امبارح وانا ماشى بالعربية وهى لسة بشوكها كدة وقفت فى اشارة عادى يعنى زى اى حد وعربية اوبل ورايا وفيها بنوتة كيوت حلوة كدة حبت تخرج من ضهرى وتيجى جنبى فحكت العربية من الاكصدام عندى بسيط كدة ماتستهلش انى انزل اشوفها دى لمستها يعنى بس قلت مصلحة لقينا حجة نزلت من العربية وبقولها ينفع كدة يعنى فاهمين انتوا الطريق دى المهم روحت بصيت على الاكصدام لقيت حتة فية اتقشرت انا فعلا مابقتش شايف دى ولد والا بنت وبقيت بجعر فى نص الشارع واقولها ما انتى متنيلة ورايا والاشارة متهببة وقفة حبكت ام الفرك بالعربية المهم حصل خير وقدر الله ومشاء فعل انا مش هعرف احافظ عليها فى البلد دى اكتر من كدة واهى بقالها شهر معايا يعنى كدة فل اوى ..فكرت فى المصدات دى الى بتتحط فى الاكصدامات مع النيكل فى المرايات لان البهايم الى بتخبط فى المرايات كتير وعشان اكمل الطقم هجيب عداد تاكسى جوة واحط كلمة تاكسى فوق السقف طيب اعمل اية بس فى دى بلد فقلت اخد رائيكم فى حل تانى فى استيكر شفاف حاجة زى الاستيكر الكربون دة الى طالع جديد دة بقى شفاف مش هيبان بس معرفش فين وبكام ومفيد والا لاء فى الحك انا سمعت انة بيعزل الحرارة عن الزجاج يعنى اكنة فامية بس شفاف والعربية كلها بتتعمل بية حد عندة خلفية عن الحوار دة .