الموضوع: سؤال لملاك الكيا ريو الجديده

المشاركة الأصلية كتبت بواسطة ahmad samir

السلام عليكم اولاً

الموضوع بدأ معايا اني كنت عايز اعمل صيانه الا 1000 كيلو الاولي لعربيتي كيا ريو 2013 خليجي.
ومع اني مش مقتنع بصيانه ال 1000 اوي وبعد بحث فى مواقع اجنبيه ومصريه ملقتش عقاد نافع , ناس تقول مهمه وناس تقول لأ الزيت الي بيجي فى العربيه زيت 10 آلاف , قلت اعملها واريح دماغي وخاصه اني سمعت صوت صفاره خفيفه فى السلانسيه

المهم رحت لتوكيل السبع بتاع زهراء المعادي
ياجماعه عايز اعمل صيانه ال 1000 وعايز اخلي العربيه تعمل لوك على سرعه 20
وبما اني عارف ان الحاجات دي بتتزبط بالكمبيوتر ومعايا اوكتافيا a4 وكنت طول عمري ماشي بيها مكنش فيها الموضوع ده , لحد ما اخويا خدها الحرفيين لواحد عنده كمبيوتر قاله ممكن اخليلك العربيه تقفل على سرعه 20 , لان الاوبشن موجود فى العربيه بس مش معملوله activation

المهم : عربيتي طلعت من عندهم حسيت انها صوتها عالي وخشنه عن الاول شويه مش عارف ازاي , المفروض ان بعد صيانه الالف العربيه صوتها بيهدي وبتتزبط!!! ,
وقالى موضوع القفل ده موجود بس انت عندك حاجه اسمها بي سي بي فيها عيب صناعه وهيه دي الى بتخلي الموضوع ده يشتغل.

المهم سلمت الامر لله وقلت ماشي , المهم كان فى حركه مكيفاني اوي فى العربيه , اللي هيه الحركه بتاعه اني اخبط دراع الاشاره خبطه واحده يمين او شمال بيدي 3 اشارات ويسكت.

لقيتها مش شغاله بعد ما مشيت
المطلوب بقي حد يقولي عربيته بتقفل لوحدها ولا لأ
وهل فى حد عنده كمبيوتر للعربيه يزبطلي الحاجات دي تاني ولا لأ , لان بعد اللي حصل اكيد الناس دي ملهمش فيها , ولا فى بي سي بي بايظ ولا يحزنون.

واسف للتطويل

بص يا كبير
الريو الشكل الجديد ub على مستوى العالم مش بتقفل على سرعة 20 لانو عامل زرار لوك من جوه علشان تبقه متحكم فيه ... و مفيش حاجة اسمها خاصية موجوده و مش شغاله و مش عارف ايه بايظ ... موضوع القفل الى بعد 20 ثانية ده بيبقى فى العربيات الى فيها انذار صينى ولا تيوانى متركب .... مش شغل فابريكه ...
و مفيش حاجة فى العربية اصلا اسمها bcb !!!! هو هيخترع و هيعمل فيها دكتور علشان يشتغل و خلاص !!

الخلاصة يا باشا ان الافندى المحترم لعب فى الكمبيوتر بتاع العربية و خرف فى الشغل و بوظ حاجات ,,,,, بس انت غلطان حد يروح يعمل صيانة عربية زيرو فى الحرفيين !!!

حل الموضوع ده : تفك قواطيش البطارية لمده نصف ساعة و بعدين تركبها تانى و ان شاء الله لو الكمبيوتر عليه مشكلة هتتفرمت و تختفى و ان شاء الله كله يبقى تمام .... لو لا يبقى تروح التوكيل تحط سوفت وير جديد للعربية .. و تقولهم على القصة

بالنسبة لموضوع الخشانة !! انت حطيت زيت ايه ؟؟؟ علشان لو حطيت زيت معدنى الى هو 5000 العربية لازم صوتها هيعلى !! و اصلا غلط على موتور زيرو يتحط فيه زيت معدنى لازم تخليقى ( زيت 10000 زى شل الترا او لكوى مولى توب تك ) ....

المشاركة الأصلية كتبت بواسطة ahmad samir

يامهاب أنت فهمت الموضوع غلط خالص :)
انا عربيتي وديتها توكيل كيا (السبع) بتاع زهراء المعادي
وحوار الحرفيين ده كان فى عربيتي الاوكتافيا , والعربيه طول عمرها مكنش فيها الموضوع ده وفى الحرفيين الراجل شغله لاخويا من غير اي حاجه والعربيه فابريكا لاعمري ركبتلها انذار ولا فتحت الباب من جوه اصلاً

وفى التوكيل بالنسبه لعربيتي , حطو زيت شل ألترا مش زيت عادي , ده ب 275 جنيه لوحده
بس كده

هو انت عندك حركة الاشارات دي ولا لأ ؟؟؟ وموضوع القفل ؟؟؟

هههههههههههههه معلش اسف فهمت غلط
كويس انك حطيت الترا ... رائع اتقل شوية لحد العربية ما تاخد على الزيت و شوف الهدوء هيبقى اذاى ,,, انا برده بعد صيانة الاف كان الصوت خشن شويه بس اول لما وصلت ال 1800 -1900 الصوت هدأ كتير و بقه زى الاول و يمكن اهدأ شويه ..

بص يا كبير موضوع اللوك الى بعد 20 ده مش موجود عندى و 4 عربيات ريو من عربيات اصدقاء ليا ... مفيش القصة دى لو عاوز تقفل من الزار الى جنبك
موضوع حركه الاشاره شغالة و الحمد لله واعمل موضوع القواطيش بتاعه البطارية علشان لو الكنترول مخرف يظبط و الاشاره تشتغل تانى تمام و ان شاء الله خير ...
واى استفسار فى اى وقت تحت امرك

المشاركة الأصلية كتبت بواسطة ahmad samir

حبيبي يا مهاب ربنا يكرمك
وربنا يسهل , هشوف ايه النظام فى موضوع الاشاره ده
انا بفكر ابعت اجيب كمبيوتر الاعطال من امريكا , لو جبته هزبطكم يا رجاله الريو

حبيبى يا احمد بيك ,,,جرب بس موضوع البطارية ده
موضوع كبيموتر الاعطال ... انا شفت واحد صغنن خالص بيشتغل بالبلوتوث .. وب 400 جنية
بس لسه بدرس الفكره