تقرير عن اول تجريح للسيارة

**asyl84** · 20-02-2013 09:28 PM

المشاركة الأصلية كتبت بواسطة mahmoud_afifi

هههههههههه اسلوبك في الكتابه يضحك قوي :))
معلش قدر الله وما شاء فعل. وخلاص الي حصل حصل.
بالنسبه للاستيكر الشفاف نوع 3m بس ده غالي جدا. يعني عشان تعمل العربيه كلها ممكن تخش في 5 الاف جنيه بدون مبالغه. نص العربيه بيعمل 3 الاف.
اما المرايه ممكن تغطيها باستيكر كاربون فايبر نفس لون العربيه مش هتعمل 20 جنيه.
والف مبروك العربيه

ياباشا دة من زوقك والله والله يبارك فيك ..بس فعلا انا مكنتش واخد بالى ان البلد ماينفعش فيها عربية جديدة انا كنت بعربيتى القديمة بوقف الميكروباصات عند حدها ومكنش بيهمنى حد لكن احنا بجد بنتعب عشان نعمل قرش ونجيب بية حاجة وتيجى ناس تافها تنكد علينا انا شوية شوية عايز اجبلها كلب الى يقرب منها يطلعلة على الشباك ويعضة تصدق وتؤمن بالله انا راكن العربية تحت الشغل وسط ما لايقل عن 100 عربية فى الصف بتاعى بس الكلاب تسيبهم كلهم وتطلع على السقف عندى لولا انى افتكرت الزرار الاحمر الى فى الريموت وخليت العربية تزمر والكلاب جريت كان زمانى عملت زى احمد حلمى وكنت حدفتها طوب من فوق

**mahmoud_afifi** · 20-02-2013 09:47 PM

المشاركة الأصلية كتبت بواسطة asyl84

ياباشا دة من زوقك والله والله يبارك فيك ..بس فعلا انا مكنتش واخد بالى ان البلد ماينفعش فيها عربية جديدة انا كنت بعربيتى القديمة بوقف الميكروباصات عند حدها ومكنش بيهمنى حد لكن احنا بجد بنتعب عشان نعمل قرش ونجيب بية حاجة وتيجى ناس تافها تنكد علينا انا شوية شوية عايز اجبلها كلب الى يقرب منها يطلعلة على الشباك ويعضة تصدق وتؤمن بالله انا راكن العربية تحت الشغل وسط ما لايقل عن 100 عربية فى الصف بتاعى بس الكلاب تسيبهم كلهم وتطلع على السقف عندى لولا انى افتكرت الزرار الاحمر الى فى الريموت وخليت العربية تزمر والكلاب جريت كان زمانى عملت زى احمد حلمى وكنت حدفتها طوب من فوق

ههههههههههههههههههه
والله نفس الي بيحصل معايا بالظبط بس مش كلاب حيوانات انما كلاب بني ادمين

يسيبوا العربيات كلها ويقعدوا على شنطة العربيه بتاعتي حتى لو متربه او مطينه او يخبطوها ويسيبوا باقي العربيات :D
اول لما تاخد ختم الشوارع المصريه ماحدش هيقربلها :)
enjoy :D

**Bishoy.Girgis** · 20-02-2013 11:32 PM

اهلا بيك في مصر :)))))))))))))) متتعبش نفسك و انسي .. و موضوع الاستيكر الشفاف انا شوفت واحد بيركبه بس للاسف بيخلي العربية زي ما يكون اللون مجرب مش حلو ..
كبر دماغك و عيش بالعربية لأنك هتلاقي من العالم ديه كتير حواليك

**Dr/ P.K.Sh** · 20-02-2013 11:37 PM

انا العربيه مره فى شارع ضيق المرايه بتاعتى حكت فى عربيه تانيه حكه خفيفه قوى. بعدها بكام يوم روحت غسلت العربيه فى البنزينه راح مسدس الميه جه على المرايه و فجاه الدوكو بتاع المرايه كله وقع فى الارض و بقت المرايه لونها ابيض و معا العلم عربيتى لونها اسود فرحت عند واحد بتاع كماليات لزق عليها استيكر اسود لميع و شكرت ربنا على كده
العربيه ٢٠١٢ الشكل القديم

**asyl84** · 20-02-2013 11:45 PM

المشاركة الأصلية كتبت بواسطة dr/ p.k.sh

انا العربيه مره فى شارع ضيق المرايه بتاعتى حكت فى عربيه تانيه حكه خفيفه قوى. بعدها بكام يوم روحت غسلت العربيه فى البنزينه راح مسدس الميه جه على المرايه و فجاه الدوكو بتاع المرايه كله وقع فى الارض و بقت المرايه لونها ابيض و معا العلم عربيتى لونها اسود فرحت عند واحد بتاع كماليات لزق عليها استيكر اسود لميع و شكرت ربنا على كده
العربيه ٢٠١٢ الشكل القديم

الحمد لله انا بس الى غايظنى انى نفسح افرح بيها سنة واحدة طيب 6 شهور نفسى الاقيها زى ماهى والحمدلله الواحد مش متهور واخطائنا مش كتير بس نعمل اية فى خلق الله على فكرة انا عربيتى 2013 الشكل القديم او فى نظرى الشكل العظيم مع احترامى لملاك الشكل الجديد

المشاركة الأصلية كتبت بواسطة bishoy.girgis

اهلا بيك في مصر :)))))))))))))) متتعبش نفسك و انسي .. و موضوع الاستيكر الشفاف انا شوفت واحد بيركبه بس للاسف بيخلي العربية زي ما يكون اللون مجرب مش حلو ..
كبر دماغك و عيش بالعربية لأنك هتلاقي من العالم ديه كتير حواليك

والله ياباشا انا قعدت افكر فى احميها ازاى من امبارح للنهاردة دلوقتى بس خدت قرار انى انسى لانى المفروض قبل ما اجيبها كنت اعرف انى فى مصر وطلاما جبتها يبقى استحمل ضريبة مصر
بس والله الواحد بيتعب فى الفلوس فحرام تشوف فلوسك بيحصل فيها كدة على ايد ناس مستهترة

**miceg** · 21-02-2013 01:31 AM

المشاركة الأصلية كتبت بواسطة asyl84

والله ياباشا كل الى انت بتقولة دة وانا بنفذة من زمان من عربيتى القديمة بس انا فعلا بترعب فى الاشارة والزحمة وانا واقف لان السادة اصحاب الموتسيكلات بيقوموا بالواجب وزيادة بيحبوا الاكصدامات اوى اقفلهم السكة ادامى يجوا من وارى اريحها وارى يجو من ادام ولما ببقى زوق ومستنى عربية فى الوسع وهى جية فى المواجها ليا لازم يسلم على مرايتى مش معقول كل ما هستنى واحد اقفلة المراية انا ببقى عايز اقولهم زى تهامى باشا ياولاد التيييت انتوا مستقصدنى انا والا اية ما الشارع مليان

كان الله فالعووون
ربنا يسترها معاك
وفعلا بتوع الدليفري خاصة ماشاء الله
وياسلام لو انت قافل القزاز ومشغل الكاسيت ممكن تتخبط عادي من غير ماتاخد بااالك
البهوات بتوع المطاعم بيدوهم تيبس على حجم المشاوير ده غير التيبس بتاع العميل
فبيجننوهم علينااااااااااا
وانا مقدر شعورك خاصة في عربية زيرو وكل يوم تشوف حاجة جديدة
بيبوظ عليك شعور الزيرووو
الحمد لله انها جت على أد كده

**ahmed_hanafi** · 21-02-2013 07:33 AM

معلش يا باشا قدر الله وما شاء فعل .....لو عايز تعمل العربية هتتكلف كتير بس استخدم نوع كويس علشان الدوكو ممكن يبوظ لو نوع اي كلام ...ممكن تستخدم 3m

**john55** · 21-02-2013 12:25 PM

انا هقول لحضرتك علي موقف انا شفته بعيني عربيه كارو واقفه في مزلقان مقفول ووراها عربيه تويوتا كرولا 2012. المهم القطار كان اسباني وجاي بسرعته الحصان راح خايف ورجع باقصي سرعه بضهره راح خابط كبوت العربيه الكرولا وطبقه من قدام الراجل يعيني نزل بص ووقف يضرب كف علي كف دي تعتبر ملاحظه يعني في اي مزلقان حاول تقف بعيد عن اي عربيه يجرها خيول وشكرا