**spiderman_fathy** · 20-02-2013 11:40 PM

اتوكل علي الله بس اهم حاجه خليك واقف معاه وهو بيشتغل علشان في صنايعيه كتير يشخص العطل صح بس لما يشتغل ميشتغلش كويس فيبوظ الدنيا .... وانشاء الله خير وميحصلش معاك اي مشاكل :)